ਨੀਰਜ ਚੋਪੜਾ ਨੇ ਇਕ ਵਾਰ ਫਿਰ ਤੋਂ ਕੀਤਾ ਕਮਾਲ, ਫਿਨਲੈਂਡ ‘ਚ ਜਿੱਤਿਆ ਗੋਲਡ ਮੈਡਲ

ਟੋਕੀਓ ਓਲੰਪਿਕ 2020 ਦੇ ਗੋਲਡ ਮੈਡਲਿਸਟ ਨੀਰਜ ਚੋਪੜਾਨੇ ਇਕ ਵਾਰ ਫਿਰ ਕਮਾਲ ਕਰ ਦਿੱਤਾ ਹੈ। ਫਿਨਲੈਂਡ ਵਿਚ ਚੱਲ ਰਹੇ ਕੁਆਰਤਨੇ ਗੇਮਸ ਵਿਚ ਨੀਰਜ ਚੋਪੜਾ ਨੇ ਗੋਲਡ ਮੈਡਲ ਜਿੱਤ ਲਿਆ ਹੈ। ਨੀਰਜ ਚੋਪੜਾ ਨੇ ਇਥੇ ਰਿਕਾਰਡ 86.69 ਮੀਟਰ ਦੂਰ ਭਾਲਾ ਸੁੱਟਿਆ ਅਤੇ ਉਨ੍ਹਾਂ ਦੀ ਬਰਾਬਰੀ ਕੋਈ ਨਹੀਂ ਕਰ ਸਕਿਆ।

ਨੀਰਜ ਚੋਪੜਾ ਨੇ ਇਥੇ ਆਪਣੀ ਪਹਿਲੀ ਵੀ ਵਾਰੀ ਵਿਚ 86.69 ਮੀਟਰ ਭਾਲਾ ਸੁੱਟ ਦਿੱਤਾ ਸੀ ਜਿਨ੍ਹਾਂ ਕੋਲ ਕੋਈ ਵੀ ਨਹੀਂ ਆ ਸਕਿਆ। ਨੀਰਜ ਨੇ ਆਪਣੇ ਬਾਕੀ ਦੀਆਂ ਦੋਵੇਂ ਬਾਰੀਆਂ ਨੂੰ ਫਾਊਲ ਵਿਚ ਕਰਾਰ ਦਿੱਤਾ ਤਾਂ ਕਿ ਉਨ੍ਹਾਂ ਦੇ ਨਾਂ ਅੱਗੇ ਛੋਟਾ ਸਕੋਰ ਨਾ ਆਏ। ਇਸ ਦੌਰਾਨ ਨੀਰਜ ਚੋਪੜਾ ਫੱਟੜ ਹੋਣ ਤੋਂ ਵੀ ਬਚ ਗਏ ਜਦੋਂ ਉਹ ਥ੍ਰੋ ਸੁੱਟ ਰਹੇ ਸਨ ਤੇ ਅਚਾਨਕ ਉਨ੍ਹਾਂ ਦਾ ਪੈਰ ਫਿਸਲ ਗਿਆ ਪਰ ਨੀਰਜ ਚੋਪੜਾ ਫਿਰ ਤੋਂ ਉਠ ਖੜ੍ਹਾ ਹੋਇਆ।

ਇਸ ਗੇਮ ਵਿਚ ਨੀਰਜ ਚੋਪੜਾ ਦੇ ਸਾਹਮਣੇ 24 ਸਾਲ ਦੇ ਏਂਡਰਸਨ ਪੀਟਰਸਨ ਸਨ ਜਿਨ੍ਹਾਂ ਨੇ ਇਸੇ ਸਾਲ 2 ਵਾਰ 90 ਮੀਟਰ ਤੋਂ ਵਧ ਦੀ ਦੂਰੀ ‘ਤੇ ਭਾਲਾ ਸੁੱਟਿਆ ਹੈ ਪਰ ਇਥੇ ਉਨ੍ਹਾਂ ਦਾ ਕਮਾਲ ਨਹੀਂ ਚੱਲ ਸਕਿਆ। ਇਸ ਦੇ ਨਾਲ ਹੀ ਇਥੇ ਨੀਰਜ ਚੋਪੜਾ ਦਾ ਗੋਲਡ ਪੱਕਾ ਹੋ ਗਿਆ।

ਨੀਰਜ ਚੋਪੜਾ ਦੇ ਇਸ ਕਮਾਲ ‘ਤੇ ਖੇਡ ਮੰਤਰੀ ਅਨੁਰਾਗ ਠਾਕੁਰ ਵੀ ਖੁਸ਼ ਹੋਏ ਹਨ। ਅਨੁਰਾਗ ਠਾਕੁਰ ਨੇ ਨੀਰਜ ਚੋਪੜਾ ਦਾ ਵੀਡੀਓ ਟਵੀਟ ਕੀਤਾ ਤੇ ਲਿਖਿਆ ਕਿ ਨੀਰਜ ਨੂੰ ਸੋਨਾ ਮਿਲਿਆ ਹੈ । ਉਨ੍ਹਾਂ ਨੇ ਫਿਰ ਤੋਂ ਕਰ ਦਿਖਾਇਆ ਹੈ। ਕੀ ਸ਼ਾਨਦਾਰ ਚੈਂਪੀਅਨ ਹੈ।

ਵੀਡੀਓ ਲਈ ਕਲਿੱਕ ਕਰੋ -:

“ਘਰੋਂ ਚੁੱਕਣ ਆਈ ਪੁਲਿਸ ਤਾਂ ਭੱਜ ਗਿਆ ਕਾਂਗਰਸੀ ਆਗੂ ਅੰਗਦ ਦੱਤਾ, ਪੌੜੀ ਲਗਾਕੇ ਘਰ ਅੰਦਰ ਵੜੀ ਪੁਲਿਸ ਤਾਂ ਦੇਖੋ ਫਿਰ ਕੀ ਹੋਇਆ?”

ਦੱਸ ਦੇਈਏ ਕਿ ਕੁਝ ਦਿਨ ਪਹਿਲਾਂ ਹੀ ਨੀਰਜ ਚੋਪੜਾ ਨੇ ਫਿਨਲੈਂਡ ਵਿਚ ਹੀ ਨੈਸ਼ਨਲ ਰਿਕਾਰਡ ਵਿਚ ਹੀ ਨੈਸ਼ਨਲ ਰਿਕਾਰਡ ਆਪਣੇ ਨਾਂ ਕੀਤਾ ਸੀ। ਇਥੇ ਹੋਏ ਪਾਵੋ ਨੁਰਮੀ ਗੇਮਸ ਵਿਚ ਨੀਰਜ ਚੋਪੜਾ ਨੇ ਸਿਲਵਰ ਮੈਡਲ ਜਿੱਤਿਆ ਸੀ। ਉਨ੍ਹਾਂ ਨੇ 89.30 ਮੀਟਰ ਦੂਰੀ ‘ਤੇ ਭਾਲਾ ਸੁੱਟਿਆ ਤੇ ਆਪਣੇ ਹੀ ਬਣਾਏ ਗਏ ਨੈਸ਼ਨਲ ਰਿਕਾਰਡ ਨੂੰ ਤੋੜ ਦਿੱਤਾ ਸੀ।