ਚੀਨੀ ਮੋਬਾਈਲ ਕੰਪਨੀ ਦੇ ਭਾਰਤ ਵਿੱਚ OPPO ਇੰਡੀਆ ਦੇ ਕਈ ਟਿਕਾਣਿਆਂ ‘ਤੇ ਡਾਇਰੈਕਟੋਰੇਟ ਆਫ ਰੈਵੇਨਿਊ ਇੰਟੈਲੀਜੈਂਸ ਨੇ ਛਾਪੇਮਾਰੀ ਕਰਨ ਦੀ ਖਬਰ ਸਾਹਮਣੇ ਆਈ ਹੈ। ਰਿਪੋਰਟਾਂ ਮੁਤਾਬਕ 4389 ਕਰੋੜ ਰੁਪਏ ਦੀ ਕਸਟਮ ਡਿਊਟੀ ਚੋਰੀ ਦਾ ਪਤਾ ਲੱਗਾ ਹੈ। ਡੀਆਰਆਈ ਨੇ ਹਾਲ ਹੀ ਵਿੱਚ ਟੈਕਸ ਚੋਰੀ ਲਈ ਛਾਪੇਮਾਰੀ ਤੇਜ਼ ਕੀਤੀ ਹੈ। ਕੁਝ ਦਿਨ ਪਹਿਲਾਂ ਚੀਨੀ ਕੰਪਨੀਆਂ ਦੇ ਦਫਤਰਾਂ ‘ਤੇ ਵੀ ਛਾਪੇਮਾਰੀ ਕੀਤੀ ਗਈ ਸੀ। ਰਿਪੋਰਟਾਂ ਮੁਤਾਬਕ ਸਰਚ ਆਪਰੇਸ਼ਨ ਦੌਰਾਨ ਓਪੋ ਇੰਡੀਆ ਦੇ ਦਫਤਰਾਂ ਦੇ ਨਾਲ ਮੈਨੇਜਮੈਂਟ ਨਾਲ ਜੁੜੇ ਅਹੁਦੇਦਾਰਾਂ ਦੇ ਘਰਾਂ ‘ਤੇ ਵੀ ਤਲਾਸ਼ੀ ਮੁਹਿੰਮ ਚਲਾਈ ਗਈ।
ਮਿਲੀ ਜਾਣਕਾਰੀ ਮੁਤਾਬਕ ਕੰਪਨੀ ਨੇ ਕਮਾਈ ਦਾ ਗਲਤ ਅੰਕੜਾ ਪੇਸ਼ ਕੀਤਾ ਸੀ ਅਤੇ ਇਸ ਕਾਰਨ ਓਪੋ ਇੰਡੀਆ ਨੇ ਗਲਤ ਤਰੀਕੇ ਨਾਲ ਡਿਊਟੀ ਵਿੱਚ ਛੋਟ ਹਾਸਲ ਕੀਤੀ ਸੀ। ਇਹ ਰਕਮ 2,981 ਕਰੋੜ ਰੁਪਏ ਹੈ। ਡੀਆਰਆਈ ਦੀ ਕਾਰਵਾਈ ਵਿੱਚ ਕੰਪਨੀ ਦੀ ਮੈਨੇਜਮੈਂਟ ਅਤੇ ਸਪਲਾਇਰ ਨਾਲ ਸਬੰਧਤ ਅਧਿਕਾਰੀਆਂ ਤੋਂ ਪੁੱਛਗਿੱਛ ਕੀਤੀ ਗਈ ਹੈ।
ਇਹ ਵੀ ਪੜ੍ਹੋ : Covid-19 : 15 ਜੁਲਾਈ ਤੋਂ 18-59 ਉਮਰ ਵਾਲਿਆਂ ਨੂੰ ਸਰਕਾਰੀ ਕੇਂਦਰਾਂ ‘ਤੇ ਫ੍ਰੀ ਲੱਗੇਗੀ ਬੂਸਟਰ ਡੋਜ਼
ਰਿਪੋਰਟਾਂ ਮੁਤਾਬਕ ਓਪੋ ਇੰਡੀਆ ਦੇ ਮੈਨੇਜਮੈਂਟ ਕਰਮਚਾਰੀ ਅਤੇ ਘਰੇਲੂ ਸਪਲਾਇਰ ਨੇ ਡੀਆਰਆਈ ਦੇ ਸਾਹਮਣੇ ਕਈ ਵੱਡੀਆਂ ਗੱਲਾਂ ਦਾ ਇਕਬਾਲ ਕੀਤਾ ਹੈ। ਆਪਣੇ ਬਿਆਨ ਵਿੱਚ ਕਰਮਚਾਰੀਆਂ ਅਤੇ ਸਪਲਾਇਰ ਨੇ ਕਸਟਮ ਡਿਊਟੀ ਨਾਲ ਜੁੜੀਆਂ ਗਲਤੀਆਂ ਨੂੰ ਮੰਨਿਆ ਹੈ।
ਵੀਵੋ ਕੰਪਨੀ ਦੀ ਤਰ੍ਹਾਂ ਓਪੋ ਇੰਡੀਆ ਦੇ ਐਕਸ਼ਨ ‘ਚ ਰਾਇਲਟੀ ਅਤੇ ਲਾਇਸੈਂਸ ਫੀਸ ਦੀ ਗੱਲ ਸਾਹਮਣੇ ਆਈ ਹੈ। ਓਪੋ ਇੰਡੀਆ ਨੇ ਕਈ ਮਲਟੀਨੈਸ਼ਨਲ ਕੰਪਨੀਆਂ, ਇੱਥੋਂ ਤੱਕ ਕਿ ਚੀਨ ਵਿੱਚ ਕੰਮ ਕਰਨ ਵਾਲੀਆਂ ਕੰਪਨੀਆਂ ਨੂੰ ਰਾਇਲਟੀ ਅਤੇ ਲਾਇਸੈਂਸ ਫੀਸਾਂ ਦਾ ਭੁਗਤਾਨ ਕੀਤਾ ਹੈ। ਇਹ ਭੁਗਤਾਨ ਮਲਕੀਅਤ ਤਕਨੀਕ, ਬ੍ਰਾਂਡ ਅਤੇ ਆਈਪੀਆਰ ਲਾਇਸੈਂਸ ਫੀਸ ਲਈ ਕਰਨ ਦਾ ਮਾਮਲਾ ਜਾਂਚ ਵਿੱਚ ਸਾਹਮਣੇ ਆਇਆ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“ਸਾਵਧਾਨ ! ਲੋਕਾਂ ਦੇ ਘਰਾਂ ‘ਚ TV ਸੜ ਰਹੇ ਨੇ DS ਕੇਬਲ ਲਵਾਕੇ, ਸ਼ੀਤਲ ਵਿੱਜ ਤੇ ਉਸਦੇ ਗੁਰਗੇ ਉਤਰੇ ਗੁੰਡਾਗਰਦੀ ‘ਤੇ ! “
ਓਪੋ ਇੰਡੀਆ ਭਾਰਤ ਵਿੱਚ ਮੋਬਾਈਲ ਨਾਲ ਜੁੜੇ ਕਈ ਕੰਮ ਕਰਦੀ ਹੈ। ਇਸ ਬਿਜ਼ਨੈੱਸ ਵਿੱਚ ਨਿਰਮਾਣ, ਅਸੈਂਬਲਿੰਗ, ਥੋਕ ਵਪਾਰ, ਮੋਬਾਈਲ ਹੈਂਡਸੈੱਟਾਂ ਅਤੇ ਸਹਾਇਕ ਉਪਕਰਣਾਂ ਦੀ ਵੰਡ ਸ਼ਾਮਲ ਹੈ। ਇਸ ਤਰ੍ਹਾਂ ਦੇ ਸਾਰੇ ਕਾਰੋਬਾਰ ਪੂਰੇ ਭਾਰਤ ਵਿੱਚ ਕੀਤੇ ਜਾਂਦੇ ਹਨ। ਓਪੋ ਇੰਡੀਆ ਕਈ ਬ੍ਰਾਂਡਾਂ ਦੇ ਮੋਬਾਈਲ ਫੋਨਾਂ ਜਿਵੇਂ ਕਿ ਓਪੋ, ਵਨ ਪਲੱਸ ਅਤੇ ਰਿਅਲਮੀ ਦੀ ਬਿਜ਼ਨੈੱਸ ਡੀਲ ਕਰਦੀ ਹੈ।
