ਨਵੀਂ ਦਿੱਲੀ : ਕਰਮਚਾਰੀ ਭਵਿੱਖ ਨਿਧੀ ਸੰਗਠਨ (EPFO) ਨੇ ਵਿੱਤੀ ਸਾਲ 2020-21 ਲਈ 24.07 ਕਰੋੜ ਖਾਤਿਆਂ ਵਿੱਚ 8.50 ਫੀਸਦੀ ਦੀ ਦਰ ਨਾਲ ਵਿਆਜ ਜਮ੍ਹਾ ਕੀਤਾ ਹੈ। EPFO ਨੇ ਅਧਿਕਾਰਤ ਟਵਿੱਟਰ ਹੈਂਡਲ ‘ਤੇ ਕਿਹਾ ਕਿ ਹੁਣ ਤੱਕ ਉਸ ਨੇ ਵਿੱਤੀ ਸਾਲ 2020-21 ‘ਚ 8.50 ਫੀਸਦੀ ਦੀ ਦਰ ਨਾਲ 24.07 ਕਰੋੜ ਲੋਕਾਂ ਦੇ ਖਾਤਿਆਂ ‘ਚ ਪੈਸੇ ਟਰਾਂਸਫਰ ਕੀਤੇ ਹਨ। ਕੀ ਤੁਸੀਂ ਵੀ ਜਾਣਨਾ ਚਾਹੁੰਦੇ ਹੋ ਕਿ ਤੁਹਾਡੇ PF ਖਾਤੇ ‘ਚ ਪੈਸੇ ਆਏ ਜਾਂ ਨਹੀਂ, ਤਾਂ ਤੁਸੀਂ ਇਨ੍ਹਾਂ ਤਰੀਕਿਆਂ ਨਾਲ ਤੁਰੰਤ ਜਾਣ ਸਕਦੇ ਹੋ।
ਇਸ ਤਰ੍ਹਾਂ ਜਾਣੋ ਆਪਣਾ PF ਬੈਲੇਂਸ
ਐਸਐਮਐਸ ਦੁਆਰਾ EPFO ਨਾਲ ਰਜਿਸਟਰਡ ਮੋਬਾਈਲ ਨੰਬਰ ਤੋਂ 7738299899 ‘ਤੇ EPFO UAN LAN (ਭਾਸ਼ਾ) ਭੇਜਣਾ ਹੈ। LAN ਦਾ ਅਰਥ ਤੁਹਾਡੀ ਭਾਸ਼ਾ ਹੈ। ਜੇਕਰ ਤੁਸੀਂ ਅੰਗਰੇਜ਼ੀ ਵਿੱਚ ਜਾਣਕਾਰੀ ਚਾਹੁੰਦੇ ਹੋ, ਤਾਂ ਤੁਹਾਨੂੰ LAN ਦੀ ਬਜਾਏ ENG ਲਿਖਣਾ ਪਵੇਗਾ। ਇਸੇ ਤਰ੍ਹਾਂ ਹਿੰਦੀ ਲਈ HIN ਅਤੇ ਤਾਮਿਲ ਲਈ TAM ਲਿਖਿਆ ਜਾਣਾ ਹੈ। ਹਿੰਦੀ ਵਿੱਚ ਜਾਣਕਾਰੀ ਲੈਣ ਲਈ ਤੁਹਾਨੂੰ EPFOHO UAN HIN ਲਿਖ ਕੇ ਮੈਸੇਜ ਕਰਨਾ ਹੋਵੇਗਾ।
ਮਿਸਡ ਕਾਲ ਰਾਹੀਂ
ਜੇਕਰ ਤੁਸੀਂ ਚਾਹੋ ਤਾਂ ਮਿਸਡ ਕਾਲ ਰਾਹੀਂ ਵੀ ਆਪਣਾ EPF ਬੈਲੇਂਸ ਜਾਣ ਸਕਦੇ ਹੋ। ਇਸ ਦੇ ਲਈ ਤੁਹਾਨੂੰ ਆਪਣੇ ਰਜਿਸਟਰਡ ਮੋਬਾਈਲ ਨੰਬਰ ਤੋਂ 011 22901406 ‘ਤੇ ਮਿਸਡ ਕਾਲ ਕਰਨੀ ਹੋਵੇਗੀ।
ਵੀਡੀਓ ਲਈ ਕਲਿੱਕ ਕਰੋ -:
“sri darbar sahib ਬੇਅਦਬੀ ਮਾਮਲੇ ਨਾਲ ਜੁੜੀ ਇੱਕ ਹੋਰ CCTV ਆਈ ਸਾਹਮਣੇ”
ਵੈੱਬਸਾਈਟ ਰਾਹੀਂ
ਆਪਣੇ ਬਕਾਏ ਦੀ ਆਨਲਾਈਨ ਜਾਂਚ ਕਰਨ ਲਈ, EPF ਪਾਸਬੁੱਕ ਪੋਰਟਲ ‘ਤੇ ਜਾਓ। ਆਪਣੇ UAN ਅਤੇ ਪਾਸਵਰਡ ਦੀ ਵਰਤੋਂ ਕਰਕੇ ਇਸ ਪੋਰਟਲ ‘ਤੇ ਲੌਗਇਨ ਕਰੋ। ਇਸ ਵਿੱਚ Download/View Passbook ‘ਤੇ ਕਲਿੱਕ ਕਰੋ ਅਤੇ ਫਿਰ ਤੁਹਾਡੇ ਸਾਹਮਣੇ ਪਾਸਬੁੱਕ ਖੁੱਲ੍ਹ ਜਾਵੇਗੀ ਜਿਸ ਵਿੱਚ ਤੁਸੀਂ ਬੈਲੇਂਸ ਦੇਖ ਸਕਦੇ ਹੋ।
ਜੇ ਤੁਹਾਡੇ ਕੋਲ ਸਮਾਰਟਫੋਨ ਹੈ ਤਾਂ ਤੁਸੀਂ ਜਦੋਂ ਚਾਹੋ ਐਪ ਰਾਹੀਂ ਆਪਣਾ EPF ਬੈਲੇਂਸ ਚੈੱਕ ਕਰ ਸਕਦੇ ਹੋ। ਇਸਦੇ ਲਈ, UMANG AF ਖੋਲ੍ਹੋ ਅਤੇ EPFO ’ਤੇ ਕਲਿੱਕ ਕਰੋ। ਇਸ ‘ਚ Employee Centric Services ‘ਤੇ ਕਲਿੱਕ ਕਰੋ ਅਤੇ ਇਸ ਤੋਂ ਬਾਅਦ View Passbook ‘ਤੇ ਕਲਿੱਕ ਕਰੋ ਅਤੇ UAN ਅਤੇ ਪਾਸਵਰਡ ਦਿਓ। ਰਜਿਸਟਰਡ ਮੋਬਾਈਲ ਨੰਬਰ ‘ਤੇ OTP ਆਵੇਗਾ। ਇਸ ਨੂੰ ਭਰਨ ਤੋਂ ਬਾਅਦ ਤੁਸੀਂ EPF ਬੈਲੇਂਸ ਦੇਖ ਸਕਦੇ ਹੋ।
