ਉੱਤਰ ਪ੍ਰਦੇਸ਼ ਵਿਧਾਨ ਸਭਾ ਚੋਣਾਂ ਲਈ ਭਾਜਪਾ ਨੇ ਆਪਣੇ ਉਮੀਦਵਾਰਾਂ ਦੀ ਦੂਜੀ ਸੂਚੀ ਜਾਰੀ ਕਰ ਦਿੱਤੀ ਹੈ, ਜਿਸ ਵਿੱਚ 85 ਸੀਟਾਂ ਤੋਂ ਉਮੀਦਵਾਰਾਂ ਦੇ ਨਾਵਾਂ ਦਾ ਐਲਾਨ ਕੀਤਾ ਗਿਆ ਹੈ। ਪਾਰਟੀ ਨੇ ਬਗਾਵਤ ਕਰਕੇ ਬੀਜੇਪੀ ਵਿੱਚ ਆਈ ਕਾਂਗਰਸੀ ਵਿਧਾਇਕ ਅਦਿਤੀ ਸਿੰਘ ਨੂੰ ਰਾਏਬਰੇਲੀ ਤੋਂ ਚੋਣ ਮੈਦਾਨ ਵਿੱਚ ਉਤਾਰਿਆ ਹੈ, ਜਦਕਿ ਹਾਲ ਹੀ ਵਿੱਚ ਅਸਤੀਫਾ ਦੇ ਕੇ ਬੀਜੇਪੀ ਵਿੱਚ ਸ਼ਾਮਲ ਹੋਏ ਸਾਬਕਾ ਆਈ.ਪੀ.ਐੱਸ. ਅਸੀਮ ਅਰੁਣ ਕੰਨੌਜ ਤੋਂ ਉਮੀਦਵਾਰ ਹੋਣਗੇ।
ਐਲਾਨੀ ਸੂਚੀ ਵਿੱਚ ਹਾਥਰਸ ਤੋਂ ਅੰਜੁਲਾ ਮਾਹੌਰ ਅਤੇ ਸਾਦਾਬਾਦ ਤੋਂ ਰਾਮਵੀਰ ਉਪਾਧਿਆਏ ਨੂੰ ਉਮੀਦਵਾਰ ਬਣਾਇਆ ਗਿਆ ਹੈ। ਇਸ ਲੜੀ ਵਿੱਚ ਸਿਰਸਾਗੰਜ ਤੋਂ ਹਰਿਓਮ ਯਾਦਵ ਅਤੇ ਕਾਸਗੰਜ ਤੋਂ ਦੇਵੇਂਦਰ ਸਿੰਘ ਲੋਧੀ ਨੂੰ ਉਮੀਦਵਾਰ ਬਣਾਇਆ ਗਿਆ ਹੈ। ਤਿਲਹਾਰ ਤੋਂ ਸਲੋਨਾ ਕੁਸ਼ਵਾਹਾ, ਦਾਦਰੌਲ ਤੋਂ ਮਾਨਵੇਂਦਰ ਸਿੰਘ, ਪਾਲੀਆ ਤੋਂ ਹਰਵਿੰਦਰ ਰੋਮੀ ਸਾਹਨੀ, ਲਖੀਮਪੁਰ ਤੋਂ ਯੋਗੇਸ਼ ਵਰਮਾ, ਹਰਗਾਓਂ ਤੋਂ ਸੁਰੇਸ਼ ਰਾਹੀ, ਮਹਿਮੂਦਾਬਾਦ ਤੋਂ ਆਸ਼ਾ ਮੌਰਿਆ, ਛਿਬਰਾਮਊ ਤੋਂ ਅਰਚਨਾ ਪਾਂਡੇ, ਇਟਾਵਾ ਤੋਂ ਸਰਿਤਾ ਭਦੌਰੀਆ, ਮਹਾਰਾਜਾਪੁਰ ਤੋਂ ਸਤੀਸ਼ ਮਹਾਨਾ ਅਤੇ ਮਾਧੌਗੜ੍ਹ ਤੋਂ ਮੂਲਚੰਦਰ ਨਿਰੰਦਰ ਬੇਜੀਪੀ ਉਮੀਦਵਾਰ ਹੋਣਗੇ।
ਭਾਜਪਾ ਨੇ ਪਹਿਲੀ ਸੂਚੀ ਵਿੱਚ 107 ਉਮੀਦਵਾਰਾਂ ਦੇ ਨਾਵਾਂ ਦਾ ਐਲਾਨ ਕੀਤਾ ਸੀ। ਇਸ ਤੋਂ ਬਾਅਦ ਮਥੁਰਾ ਜ਼ਿਲ੍ਹੇ ਦੀਆਂ ਦੋ ਹੋਰ ਸੀਟਾਂ ਬੇਹੜੀ ਅਤੇ ਭੋਜੀਪੁਰਾ ਸੀਟ ਲਈ ਵੱਖਰੇ ਤੌਰ ‘ਤੇ ਉਮੀਦਵਾਰਾਂ ਦੇ ਨਾਵਾਂ ਦਾ ਐਲਾਨ ਕੀਤਾ ਗਿਆ ਸੀ।
ਪਾਰਟੀ ਨੇ ਇਸ ਤੋਂ ਪਹਿਲਾਂ ਚੋਣਾਂ ਦੇ ਪਹਿਲੇ ਅਤੇ ਦੂਜੇ ਪੜਾਅ ਲਈ ਉਮੀਦਵਾਰਾਂ ਦੇ ਨਾਵਾਂ ਦਾ ਐਲਾਨ ਕੀਤਾ ਸੀ। ਪਹਿਲੇ ਪੜਾਅ ‘ਚ 58 ਸੀਟਾਂ ‘ਤੇ ਚੋਣਾਂ ਹੋਣੀਆਂ ਹਨ, ਜਿਨ੍ਹਾਂ ‘ਚੋਂ ਪਾਰਟੀ ਨੇ 57 ਸੀਟਾਂ ‘ਤੇ ਉਮੀਦਵਾਰਾਂ ਦਾ ਐਲਾਨ ਕਰ ਦਿੱਤਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“ਕੀ ਭਗਵੰਤ ਮਾਨ AAP ਦੀ ਬੇੜੀ ਲਾ ਸਕਣਗੇ ਪਾਰ ? ਭਗਵੰਤ ਮਾਨ ‘ਤੇ ਆਪ ਨੇ ਕਿਉਂ ਖੇਡਿਆ ਦਾਅ ? ਕੀ ਹੋਵੇਗਾ ਆਮ ਆਦਮੀ ਪਾਰਟੀ ਨੂੰ ਫਾਇਦਾ ? “
ਇਸ ਦੇ ਨਾਲ ਹੀ ਭਾਜਪਾ ਨੇ ਦੂਜੇ ਪੜਾਅ ‘ਚ 55 ‘ਚੋਂ 48 ਸੀਟਾਂ ‘ਤੇ ਉਮੀਦਵਾਰ ਖੜ੍ਹੇ ਕੀਤੇ ਹਨ। ਪਾਰਟੀ ਨੇ 107 ‘ਚੋਂ 21 ਨਵੇਂ ਚਿਹਰਿਆਂ ‘ਤੇ ਬਾਜ਼ੀ ਮਾਰੀ ਹੈ ਅਤੇ 63 ਮੌਜੂਦਾ ਵਿਧਾਇਕਾਂ ‘ਤੇ ਭਰੋਸਾ ਜਤਾਇਆ ਹੈ।
