ਕੰਗਨਾ ਨੇ ਟਵਿੱਟਰ ਨੂੰ ਦੱਸਿਆ ਬੈਸਟ ਸੋਸ਼ਲ ਮੀਡੀਆ ਪਲੇਟਫਾਰਮ, ਬਲੂ ਟਿਕ ਦੇ ਫੈਸਲੇ ਦਾ ਕੀਤਾ ਸਮਰਥਨ

ਕੰਗਣਾ ਨੇ ਸੋਸ਼ਲ ਮੀਡੀਆ ‘ਤੇ ਟਵਿੱਟਰ ਦੀ ਤਾਰੀਫ ਕੀਤੀ ਹੈ। ਇੰਨਾ ਹੀ ਨਹੀਂ ਕੰਗਣਾ ਨੇ ਟਵਿੱਟਰ ਨੂੰ ਬੈਸਟ ਸੋਸ਼ਲ ਮੀਡੀਆ ਪਲੇਟਫਾਰਮ ਵੀ ਕਿਹਾ। ਦਰਅਸਲ 6 ਨਵੰਬਰ ਨੂੰ ਕੰਗਣਾ ਨੇ ਆਪਣੇ ਇੰਸਟਾਗ੍ਰਾਮ ਹੈਂਡਲ ‘ਤੇ ਪੋਸਟ ਸ਼ੇਅਰ ਕੀਤਾ, ਜਿਸ ਵਿਚ ਉਨ੍ਹਾਂ ਟਵਿੱਟਰ ਬਾਰੇ ਆਪਣੇ ਵਿਚਾਰ ਰੱਖੇ। ਪੋਸਟ ਵਿਚ ਕੰਗਣਾ ਨੇ ਟਵਿੱਟਰ ਦੀ ਨਵੀਂ ਪਾਲਿਸੀ ਦੀ ਤਾਰੀਫ ਕੀਤੀ।

ਕੰਗਣਾ ਨੇ ਕਿਹਾ ਟਵਿੱਟਰ ਸਭ ਤੋਂ ਚੰਗਾ ਸੋਸ਼ਲ ਮੀਡੀਆ ਪਲੇਟਫਾਰਮ ਹੈ। ਇਹ ਬੌਧਿਕ ਤੇ ਵਿਚਾਰਕ ਤੌਰ ਤੋਂ ਪ੍ਰੇਰਿਤ ਹੈ ਬਜਾਏ ਫੈਸ਼ਨ ਜਾਂ ਲਾਈਫ ਸਟਾਈਲ ਬਾਰੇ। ਮੈਂ ਇਸ ਦਾ ਪ੍ਰਾਸੈਸ ਕਦੇ ਨਹੀਂ ਸਮਝ ਸਕੀ, ਜਿਸ ਜ਼ਰੀਏ ਸਿਰਫ ਕੁਝ ਲੋਕ ਵੈਰੀਫਾਈ ਹੁੰਦੇ ਹਨ। ਜਿਵੇਂ ਬਾਕੀ ਲੋਕਾਂ ਦੀ ਕੋਈ ਵੈਰੀਫਾਈ ਹੋਂਦ ਹੀ ਨਹੀਂ ਹੈ। ਉਦਾਹਰਣ ਵਜੋਂ ਮੈਂ ਪ੍ਰਮਾਣਿਤ ਹਾਂ ਪਰ ਮੇਰੇ ਪਿਤਾ ਬਲੂ ਟਿੱਕ ਚਾਹੁੰਦੇ ਹਨ, ਤਾਂ ਉਹ 3-4 ਜੋਕਰ ਤੁਹਾਡੀ ਪਛਾਣ ਨੂੰ ਇਸ ਤਰ੍ਹਾਂ ਰੱਦ ਕਰ ਦੇਣਗੇ ਜਿਵੇਂ ਕਿ ਉਹ ਇੱਕ ਗੈਰ ਕਾਨੂੰਨੀ ਜੀਵਨ ਜੀ ਰਿਹਾ ਹੈ। ਵੈਰੀਫਿਕੇਸ਼ਨ ਲਈ ਮਾਪਦੰਡ ਆਧਾਰ ਕਾਰਡ ‘ਤੇ ਆਧਾਰਿਤ ਹੋਣੇ ਚਾਹੀਦੇ ਹਨ, ਜਿਨ੍ਹਾਂ ਕੋਲ ਆਧਾਰ ਕਾਰਡ ਹੈ, ਉਹ ਆਸਾਨੀ ਨਾਲ ਵੈਰੀਫਿਕੇਸ਼ਨ ਕਰਵਾ ਲੈਣ।

ਕੰਗਨਾ ਨੇ ਵੀ ਟਵਿੱਟਰ ‘ਤੇ ਬਲੂ ਟਿੱਕ ਲਈ ਪੈਸੇ ਲੈਣ ਦੇ ਫੈਸਲੇ ਦਾ ਸਮਰਥਨ ਕੀਤਾ। ਆਪਣੀ ਪੋਸਟ ‘ਚ ਅਦਾਕਾਰਾ ਨੇ ਲਿਖਿਆ- ‘ਬਲੂ ਟਿੱਕ ਲਈ ਕੁਝ ਪੈਸੇ ਲੈਣਾ ਚੰਗਾ ਫੈਸਲਾ ਹੈ, ਇਹ ਪਲੇਟਫਾਰਮ ਨੂੰ ਬਿਹਤਰ ਬਣਾਉਣ ‘ਚ ਮਦਦ ਕਰੇਗਾ। ਟਵਿਟਰ ਦੀ ਦੂਜੇ ਸੋਸ਼ਲ ਮੀਡੀਆ ਪਲੇਟਫਾਰਮਸ ਨਾਲ ਤੁਲਨਾ ਕਰਦੇ ਹੋਏ ਕੰਗਨਾ ਨੇ ਕਿਹਾ- ਬਲੂ ਟਿਕ ਲਈ ਪੈਸੇ ਲੈਣ ਦਾ ਫੈਸਲਾ ਬਿਲਕੁਲ ਸਹੀ ਹੈ। ਹੁਣ ਦੁਨੀਆ ਵਿੱਚ ਕੋਈ ਵੀ ਮੁਫਤ ਲਾਂਚ ਨਹੀਂ ਹੈ। ਜੇਕਰ ਇਹ ਸਾਰੇ ਪਲੇਟਫਾਰਮ ਤੁਹਾਨੂੰ ਮੁਫਤ ਸਹੂਲਤਾਂ ਦੇਣਗੇ ਤਾਂ ਪੈਸਾ ਕਿਵੇਂ ਆਵੇਗਾ। ਅਜਿਹੇ ‘ਚ ਬਲੂ ਟਿੱਕ ਲਈ ਪੈਸੇ ਲੈਣ ਦਾ ਫੈਸਲਾ ਬਿਲਕੁਲ ਸਹੀ ਹੈ।

ਦੱਸ ਦੇਈਏ ਕਿ ਸਾਲ 2021 ਵਿੱਚ ਕੰਗਨਾ ਦੇ ਟਵਿਟਰ ਅਕਾਊਂਟ ਨੂੰ ਲਗਾਤਾਰ ਵਿਵਾਦਿਤ ਬਿਆਨਾਂ ਅਤੇ ਟਵਿਟਰ ਨਿਯਮਾਂ ਦੀ ਉਲੰਘਣਾ ਕਾਰਨ ਬੈਨ ਕਰ ਦਿੱਤਾ ਗਿਆ ਸੀ। ਹਾਲਾਂਕਿ ਹੁਣ ਏਲਨ ਮਸਕ ਨੇ ਟਵਿਟਰ ਦੀ ਜ਼ਿੰਮੇਵਾਰੀ ਸੰਭਾਲ ਲਈ ਹੈ। ਅਜਿਹੇ ‘ਚ ਉਮੀਦ ਕੀਤੀ ਜਾ ਰਹੀ ਹੈ ਕਿ ਜਲਦ ਹੀ ਕੰਗਨਾ ਦੇ ਟਵਿਟਰ ‘ਤੇ ਬੈਨ ਹਟਾ ਦਿੱਤਾ ਜਾਵੇਗਾ।

ਵੀਡੀਓ ਲਈ ਕਲਿੱਕ ਕਰੋ -:

“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “