ਕੋਰੋਨਾ ਵਾਂਗ ਮੰਕੀਪੌਕਸ ਦੇ ਵੀ ਆ ਸਕਦੇ ਨੇ ਨਵੇਂ ਰੂਪ! ਜਾਣੋ ਕੀ ਕਹਿਣਾ ਹੈ ਮਾਹਰਾਂ ਦਾ

ਦੋ ਸਾਲ ਪਹਿਲਾਂ ਆਇਆ ਕੋਰੋਨਾ ਵਾਇਰਸ ਅਜੇ ਵੀ ਭਾਰਤ ਵਿੱਚ ਹੀ ਨਹੀਂ ਸਗੋਂ ਦੁਨੀਆ ਦੇ ਜ਼ਿਆਦਾਤਰ ਦੇਸ਼ਾਂ ਵਿੱਚ ਆਪਣੀ ਲਾਗ ਫੈਲਾ ਰਿਹਾ ਹੈ। ਇਸ ਦੇ ਨਾਲ ਹੀ ਹੁਣ ਮੰਕੀਪੌਕਸ ਵਾਇਰਸ ਨਾਂ ਦੀ ਬਿਮਾਰੀ ਵੀ 75 ਤੋਂ ਵੱਧ ਦੇਸ਼ਾਂ ਨੂੰ ਪ੍ਰਭਾਵਿਤ ਕਰ ਰਹੀ ਹੈ। ਹਾਲਾਂਕਿ, ਇਨ੍ਹਾਂ ਦੋ ਸਾਲਾਂ ਵਿੱਚ ਕੋਰੋਨਾ ਦੇ ਰੂਪ ਵਿੱਚ ਬਹੁਤ ਕੁਝ ਬਦਲ ਗਿਆ ਹੈ।

ਇਸ ਵਾਇਰਸ ਵਿੱਚ ਵਾਰ-ਵਾਰ ਮਿਊਟੇਸ਼ਨ ਹੋਣ ਕਾਰਨ ਅਲਫ਼ਾ, ਬੀਟਾ, ਡੈਲਟਾ, ਡੈਲਟਾ ਪਲੱਸ ਅਤੇ ਓਮਿਕਰੋਨ ਵਰਗੇ ਰੂਪ ਆ ਗਏ ਹਨ। ਇਨ੍ਹਾਂ ਵਿਚੋਂ ਕੁਝ ਖਤਰਨਾਕ ਵੀ ਸਾਬਤ ਹੋਏ ਹਨ। ਅਜੇ ਵੀ ਕੋਰੋਨਾ ਦੇ ਓਮੀਕ੍ਰੋਨ ਵੇਰੀਐਂਟ ਦੇ ਸਬ-ਵੇਰੀਏਂਟ ਆ ਰਹੇ ਹਨ। ਹੁਣ ਕਿਉਂਕਿ ਮੰਕੀਪੌਕਸ ਵੀ ਇੱਕ ਵਾਇਰਸ ਹੈ, ਤਾਂ ਇੱਕ ਵੱਡਾ ਸਵਾਲ ਇਹ ਵੀ ਹੈ ਕਿ ਕੀ ਕਰੋਨਾ ਵਾਂਗ, ਕੀ ਮੰਕੀਪੌਕਸ ਵਾਇਰਸ ਵਿੱਚ ਵੀ ਪਰਿਵਰਤਨ ਹੁੰਦਾ ਹੈ? ਕੀ ਆਉਣ ਵਾਲੇ ਸਮੇਂ ਵਿੱਚ ਮੰਕੀਪੌਕਸ ਦੇ ਨਵੇਂ ਰੂਪ ਵੀ ਸਾਹਮਣੇ ਆ ਸਕਦੇ ਹਨ?

ਇਨ੍ਹਾਂ ਸਵਾਲਾਂ ਦੇ ਜਵਾਬ ਵਿੱਚ ਦਿੱਲੀ ਸਥਿਤ ਆਲ ਇੰਡੀਆ ਇੰਸਟੀਚਿਊਟ ਆਫ਼ ਮੈਡੀਕਲ ਸਾਇੰਸਿਜ਼ ਦੇ ਸਾਬਕਾ ਡਾਇਰੈਕਟਰ ਡਾ. ਮਹੇਸ਼ ਚੰਦਰ ਮਿਸ਼ਰਾ ਨੇ ਇੱਕ ਇੰਟਰਵਿਊ ਦੌਰਾਨ ਦਿੰਦਿਆਂ ਕਿਹਾ ਕਿ ਕੋਰੋਨਾ ਵਾਇਰਸ ਅਤੇ ਮੰਕੀਪੌਕਸ ਦੋਵੇਂ ਵਾਇਰਸ ਨਾਲ ਹੋਣ ਵਾਲੀਆਂ ਬਿਮਾਰੀਆਂ ਹਨ, ਪਰ ਇਨ੍ਹਾਂ ਵਿੱਚ ਬਹੁਤ ਫ਼ਰਕ ਹੈ। ਮੰਕੀਪੌਕਸ ਇੱਕ ਵਾਇਰਲ ਜ਼ੂਨੋਟਿਕ ਇਨਫੈਕਸ਼ਨ ਹੈ ਜੋ ਜਾਨਵਰਾਂ ਤੋਂ ਮਨੁੱਖਾਂ ਵਿੱਚ ਫੈਲ ਸਕਦੀ ਹੈ। ਇਹ ਵਿਅਕਤੀ ਤੋਂ ਦੂਜੇ ਵਿਅਕਤੀ ਵਿੱਚ ਵੀ ਫੈਲ ਸਕਦਾ ਹੈ। ਜਦੋਂਕਿ ਕੋਰੋਨਾ ਇੱਕ ਛੂਤ ਵਾਲੀ ਬਿਮਾਰੀ ਹੈ ਜੋ SARS-CoV-2 ਵਾਇਰਸ ਕਾਰਨ ਫੈਲਦੀ ਹੈ। ਇਨ੍ਹਾਂ ਦੋਵਾਂ ਦੇ ਲੱਛਣਾਂ ਵਿੱਚ ਵੀ ਵੱਡਾ ਫਰਕ ਹੈ।

ਡਾਕਟਰ ਮਿਸ਼ਰਾ ਦਾ ਕਹਿਣਾ ਹੈ ਕਿ ਮੰਕੀਪੌਕਸ ਤੋਂ ਪੀੜਤ ਮਰੀਜ਼ਾਂ ਵਿੱਚ ਚਾਰ ਮੁੱਖ ਗੱਲਾਂ ਸਾਹਮਣੇ ਆਉਂਦੀਆਂ ਹਨ। ਪਹਿਲਾ ਤੇਜ਼ ਬੁਖਾਰ, ਸਰੀਰ ਵਿਚ ਕਿਤੇ ਵੀ ਚਮੜੀ ‘ਤੇ ਲਾਲ ਦਾਣੇ ਜਾਂ ਧੱਫੜ ਪੈਣਾ, ਥਕਾਵਟ ਤੇ ਸਰੀਰ ਦਰਦ ਤੇ ਲਿਮਫ ਨੋਸ ਦਾ ਸੁੱਜ ਜਾਣਾ, ਜਦਕਿ ਜਦਕਿ ਕੋਰੋਨਾ ਦੇ ਲੱਛਣ ਇਸ ਤੋਂ ਬਿਲਕੁਲ ਵੱਖਰੇ ਹਨ। ਬੁਖਾਰ ਤੋਂ ਇਲਾਵਾ, ਕੋਰੋਨਾ ਵਿੱਚ ਖੰਘ, ਗਲੇ ਵਿੱਚ ਕਫ ਦਾ ਜਕੜਣਾ, ਥਕਾਵਟ, ਸਿਰ ਦਰਦ, ਸੁਆਦ ਤੇ ਗੰਧ ਦਾ ਚਲੇ ਜਾਣਾ, ਸਾਹ ਲੈਣ ਵਿੱਚ ਤਕਲੀਫ ਲੈਣਾ, ਉਲਟੀ ਤੇ ਦਸਤ, ਆਕਸੀਜਨ ਪੱਧਰ ਦਾ ਘੱਟ ਜਾਣ ਵਰਗੇ ਲੱਛਣ ਸਨ।

ਡਾ. ਮਿਸ਼ਰਾ ਦਾ ਕਹਿਣਾ ਹੈ ਕਿ ਜਿੱਥੋਂ ਤੱਕ ਮੰਕੀਪੌਕਸ ਵਾਇਰਸ ਵਿੱਚ ਮਿਊਟੇਸ਼ਨ ਦਾ ਸਵਾਲ ਹੈ, ਇਹ ਸਮਝਣਾ ਜ਼ਰੂਰੀ ਹੈ ਕਿ ਮੰਕੀਪੌਕਸ ਵਾਇਰਸ ਇੱਕ ਡੀਐਨਏ ਵਾਇਰਸ ਹੈ, ਜਿਸ ਵਿੱਚ ਮਿਊਟੇਸ਼ਨ ਘੱਟ ਹੀ ਦੇਖਿਆ ਜਾਂਦਾ ਹੈ। ਮੰਕੀਪੌਕਸ ਵਾਇਰਸ ਹੁਣ ਤੱਕ ਪੱਛਮੀ ਅਫਰੀਕਾ ਦੇ ਨਾਈਜੀਰੀਆ ਅਤੇ ਕਾਂਗੋ ਵਿੱਚ ਪਾਇਆ ਗਿਆ ਹੈ। ਇਨ੍ਹਾਂ ਵਿੱਚੋਂ ਕਾਂਗੋ ਵਿੱਚ ਪਾਇਆ ਜਾਣ ਵਾਲਾ ਮੰਕੀਪੌਕਸ ਵਾਇਰਸ ਜ਼ਿਆਦਾ ਖ਼ਤਰਨਾਕ ਸੀ। ਇਸ ਦੀ ਮੌਤ ਦਰ ਵੀ ਬਹੁਤ ਜ਼ਿਆਦਾ ਸੀ। ਜਦੋਂਕਿ ਪੱਛਮੀ ਅਫਰੀਕਾ ਦੇ ਹੋਰ ਹਿੱਸਿਆਂ ਵਿੱਚ ਇਹ ਛੂਤਕਾਰੀ ਸੀ ਪਰ ਕੁਝ ਘੱਟ ਘਾਤਕ ਸੀ।

ਹੁਣ ਕਿਉਂਕਿ ਮੰਕੀਪੌਕਸ ਵਿੱਚ ਮਿਊਟੇਸ਼ਨ ਬਹੁਤ ਘੱਟ ਦੇਖਿਆ ਗਿਆ ਹੈ, ਇਸ ਲਈ ਇਸ ਵਾਇਰਸ ਦੇ ਰੂਪ ਵਿੱਚ ਵਾਰ-ਵਾਰ ਤਬਦੀਲੀਆਂ ਅਤੇ ਨਵੇਂ ਰੂਪਾਂ ਦੇ ਸਾਹਮਣੇ ਆਉਣ ਦੀ ਸੰਭਾਵਨਾ ਵੀ ਬਹੁਤ ਘੱਟ ਹੈ। ਇਸ ਲਈ ਜੇ ਇਸ ਵਾਇਰਸ ਨੂੰ ਇਕ ਵਾਰ ਕੰਟਰੋਲ ਕਰ ਲਿਆ ਜਾਵੇ ਤਾਂ ਉਮੀਦ ਕੀਤੀ ਜਾਂਦੀ ਹੈ ਕਿ ਇਹ ਕੋਰੋਨਾ ਵਾਂਗ ਵਾਰ-ਵਾਰ ਪਰੇਸ਼ਾਨ ਨਹੀਂ ਕਰੇਗਾ।

ਵੀਡੀਓ ਲਈ ਕਲਿੱਕ ਕਰੋ -:

“Fastway ਨੂੰ ਲਗਾ ਗਏ ਲੱਖਾਂ ਦਾ ਚੂਨਾ, ਭਰੋਸਾ ਜਿੱਤਣ ਤੋਂ ਬਾਅਦ ਸੁਣੋ ਕਿਵੇਂ ਕੀਤਾ Fraud, ਪਰ ਹੁਣ ਵਾਪਿਸ ਕਰਨਾ ਪੈਣਾ “