ਦੂਰਸੰਚਾਰ ਵਿਭਾਗ (DoT) ਨੇ ਦੂਰਸੰਚਾਰ ਕੰਪਨੀਆਂ ਨੂੰ ਨਿਰਦੇਸ਼ ਦਿੱਤਾ ਹੈ ਕਿ ਉਹ ਹਵਾਈ ਅੱਡੇ ਦੇ ਰਨਵੇਅ ਦੇ ਦੋਵੇਂ ਪਾਸੇ 2 ਕਿਲੋਮੀਟਰ ਤੱਕ 5ਜੀ ਸੇਵਾਵਾਂ ਪ੍ਰਦਾਨ ਨਾ ਕਰਨ। ਨਾਲ ਹੀ ਕੰਪਨੀਆਂ ਰਨਵੇਅ ਦੇ 910 ਮੀਟਰ ਤੱਕ ਸਰਵਿਸ ਨਹੀਂ ਦੇ ਸਕਣਗੀਆਂ।
ਇਸ ਦਾ ਮਤਲਬ ਹੈ ਕਿ ਜੇ ਤੁਸੀਂ ਏਅਰਕ੍ਰਾਫਟ ‘ਚ ਬੈਠੇ ਹੋ ਤਾਂ ਤੁਸੀਂ 5ਜੀ ਸੇਵਾ ਦਾ ਆਨੰਦ ਨਹੀਂ ਮਾਣ ਸਕੋਗੇ। ਨਾਲ ਹੀ, ਭਾਰਤ ਵਿੱਚ ਬਹੁਤ ਸਾਰੇ ਹਵਾਈ ਅੱਡੇ ਬਹੁਤ ਛੋਟੇ ਹਨ ਜਿੱਥੇ ਸੇਵਾ ਪ੍ਰਦਾਨ ਕਰਨਾ ਬਹੁਤ ਮੁਸ਼ਕਲ ਹੈ।
ਟੈਲੀਕਾਮ ਕੰਪਨੀਆਂ ਨੇ 5ਜੀ ਸੇਵਾਵਾਂ ਸ਼ੁਰੂ ਕਰਨ ਦਾ ਜ਼ੋਰਦਾਰ ਐਲਾਨ ਕੀਤਾ ਹੈ। ਮਹੱਤਵਪੂਰਨ ਗੱਲ ਇਹ ਹੈ ਕਿ ਭਾਰਤੀ ਏਅਰਟੈੱਲ ਨੇ ਦੇਸ਼ ਦੇ ਪੰਜ ਹਵਾਈ ਅੱਡਿਆਂ ‘ਤੇ 5ਜੀ ਸੇਵਾ ਪ੍ਰਦਾਨ ਕਰਨ ਦਾ ਐਲਾਨ ਕੀਤਾ ਹੈ। ਦਰਅਸਲ, 5ਜੀ ਦੇ ਸਿਗਨਲ ਨਾਲ ਜਹਾਜ਼ ਦਾ ਅਲਟੀਮੀਟਰ ਪ੍ਰਭਾਵਿਤ ਹੁੰਦਾ ਹੈ। ਦੂਰਸੰਚਾਰ ਵਿਭਾਗ ਨੇ ਡੀਜੀਸੀਏ ਨੂੰ ਜਹਾਜ਼ ਦੇ ਅਲਟੀਮੀਟਰਾਂ ਨੂੰ ਬਦਲਣ ਦੇ ਕੰਮ ਵਿੱਚ ਤੇਜ਼ੀ ਲਿਆਉਣ ਲਈ ਕਿਹਾ ਹੈ।
ਰਿਲਾਇੰਸ ਜੀਓ, ਭਾਰਤੀ ਏਅਰਟੈੱਲ ਅਤੇ ਵੋਡਾਫੋਨ ਆਈਡੀਆ ਨੂੰ ਮਿਲਦੇ-ਜੁਲਦੇ ਪੱਤਰਾਂ ਵਿੱਚ DoT ਨੇ ਅੱਗੇ ਕਿਹਾ ਕਿ 5G ਬੇਸ ਸਟੇਸ਼ਨ ਇਸ 2.1 ਕਿਲੋਮੀਟਰ ਦੀ ਸੀਮਾ ਤੋਂ 540 ਮੀਟਰ ਦੇ ਖੇਤਰ ਵਿੱਚ ਸਥਾਪਤ ਕੀਤੇ ਜਾ ਸਕਦੇ ਹਨ, ਪਰ ਬਿਜਲੀ ਦੀ ਨਿਕਾਸੀ 58 dBm/MHz ਤੱਕ ਸੀਮਿਤ ਹੋਣੀ ਚਾਹੀਦੀ ਹੈ। DoT ਨੇ ਪੱਤਰ ਵਿੱਚ ਕਿਹਾ ਹੈ ਕਿ ਦੂਰਸੰਚਾਰ ਸੇਵਾ ਪ੍ਰਦਾਤਾਵਾਂ ਨੂੰ ਤੁਰੰਤ ਪ੍ਰਭਾਵ ਨਾਲ ਇਹ ਉਪਾਅ ਅਪਣਾਉਣੇ ਪੈਣਗੇ ਅਤੇ ਇਹ ਉਦੋਂ ਤੱਕ ਲਾਗੂ ਰਹਿਣਗੇ ਜਦੋਂ ਤੱਕ ਸਾਰੇ ਏਅਰਕ੍ਰਾਫਟ ਰੇਡੀਓ ਅਲਟੀਮੀਟਰ ਫਿਲਟਰਾਂ ਨੂੰ ਡੀਜੀਸੀਏ ਵੱਲੋਂ ਬਦਲਿਆ ਨਹੀਂ ਜਾਂਦਾ ਹੈ।
ਹੁਕਮ ਦਾ ਮਤਲਬ ਹੈ ਕਿ ਫਿਲਹਾਲ ਹਵਾਈ ਅੱਡਿਆਂ ਦੇ ਆਸ-ਪਾਸ ਕੋਈ 5ਜੀ ਸੇਵਾਵਾਂ ਨਹੀਂ ਹੋਣਗੀਆਂ। ਮਿਸਾਲ ਵਜੋਂ ਦਿੱਲੀ ਵਿੱਚ, ਵਸੰਤ ਕੁੰਜ ਅਤੇ ਦਵਾਰਕਾ ਵਰਗੇ ਖੇਤਰਾਂ ਵਿੱਚ 5ਜੀ ਨਹੀਂ ਹੋਵੇਗੀ। ਦੂਰਸੰਚਾਰ ਫਰਮਾਂ ਨੂੰ 5ਜੀ ਬੇਸ ਸਟੇਸ਼ਨਾਂ ਨੂੰ ਇਸ ਹੱਦ ਤੱਕ ਹੇਠਾਂ ਝੁਕਾਉਣ ਲਈ ਕਿਹਾ ਗਿਆ ਹੈ ਕਿ 5ਜੀ ਨਿਕਾਸੀ ਰੇਡੀਓ ਅਲਟੀਮੀਟਰਾਂ ਵਿੱਚ ਇੰਟਰਫੇਅਰ ਨਾ ਕਰਨ।
ਇਹ ਵੀ ਪੜ੍ਹੋ : ਇੰਗਲੈਂਡ ਦੇ ਇਤਿਹਾਸ ਵਿੱਚ ਪਹਿਲੀ ਘੱਟ ਹੋਈ ਈਸਾਈਆਂ ਦੀ ਗਿਣਤੀ, ਵਧੇ ਹਿੰਦੂ-ਮੁਸਲਿਮ
ਅਲਟੀਮੀਟਰ ਨੂੰ ਬਦਲਣ ਬਾਰੇ ਦੂਰਸੰਚਾਰ ਵਿਭਾਗ ਨੇ ਕਿਹਾ ਕਿ ਇਹ ਡੀਜੀਸੀਏ ਵੱਲੋਂ ਸਮੇਂ ਸਿਰ ਕੀਤਾ ਜਾਵੇਗਾ। ਪੱਤਰ ਵਿੱਚ ਕਿਹਾ ਗਿਆ ਹੈ ਕਿ ਡੀਜੀਸੀਏ ਨੂੰ ਬੇਨਤੀ ਕੀਤੀ ਜਾਂਦੀ ਹੈ ਕਿ ਇਹ ਕੰਮ ਪੂਰਾ ਹੁੰਦੇ ਹੀ ਡੀਓਟੀ ਨੂੰ ਸੂਚਿਤ ਕੀਤਾ ਜਾਵੇ ਤਾਂ ਜੋ ਪਾਬੰਦੀਆਂ ਨੂੰ ਹਟਾਇਆ ਜਾ ਸਕੇ। ਤਿੰਨਾਂ ਟੈਲੀਕਾਮ ਕੰਪਨੀਆਂ ਵੱਲੋਂ ਇਸ ਮਾਮਲੇ ‘ਚ ਕੋਈ ਬਿਆਨ ਨਹੀਂ ਆਇਆ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
