ਅੰਬਾਲਾ ਵਿਚ 2 ਗੁਣਾ ਪੈਸਾ ਕਰਨ ਦਾ ਲਾਲਚ ਦੇ ਕੇ ਧੋਖਾਦੇਹੀ ਕਰਨ ਵਾਲੇ ਗਿਰੋਹ ਦਾ ਲੁਧਿਆਣਾ ਵਾਸੀ ਇਕ ਬਿਜ਼ਨੈੱਸਮੈਨ ਸ਼ਿਕਾਰ ਹੋ ਗਿਆ। ਸ਼ਾਤਿਰ ਠੱਗ ਵਪਾਰੀ ਦੇ 22 ਲੱਖ ਰੁਪਏ ਖੋਹ ਕੇ ਫਪਾਰ ਹੋ ਗਏ। ਲੁਧਿਆਣਾ ਵਾਸੀ ਡੇਅਰੀ ਸੰਚਾਲਕ ਨੇ ਦੱਸਿਆ ਕਿ ਦਸੰਬਰ 2020 ਵਿਚ ਉਸ ਦੇ ਜਾਣਕਾਰ ਸੋਨੀ ਨੇ ਯਸ਼ਵਿੰਦਰ ਉਰਫ ਯਸ਼ ਤੇ ਦਲਜੀਤ ਸਿੰਘ ਨਾਲ ਮੁਲਾਕਾਤ ਕਰਾਈ ਸੀ। ਉਸ ਨੇ ਕਿਹਾ ਸੀ ਕਿ ਯਸ਼ਵਿੰਦਰ ਤੇ ਦਲਜੀਤ ਸਿੰਘ ਪੈਸੇ ਡਬਲ ਕਰਨ ਦਾ ਕੰਮ ਕਰਦੇ ਹਨ। ਮੁਲਜ਼ਮਾਂ ਨੇ ਉਸ ਨੂੰ ਆਪਣੀਆਂ ਗੱਲਾਂ ਵਿਚ ਉਲਝਾ ਲਿਆ।
ਸ਼ਿਕਾਇਤਕਰਤਾ ਨੇ ਦੱਸਿਆ ਕਿ ਪਹਿਲਾਂ ਤਾਂ ਉਸ ਨੇ 2 ਲੱਖ ਰੁਪਏ ਦੁੱਗਣੇ ਕਰਨ ਦੀ ਗੱਲ ਕਹੀ ਸੀ, ਪਰ ਮੁਲਜ਼ਮਾਂ ਨੇ ਕਿਹਾ ਕਿ ਉਹ ਛੋਟੀਆਂ ਰਕਮਾਂ ਲਈ ਕੰਮ ਨਹੀਂ ਕਰਦੇ। ਮੁਲਜ਼ਮਾਂ ਨੇ ਉਸ ਤੋਂ 2 ਲੱਖ ਰੁਪਏ ਲੈ ਲਏ ਅਤੇ ਕਿਹਾ ਕਿ ਉਹ 20 ਤੋਂ 22 ਲੱਖ ਰੁਪਏ ਦਾ ਕੰਮ ਕਰਦੇ ਹਨ। ਦੋਸ਼ੀ ਨੇ ਉਸ ਨੂੰ ਕਿਹਾ ਕਿ ਜਦੋਂ ਵੀ ਉਹ ਗੱਲ ਕਰਨੀ ਚਾਹੇ ਵਟਸਐਪ ‘ਤੇ ਕਾਲ ਕਰੇ। ਉਹ ਦੋਵਾਂ ਨੂੰ ਵਟਸਐਪ ‘ਤੇ ਕਾਲ ਕਰਦਾ ਸੀ ਅਤੇ ਗੱਲ ਕਰਦਾ ਸੀ।
ਮੇਜਰ ਸਿੰਘ ਨੇ ਦੱਸਿਆ ਕਿ ਉਸ ਨੇ 22 ਲੱਖ ਰੁਪਏ ਇਕੱਠੇ ਕੀਤੇ। ਮੁਲਜ਼ਮਾਂ ਨੇ ਉਸ ਨੂੰ 22 ਦੀ ਬਜਾਏ 44 ਲੱਖ ਦੇਣ ਦਾ ਲਾਲਚ ਦਿੱਤਾ। ਮੁਲਜ਼ਮ ਹਮੇਸ਼ਾ ਆਰਜ਼ੀ ਨੰਬਰ ਵਾਲੀ ਗੱਡੀ ਵਿੱਚ ਮਿਲਦੇ ਰਹਿੰਦੇ ਸਨ। ਦਸੰਬਰ 2020 ਵਿੱਚ ਮੁਲਜ਼ਮਾਂ ਨੇ 22 ਲੱਖ ਰੁਪਏ ਲੈ ਕੇ ਪਿੰਡ ਹੋਲੀ ਦੇ ਅੱਡਾ ਤੋਂ ਬਰਾੜਾ ਤੱਕ ਦੁਸਾਦਕਾ ਤੋਂ ਬਰਾੜਾ ਸੜਕ ’ਤੇ ਅੰਬਾਲਾ ਵਿੱਚ ਬੁਲਾ ਲਿਆ। ਇੱਥੇ ਉਸ ਨੇ ਮੁਲਜ਼ਮ ਯਸ਼ਵਿੰਦਰ ਉਰਫ਼ ਯਸ਼ ਅਤੇ ਦਲਜੀਤ ਸਿੰਘ ਨੂੰ ਆਪਣੀ ਕਾਰ ਨੇੜੇ ਆਉਂਦੇ ਦੇਖਿਆ ਅਤੇ ਰੋਹਿਤ ਨਾਂ ਦਾ ਨੌਜਵਾਨ ਵੀ ਉਨ੍ਹਾਂ ਦੇ ਨਾਲ ਸੀ।
ਮੇਜਰ ਸਿੰਘ ਨੇ ਦੱਸਿਆ ਕਿ ਬਦਮਾਸ਼ ਠੱਗ 22 ਲੱਖ ਰੁਪਏ ਲੈ ਗਏ ਅਤੇ ਇੱਕ ਬੈਗ ਵਿੱਚ 44 ਲੱਖ ਰੁਪਏ ਦੇ ਨੋਟਾਂ ਦਾ ਬੰਡਲ ਦਿਖਾ ਕੇ ਲੈ ਗਏ। ਇਸ ਦੌਰਾਨ ਲਾਈਟਾਂ ਆਨ ਅਤੇ ਸਾਇਰਨ ਵੱਜ ਰਹੀ ਇੱਕ ਕਾਰ ਉੱਥੇ ਆਈ, ਜਿਸ ਵਿੱਚ ਕੁਝ ਲੋਕ ਪੁਲਿਸ ਦੀ ਵਰਦੀ ਵਿੱਚ ਸਨ। ਗੱਡੀ ਕੁਝ ਦੇਰ ਉਥੇ ਰੁਕੀ। ਉਸੇ ਸਮੇਂ ਮੁਲਜ਼ਮ ਨੇ ਰੌਲਾ ਪਾਇਆ ਕਿ ਪੁਲਿਸ ਆ ਗਈ ਅਤੇ ਮੁਲਜ਼ਮ ਉਸ ਕੋਲੋਂ 22 ਲੱਖ ਰੁਪਏ ਲੈ ਕੇ ਫਰਾਰ ਹੋ ਗਿਆ। ਜਦੋਂ ਉਸ ਨੇ ਪੈਸੇ ਮੰਗੇ ਤਾਂ ਉਸ ਨੂੰ ਜਾਨੋਂ ਮਾਰਨ ਦੀਆਂ ਧਮਕੀਆਂ ਮਿਲਣ ਲੱਗੀਆਂ। ਪੁਲਿਸ ਨੇ ਮੁਲਜ਼ਮਾਂ ਖ਼ਿਲਾਫ਼ ਧਾਰਾ 406, 420,120-ਬੀ ਅਤੇ 506 ਤਹਿਤ ਕੇਸ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਇਹ ਵੀ ਪੜ੍ਹੋ : ਖੁਸ਼ਖਬਰੀ, ਕੈਨੇਡਾ ‘ਚ ਵਰਕ ਪਰਮਿਟ ਵਾਲਿਆਂ ਦੇ ਜੀਵਨ ਸਾਥੀ ਵੀ ਕਰ ਸਕਣਗੇ ਕੰਮ
ਇੱਕ ਮਹੀਨਾ ਪਹਿਲਾਂ ਅੰਬਾਲਾ ਦੀ ਸੀਆਈਏ-1 ਨੇ ਛਾਪੇਮਾਰੀ ਕਰਕੇ ਪੈਸੇ ਦੁੱਗਣੇ ਕਰਨ ਦਾ ਝਾਂਸਾ ਦੇ ਕੇ ਠੱਗੀ ਮਾਰਨ ਵਾਲੇ ਇਸ ਗਿਰੋਹ ਦਾ ਪਰਦਾਫਾਸ਼ ਕੀਤਾ ਸੀ। ਪੁਲਿਸ ਨੇ 4 ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕਰਕੇ ਉਨ੍ਹਾਂ ਦੇ ਕਬਜ਼ੇ ਵਿੱਚੋਂ ਇੱਕ ਸਕਾਰਪੀਓ ਗੱਡੀ, ਨਕਲੀ ਨੋਟਾਂ ਦੇ ਬੰਡਲ ਬਣਾਉਣ ਵਾਲੀ ਇੱਕ ਡਾਈ ਮਸ਼ੀਨ ਅਤੇ 21 ਲੱਖ 10 ਹਜ਼ਾਰ ਰੁਪਏ ਦੇ ਨਕਲੀ ਨੋਟਾਂ ਦੇ 226 ਬੰਡਲ ਬਰਾਮਦ ਕੀਤੇ ਹਨ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
