ਦੂਜੇ ਧਰਮ ‘ਚ ਵਿਆਹ ਕਰਨ ‘ਤੇ ਕੁੜੀ ਨੂੰ ਮਾਰੀ ਗੋਲੀ, ਪਤੀ ਦਾ ਦੋਸ਼-‘ਭਰਾ ਨੇ ਕੀਤਾ ਹਮਲਾ’

ਜੈਪੁਰ ਵਿੱਚ ਅੱਜ ਸਵੇਰੇ ਦੋ ਬਾਈਕ ਸਵਾਰ ਨੌਜਵਾਨਾਂ ਨੇ ਇੱਕ 26 ਸਾਲਾ ਲੜਕੀ ਨੂੰ ਪਿੱਛਿਓਂ ਗੋਲੀ ਮਾਰ ਦਿੱਤੀ। ਉਸ ਦੀ ਹਾਲਤ ਨਾਜ਼ੁਕ ਬਣੀ ਹੋਈ ਹੈ। ਪਤੀ ਦਾ ਦੋਸ਼ ਹੈ ਕਿ ਇਸ ਘਟਨਾ ਵਿੱਚ ਉਸ ਦਾ ਵੱਡਾ ਭਰਾ ਸ਼ਾਮਲ ਹੈ। ਉਸ ਦਾ ਇਹ ਵੀ ਕਹਿਣਾ ਹੈ ਕਿ ਕਰੀਬ ਇਕ ਸਾਲ ਪਹਿਲਾਂ ਸਾਡੀ ਕੋਰਟ ਮੈਰਿਜ ਹੋਈ ਸੀ। ਇਸ ਤੋਂ ਪਰਿਵਾਰ ਦੁਖੀ ਸੀ। ਮੇਰਾ ਵੱਡਾ ਭਰਾ ਸਾਨੂੰ ਲਗਾਤਾਰ ਤੰਗ-ਪ੍ਰੇਸ਼ਾਨ ਕਰ ਰਿਹਾ ਸੀ, ਜਿਸ ਸਬੰਧੀ ਮੈਂ ਥਾਣਾ ਸਦਰ ਵਿਖੇ ਸ਼ਿਕਾਇਤ ਵੀ ਕੀਤੀ ਸੀ।

ਲੜਕੀ ਦਾ ਨਾਂ ਅੰਜਲੀ, ਪਤੀ ਦਾ ਨਾਂ ਅਬਦੁਲ ਲਤੀਫ ਹੈ। ਲਤੀਫ ਦਾ ਦੋਸ਼ ਹੈ ਕਿ ਉਸ ਦੇ ਵੱਡੇ ਭਰਾ ਅਬਦੁਲ ਅਜ਼ੀਜ਼ ਦਾ ਦੋਸਤ ਰਿਆਜ਼ ਹਮਲਾ ਕਰਨ ਆਇਆ ਅਤੇ ਉਸ ਨੇ ਗੋਲੀ ਚਲਾ ਦਿੱਤੀ। ਲਤੀਫ਼ ਦਾ ਇਹ ਵੀ ਕਹਿਣਾ ਹੈ ਕਿ ਘਟਨਾ ਦੇ ਸਮੇਂ ਉਹ ਦਫ਼ਤਰ ਵਿੱਚ ਹੀ ਸੀ। ਅਚਾਨਕ ਮੈਨੂੰ ਫੋਨ ਆਇਆ ਕਿ ਅੰਜਲੀ ਨੂੰ ਕਿਸੇ ਨੇ ਗੋਲੀ ਮਾਰ ਦਿੱਤੀ ਹੈ। ਮੈਂ ਸਿੱਧਾ ਹਸਪਤਾਲ ਗਿਆ। ਅੰਜਲੀ ਨੇ ਫੋਨ ‘ਤੇ ਗੱਲ ਕਰਦਿਆਂ ਦੱਸਿਆ ਕਿ ਸਕੂਟੀ ਸਵਾਰ ਆ ਰਹੇ ਸਨ। ਰਿਆਜ਼ ਦੀ ਆਵਾਜ਼ ਸੁਣਾਈ ਦਿੱਤੀ। ਉਹ ਕਿਸੇ ਨੂੰ ਪੁੱਛ ਰਿਹਾ ਸੀ, ਕਿੱਥੇ ਗੋਲੀ ਮਾਰਨੀ ਹੈ।

ਪਿੱਠ ‘ਚ ਗੋਲੀ ਲੱਗਣ ਕਾਰਨ ਅੰਜਲੀ ਬੇਹੋਸ਼ ਹੋ ਗਈ ਅਤੇ ਸੜਕ ‘ਤੇ ਡਿੱਗ ਗਈ। ਉਸ ਨੂੰ ਕਾਵਤੀਆ ਹਸਪਤਾਲ ਲਿਜਾਇਆ ਗਿਆ, ਜਿੱਥੋਂ ਉਸ ਨੂੰ ਐੱਸਐੱਮਐੱਸ ਹਸਪਤਾਲ ਰੈਫਰ ਕਰ ਦਿੱਤਾ ਗਿਆ। ਉਸ ਦਾ ਇੱਥੇ ਟਰੌਮਾ ਸੈਂਟਰ ਵਿੱਚ ਇਲਾਜ ਚੱਲ ਰਿਹਾ ਹੈ।

ਅੰਜਲੀ ਜੈਪੁਰ ਦੇ ਮੁਰਲੀਪੁਰਾ ਵਿੱਚ ਪੱਲਵੀ ਸਟੂਡੀਓ ਦੇ ਕੋਲ ਰਹਿੰਦੀ ਹੈ। ਬੁੱਧਵਾਰ ਸਵੇਰੇ ਕਰੀਬ 10 ਵਜੇ ਉਹ ਕੰਮ ‘ਤੇ ਜਾਣ ਲਈ ਘਰ ਤੋਂ ਪੈਦਲ ਨਿਕਲੀ ਸੀ। ਉਸ ‘ਤੇ ਸਵੇਰੇ 10.29 ਵਜੇ ਘਰ ਤੋਂ ਡੇਢ ਕਿਲੋਮੀਟਰ ਦੀ ਦੂਰੀ ‘ਤੇ ਹਮਲਾ ਕੀਤਾ ਗਿਆ। ਅੰਜਲੀ ਇੱਕ ਆਯੁਰਵੈਦਿਕ ਦੁਕਾਨ ‘ਤੇ ਕੰਮ ਕਰਦੀ ਹੈ।

ਇਹ ਵੀ ਪੜ੍ਹੋ : ਅਮਰੀਕਾ ਦੇ ਵਾਲਮਾਰਟ ਸਟੋਰ ‘ਚ ਅੰਨ੍ਹੇਵਾਹ ਫਾਇਰਿੰਗ, 10 ਲੋਕਾਂ ਦੇ ਮਾਰੇ ਜਾਣ ਦਾ ਖਦਸ਼ਾ

ਲਤੀਫ ਨੇ ਦੱਸਿਆ ਕਿ ਵਿਆਹ ਦੇ ਬਾਅਦ ਤੋਂ ਹੀ ਪਰਿਵਾਰ ਵਾਲੇ ਮੇਰੇ ‘ਤੇ ਘਰ ਵਾਪਸੀ ਲਈ ਦਬਾਅ ਪਾ ਰਹੇ ਸਨ। ਉਹ ਅੰਜਲੀ ਨੂੰ ਛੱਡਣ ਲਈ ਕਹਿੰਦੇ ਸਨ। ਇੱਕ ਵਾਰ ਅਜ਼ੀਜ਼ ਮੈਨੂੰ ਜ਼ਬਰਦਸਤੀ ਚੁੱਕ ਕੇ ਲੈ ਗਿਆ। ਇਸ ਸਬੰਧੀ ਥਾਣਾ ਸਦਰ ਵਿੱਚ ਐਫਆਈਆਰ ਵੀ ਦਰਜ ਕਰਵਾਈ ਗਈ ਸੀ ਪਰ ਕੋਈ ਕਾਰਵਾਈ ਨਹੀਂ ਹੋਈ। ਪੁਲਿਸ ਤੋਂ ਵੀ ਕੋਈ ਸੁਰੱਖਿਆ ਨਹੀਂ ਸੀ। ਇਸ ਦੌਰਾਨ ਅੰਜਲੀ ਦੀ ਮਾਂ ਵੀ ਆਪਣੀ ਬੇਟੀ ਨੂੰ ਦੇਖਣ ਹਸਪਤਾਲ ਪਹੁੰਚੀ। ਉਨ੍ਹਾਂ ਕਿਹਾ ਕਿ ਸ਼ਰਾਰਤੀ ਅਨਸਰਾਂ ਨੂੰ ਜਲਦੀ ਤੋਂ ਜਲਦੀ ਗ੍ਰਿਫਤਾਰ ਕੀਤਾ ਜਾਵੇ। ਮੇਰੀ ਧੀ ਆਪਣੇ ਪਤੀ ਨਾਲ ਖੁਸ਼ ਸੀ। ਜਿਨ੍ਹਾਂ ਨੇ ਵਾਰਦਾਤ ਨੂੰ ਅੰਜਾਮ ਦਿੱਤਾ ਹੈ, ਉਨ੍ਹਾਂ ਨੂੰ ਜਲਦੀ ਗ੍ਰਿਫਤਾਰ ਕੀਤਾ ਜਾਵੇ।

ਇੱਥੇ ਐਫਐਸਐਲ ਟੀਮ ਨੂੰ ਦੇਸੀ ਕੱਟੇ ਦਾ ਇੱਕ ਖੋਲ ਮਿਲਿਆ ਹੈ। ਬਦਮਾਸ਼ਾਂ ਨੇ ਦੇਸੀ ਪਿਸਤੌਲ ਨਾਲ ਗੋਲੀ ਚਲਾ ਕੇ ਲੜਕੀ ਨੂੰ ਜ਼ਖਮੀ ਕਰ ਦਿੱਤਾ। ਪੁਲੀਸ ਨੇ ਆਸਪਾਸ ਲੱਗੇ ਸੀਸੀਟੀਵੀ ਕੈਮਰਿਆਂ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਪੀੜਤਾ ਦੇ ਬਿਆਨਾਂ ਦੇ ਆਧਾਰ ‘ਤੇ ਪੁਲਿਸ ਨੇ ਕੁਝ ਸ਼ੱਕੀਆਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਪੁਲਿਸ ਉਨ੍ਹਾਂ ਤੋਂ ਪੁੱਛਗਿੱਛ ਕਰ ਰਹੀ ਹੈ। ਸਥਾਨਕ ਲੋਕਾਂ ਨੇ ਦੱਸਿਆ ਕਿ ਗੋਲੀ ਲੱਗਣ ਤੋਂ ਬਾਅਦ ਲੜਕੀ ਚੀਕਦੀ ਹੋਈ ਸੜਕ ‘ਤੇ ਡਿੱਗ ਗਈ ਸੀ।

ਵੀਡੀਓ ਲਈ ਕਲਿੱਕ ਕਰੋ -:

“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “