ਉਤਰਾਖੰਡ ਦੇ ਤਿੰਨ ਮੰਦਰਾਂ ਵਿੱਚ ਔਰਤਾਂ ਤੇ ਕੁੜੀਆਂ ਲਈ ਡ੍ਰੈੱਸ ਕੋਡ ਲਾਗੂ ਕੀਤਾ ਗਿਆ ਹੈ। ਹਰਿਦੁਆਰ ਦੇ ਦਕਸ਼ ਪ੍ਰਜਾਪਿਤ ਮੰਦਰ, ਪੌੜੀ ਦੇ ਨੀਲਕੰਠ ਮਹਾਦੇਵ ਮੰਦਰ ਅਤੇ ਦੇਹਰਾਦੂਨ ਦੇ ਟਪਕੇਸ਼ਵਰ ਮਹਾਦੇਵ ਮੰਦਰ ਵਿੱਚ ਕੁੜੀਆਂ ਛੋਟੇ ਕੱਪੜੇ ਪਾ ਕੇ ਦਰਸ਼ਨ ਲਈ ਨਹੀਂ ਜਾ ਸਕਣਗੀਆਂ। ਇਨ੍ਹਾਂ ਤਿੰਨ ਮੰਦਰਾਂ ਨੂੰ ਮੈਨੇਜ ਕਰਨ ਵਾਲੀ ਮਹਾਨਿਰਵਾਣੀ ਅਖਾੜੇ ਨੇ ਇਹ ਹੁਕਮ ਜਾਰੀ ਕੀਤਾ ਹੈ।
ਮੀਡੀਆ ਰਿਪੋਰਟਾਂ ਮੁਤਾਬਕ ਸਕਰਟ ਜਾਂ ਸ਼ਾਰਟਸ ਪਾਉਣ ‘ਤੇ ਮੰਦਰ ਵਿੱਚ ਐਂਟਰੀ ਨਹੀਂ ਮਿਲੇਗੀ। ਜਿਨ੍ਹਾਂ ਔਰਤਾਂ ਦੇ ਸਰੀਰ ਦਾ 80 ਫੀਸਦੀ ਹਿੱਸਾ ਢਕਿਆ ਹੋਵੇਗਾ, ਉਹ ਹੀ ਮੰਦਰ ਜਾ ਸਕਣਗੀਆਂ।
ਸ਼੍ਰੀ ਬਦਰੀਨਾਥ-ਕੇਦਾਰਨਾਥ ਮੰਦਰ ਕਮੇਟੀ ਦੇ ਪ੍ਰਧਾਨ ਅਜੇਂਦਰ ਅਜੈ ਨੇ ਕਿਹਾ ਕਿ ਹਰ ਧਾਰਮਿਕ ਸਥਾਨ ਦੀ ਆਪਣੀ ਰਿਵਾਇਤ ਅਤੇ ਮਾਣ ਹੈ। ਉਸ ਮੁਤਾਬਕ ਉੱਥੇ ਸ਼ਾਲੀਨ ਵਿਵਹਾਰ ਕਰਨਾ ਚਾਹੀਦਾ ਹੈ ਅਤੇ ਚੰਗੇ ਕੱਪੜੇ ਪਾ ਕੇ ਆਉਣਾ ਚਾਹੀਦਾ ਹੈ। ਅਜੇਂਦਰ ਅਜੈ ਨੇ ਇਹ ਗੱਲ ਮਹਾਨਿਰਵਾਣੀ ਅਖਾੜੇ ਦੇ ਇਕ ਬਿਆਨ ਨਾਲ ਜੁੜੇ ਇਕ ਸਵਾਲ ‘ਤੇ ਕਹੀ।
ਮੀਡੀਆ ਵਾਲਿਆਂ ਨੇ ਉਨ੍ਹਾਂ ਨੂੰ ਪੁੱਛਿਆ ਸੀ ਕਿ ਮਹਾਂਨਿਰਵਾਨੀ ਅਖਾੜੇ ਨੇ ਕਿਹਾ ਹੈ ਕਿ ਜੇ ਮਰਦ ਅਤੇ ਔਰਤਾਂ ਮੰਦਰਾਂ ‘ਚ ਆ ਰਹੇ ਹਨ ਤਾਂ ਉਨ੍ਹਾਂ ਦੇ ਸਰੀਰ ਦਾ 80 ਫੀਸਦੀ ਹਿੱਸਾ ਢੱਕਣਾ ਚਾਹੀਦਾ ਹੈ। ਸਾਰਿਆਂ ਨੂੰ ਮਰਿਆਦਾ ਦਾ ਖਿਆਲ ਰੱਖਣਾ ਚਾਹੀਦਾ ਹੈ। ਇਸ ਸਵਾਲ ਦੇ ਜਵਾਬ ਵਿੱਚ ਅਜੇਂਦਰਾ ਨੇ ਕਿਹਾ ਕਿ ਹਰ ਧਾਰਮਿਕ ਸਥਾਨ ਦੇ ਆਪਣੇ ਵਿਸ਼ਵਾਸ ਅਤੇ ਮਰਿਆਦਾ ਹੁੰਦੀ ਹੈ।
ਉਸੇ ਮਾਹੌਲ ਮੁਤਾਬਕ ਵਤੀਰਾ ਅਤੇ ਲਿਬਾਸ ਹੋਣੇ ਚਾਹੀਦੇ ਹਨ। ਸੈਲਾਨੀ ਅਤੇ ਧਾਰਮਿਕ ਯਾਤਰਾ ਦੇ ਫਰਕ ਨੂੰ ਸਮਝਣਾ ਹੋਵੇਗਾ। ਸੁਭਾਵਕ ਰੂਪ ਤੋਂ ਜੇ ਤੁਸੀਂ ਧਾਰਮਿਕ ਸਥਾਨ ਦੀ ਯਾਤਰਾ ‘ਤੇ ਜਾ ਰਹੇ ਹੋ ਤਾਂ ਤੁਹਾਡੀ ਲਿਬਾਸ ਮਰਿਆਦਾ ਵਾਲੇ ਹੋਣੇਚਾਹੀਦੇ ਹਨ। ਇਹ ਉਨ੍ਹਾਂ ਧਾਰਮਿਕ ਸਥਾਨਾਂ ਦੇ ਲੱਖਾਂ-ਕਰੋੜਾਂ ਲੋਕਾਂ ਦੀ ਆਸਥਾ ਨਾਲ ਜੁੜਿਆ ਵਿਸ਼ਾ ਹੈ, ਜਿਥੇ ਤੁਸੀਂ ਯਾਤਰਾ ‘ਤੇ ਜਾ ਰਹੇ ਹੋ। ਧਾਰਮਿਕ ਸਥਾਨਾਂ ਦੀ ਮਾਨਤਾ ਨਾਲ ਛੇੜਛਾੜ ਕਰਨ ਦਾ ਕਿਸੇ ਨੂੰ ਵੀ ਅਧਿਕਾਰ ਨਹੀਂ ਹੈ । ਮਰਿਆਦਾ ਵਾਲੇ ਆਚਰਣ, ਵਤੀਰਾ ਤੇ ਕੱਪੜੇ ਪਹਿਨ ਕੇ ਹੀ ਉਥੇ ਜਾਣਾ ਚਾਹੀਦਾ ਹੈ। ਮੰਦਰ ਕਮੇਟੀ ਦੀ ਜਾਇਦਾਦ ‘ਤੇ ਨਾਜਾਇਜ਼ ਕਬਜ਼ੇ ਛੁਡਾਉਣਗੇ।
ਇਹ ਵੀ ਪੜ੍ਹੋ : 69 ਸਾਲ ਦੇ ਏਰਦੋਗਨ ਫਿਰ ਬਣੇ ਤੁਰਕੀਏ ਦੇ ਰਾਸ਼ਟਰਪਤੀ, ਕਿਸੇ ਚੋਣ ‘ਚ ਲਗਾਤਾਰ 11ਵੀਂ ਜਿੱਤ
ਉਨ੍ਹਾਂ ਕਿਹਾ ਕਿ ਬਦਰੀਨਾਥ-ਕੇਦਾਰਨਾਥ ਮੰਦਰ ਕਮੇਟੀ ਦੀ ਜਾਇਦਾਦ ‘ਤੇ ਰਾਜ ਵਿੱਚ ਅੇ ਰਾਜ ਤੋਂ ਬਾਹਰ ਕਬਜ਼ੇ ਅਤੇ ਨਾਜਾਇਜ਼ ਕਬਜ਼ੇ ਹਨ। ਇਨ੍ਹਾਂ ਨੂੰ ਹਟਾਉਣ ਲਈ 188 ਲੋਕਾਂ ਨੂੰ ਨੋਟਿਸ ਜਾਰੀ ਕਰ ਦਿੱਤੇ ਗਏ ਹਨ। ਉਨ੍ਹਾਂ ਨੂੰ ਤੁਰੰਤ ਜਾਇਦਾਦਾਂ ਨੂੰ ਖਾਲੀ ਕਰਨ ਦੀ ਚਿਤਾਵਨੀ ਜਾਰੀ ਕਰ ਦਿੱਤੀ ਗਈ ਹੈ। ਅਜਿਹਾ ਨਾ ਕਰਨ ‘ਤੇ ਉਨ੍ਹਾਂ ਦੇ ਖਿਲਾਫ ਕਾਨੂੰਨੀ ਕਾਰਵਾਈ ਕੀਤੀ ਹੋਵੇਗੀ। ਜਿਨ੍ਹਾਂ ਲੋਕਾਂ ਵਿੱਚ ਮੰਦਰ ਜਾਇਦਾਦਾਂ ਦੇ ਕਿਰਾਏ ਦਾ ਲੰਮੇ ਸਮੇਂ ਤੋਂ ਭੁਗਤਾਨ ਨਹੀਂ ਕੀਤਾ, ਉਨ੍ਹਾਂ ਨੂੰ ਵੀ ਨੋਟਿਸ ਜਾਰੀ ਕੀਤੇ ਗਏ। ਅਜਿਹੇ ਕਿਰਾਏਦਾਰਾਂ ਤੋੰ 22 ਲੱਖ ਰੁਪਏ ਦੀ ਵਸੂਲੀ ਹੋ ਚੁੱਕੀ ਹੈ। ਰਾਜ ਤੋਂ ਬਾਹਰ ਦੀਆਂ ਜਾਇਦਾਦਾਂ ਦੀ ਵੀ ਰਿਪੋਰਟ ਮੰਗੀ ਗਈ ਹੈ। ਕਮੇਟੀ ਇਸ ਦੀ ਕਾਨੂੰਨੀ ਜਾਂਚ ਤੋਂ ਬਾਅਦ ਕਾਰਵਾਈ ਕਰੇਗੀ।
ਵੀਡੀਓ ਲਈ ਕਲਿੱਕ ਕਰੋ -:
“ਦੌੜ ‘ਚ ਤੂਫਾਨ ਵਾਂਗ ਧੱਕ ਪਾਉਣ ਵਾਲਾ athlete, ਈ-ਰਿਕਸ਼ਾ ਚਲਾਉਣ ਲਈ ਹੋਇਆ ਮਜ਼ਬੂਰ, CM Mann ਤੱਕ ਪਹੁੰਚਾ ਦਿਓ”
