DC Mohali issues new instructions : ਮੋਹਾਲੀ ਵਿੱਚ ਕੋਰੋਨਾ ਵਾਇਰਸ ਦੇ ਵਧਦੇ ਮਾਮਲਿਆਂ ਨੂੰ ਧਿਆਨ ਵਿੱਚ ਰਖਦਿਆਂ ਪੰਜਾਬ ਸਰਕਾਰ ਦੇ ਹੁਕਮਾਂ ਮੁਤਾਬਕ ਮੋਹਾਲੀ ਜ਼ਿਲ੍ਹੇ ਵਿੱਚ ਵੀ ਕਰਫਿਊ ਦਾ ਸਮਾਂ ਵਧਾ ਕੇ 9 ਵਜੇ ਤੋਂ ਸਵੇਰੇ 5 ਵਜੇ ਤੱਕ ਕਰ ਦਿੱਤਾ ਗਿਆ ਹੈ, ਹਾਲਾਂਕਿ ਇਸ ਦੌਰਾਨ ਜ਼ਰੂਰੀ ਵਿਅਕਤੀਆਂ ਅਤੇ ਸੇਵਾਵਾਂ ਦੀ ਨੂੰ ਛੋਟ ਦਿੱਤੀ ਜਾਏਗੀ। ਜਿਨ੍ਹਾਂ ਵਿੱਚ ਕਾਨੂੰਨ ਅਤੇ ਵਿਵਸਥਾ / ਐਮਰਜੈਂਸੀ ਅਤੇ ਮਿਉਂਸਪਲ ਸੇਵਾਵਾਂ ਦੀਆਂ ਡਿਊਟੀਆਂ ਸਮੇਤ ਕਾਰਜਕਾਰੀ ਮੈਜਿਸਟਰੇਟ, ਪੁਲਿਸ ਕਰਮਚਾਰੀ, ਸੈਨਿਕ / ਅਰਧ ਸੈਨਿਕ ਕਰਮਚਾਰੀ ਵਰਦੀ ਵਿਚ, ਹੈਲਥ ਕੇਅਰ ਪੇਸ਼ੇਵਰ, ਫਰੰਟ ਲਾਈਨ ਵਰਕਰ, ਬਿਜਲੀ, ਕੋਰੋਨਾ ਨਾਲ ਸੰਬੰਧਤ ਡਿਊਟੀਆਂ ’ਤੇ ਤਾਇਨਾਤ ਸਰਕਾਰੀ ਮੁਲਾਜ਼ਮ ਸ਼ਾਮ ਹਨ।
ਕਰਫਿਊ ਦੌਰਾਨ ਜਿਨ੍ਹਾਂ ਨੂੰ ਡੀਐਮ / ਏਡੀਐਮ / ਐਸਡੀਐਮ ਜਾਂ ਕਿਸੇ ਹੋਰ ਅਧਿਕਾਰਤ ਅਫਸਰ ਕੋਲੋਂ ਕਰਫਿਊ ਪਾਸ ਜਾਰੀ ਕੀਤਾ ਗਿਆ ਹੈ ਅਤੇ ਸਾਰੇ ਵਾਹਨਾਂ / ਵਿਅਕਤੀਆਂ ਨੂੰ ਸਿਰਫ ਸਥਿਤੀ ਦੇ ਮੂਲ ਅਤੇ ਮੰਜ਼ਿਲ ਦੀ ਪੁਸ਼ਟੀਕਰਣ ਦੇ ਬਾਅਦ ਸਵੱਛ ਆਵਾਜਾਈ (ਅੰਤਰ-ਰਾਜ / ਅੰਤਰ ਜ਼ਿਲ੍ਹਾ) ਵਿਚ ਆਉਣ ਦੀ ਆਗਿਆ ਹੋਵੇਗੀ। ਐਮਰਜੈਂਸੀ ਅਤੇ ਜ਼ਰੂਰੀ ਸੇਵਾਵਾਂ ਦੀ ਜ਼ਿੰਮੇਵਾਰੀ ਸਰਕਾਰੀ ਕਰਮਚਾਰੀਆਂ ਨੂੰ ਦਿੱਤੀ ਜਾਏਗੀ।
ਹਸਪਤਾਲਾਂ, ਕੈਮਿਸਟ ਦੁਕਾਨਾਂ ਅਤੇ ਏ.ਟੀ.ਐਮ. ਨੂੰ 24×7 ਖੁੱਲੇ ਰਹਿਣ ਦੀ ਇਜਾਜ਼ਤ ਹੋਵੇਗੀ। ਮੀਡੀਆ ਦੇ ਲੋਕਾਂ ਨੂੰ ਪੰਜਾਬ, ਹਰਿਆਣਾ ਚੰਡੀਗੜ੍ਹ ਜਾਂ ਭਾਰਤ ਸਰਕਾਰ ਵੱਲੋਂ ਜਾਰੀ ਗੁਲਾਬੀ ਤੇ ਪੀਲੇ ਪਾਸ ਨਾਲ ਕਰਫਿਊ ਵਿੱਚ ਨਿਕਲਣ ਦੀ ਇਜਾਜ਼ਤ ਹੋਵੇਗੀ। ਖਾਣੇ ਆਦਿ ਦੀ ਹੋਮ ਡਿਲਵਰੀ 10 ਵਜੇ ਤੱਕ ਹੀ ਹੋ ਸਕੇਗੀ। ਬੀਪੀਓ ਸੇਵਾਵਾਂ, ਬਿਜਲੀ ਦੀ ਸੰਭਾਲ ਵਿੱਚ ਲੱਗੇ ਨਿੱਜੀ ਅਦਾਰਿਆਂ ਦੇ ਕਰਮਚਾਰੀ ਦੂਰਸੰਚਾਰ ਅਤੇ ਅਜਿਹੀਆਂ ਹੋਰ ਸੇਵਾਵਾਂ ਜੋ ਰਾਤ ਦੀਆਂ ਡਿਊਟੀਆਂ ਨਾਲ ਜੁੜੀਆਂ ਹੁੰਦੀਆਂ ਹਨ, ਨੂੰ ਵੀ ਉਨ੍ਹਾਂ ਦੇ ਕੰਪਨੀ ਮਾਲਕਾਂ ਵੱਲੋਂ ਜਾਰੀ ਕੀਤੇ ਆਈਡੀ ਕਾਰਡ ਨਾਲ ਕਰਫਿਊ ਵਿੱਚ ਨਿਕਲਣ ਦੀ ਇਜਾਜ਼ਤ ਹੋਵੇਗੀ।
