ਬ੍ਰਿਟਿਸ਼ ਪ੍ਰਧਾਨ ਮੰਤਰੀ ਰਿਸ਼ੀ ਸੁਨਕ ਦੀ ਧੀ ਅਨੁਸ਼ਕਾ ਨੇ ਲੰਡਨ ‘ਚ ਇਕ ਪ੍ਰੋਗਰਾਮ ‘ਚ ਭਾਰਤ ਦਾ ਕੁਚੀਪੁੜੀ ਡਾਂਸ ਕੀਤਾ। 9 ਸਾਲ ਦੀ ਅਨੁਸ਼ਕਾ ਨੇ ‘ਰੰਗ’ ਇੰਟਰਨੈਸ਼ਨਲ ਕੁਚੀਪੁੜੀ ਡਾਂਸ ਫੈਸਟੀਵਲ ‘ਚ ਹਿੱਸਾ ਲਿਆ। ਉਸ ਦਾ ਡਾਂਸ ਦੇਖਣ ਲਈ ਉਸ ਦੀ ਮਾਂ ਅਕਸ਼ਤਾ ਸੁਨਕ ਅਤੇ ਉਸ ਦੇ ਦਾਦਾ-ਦਾਦੀ ਵੀ ਮੌਜੂਦ ਸਨ।
ਕੁਚੀਪੁੜੀ ਡਾਂਸਰ ਅਰੁਣਿਮਾ ਕੁਮਾਰ ਨੇ ਭਾਰਤ ਦੀ ਆਜ਼ਾਦੀ ਦੇ 75 ਸਾਲ ਮਨਾਉਣ ਲਈ ਸਮਾਗਮ ਦਾ ਆਯੋਜਨ ਕੀਤਾ। ਇਸ ਵਿੱਚ ਦੁਨੀਆ ਭਰ ਤੋਂ 4 ਸਾਲ ਤੋਂ ਲੈ ਕੇ 85 ਸਾਲ ਤੱਕ ਦੇ 100 ਕਲਾਕਾਰਾਂ ਨੇ ਭਾਗ ਲਿਆ। ਬਜ਼ੁਰਗ ਅਤੇ ਵ੍ਹੀਲਚੇਅਰ ਡਾਂਸਰ ਵੀ ਸਮਾਗਮ ਵਿੱਚ ਹਿੱਸਾ ਲੈਣ ਵਾਲਿਆਂ ਵਿੱਚ ਸ਼ਾਮਲ ਸਨ।
ਰਿਪੋਰਟ ਮੁਤਾਬਕ ਅਨੁਸ਼ਕਾ ਨੇ ਦੱਸਿਆ ਕਿ ਮੈਂ ਭਾਰਤ ‘ਚ ਉਸ ਜਗ੍ਹਾ ਤੋਂ ਆਈ ਹਾਂ। ਮੇਰਾ ਪਰਿਵਾਰ, ਘਰ ਅਤੇ ਸੱਭਿਆਚਾਰ ਭਾਰਤ ਵਿੱਚ ਇੱਕ ਹੋ ਜਾਂਦੇ ਹਨ, ਮੈਨੂੰ ਹਰ ਸਾਲ ਉੱਥੇ ਜਾਣਾ ਪਸੰਦ ਹੈ। ਦੂਜੇ ਪਾਸੇ ਡਾਂਸ ਬਾਰੇ ਉਸ ਨੇ ਕਿਹਾ ਕਿ ਮੈਨੂੰ ਕੁਚੀਪੁੜੀ ਬਹੁਤ ਪਸੰਦ ਹੈ ਕਿਉਂਕਿ ਜਦੋਂ ਤੁਸੀਂ ਡਾਂਸ ਕਰਦੇ ਹੋ ਤਾਂ ਤੁਹਾਡੀਆਂ ਸਾਰੀਆਂ ਚਿੰਤਾਵਾਂ ਅਤੇ ਪ੍ਰੇਸ਼ਾਨੀਆਂ ਦੂਰ ਹੋ ਜਾਂਦੀਆਂ ਹਨ ਅਤੇ ਤੁਸੀਂ ਉਸ ਵੇਲੇ ਆਪਣੇ ਦੋਸਤਾਂ ਨਾਲ ਡਾਂਸ ਕਰ ਰਹੇ ਹੁੰਦੇ ਹੋ। ਮੈਨੂੰ ਸਟੇਜ ‘ਤੇ ਹੋਣਾ ਪਸੰਦ ਹੈ।
ਇਹ ਵੀ ਪੜ੍ਹੋ : ‘ਜੇਲ੍ਹਾਂ ਹੋਰ ਬਣਨ, ਇਹ ਵਿਕਾਸ ਏ?’, ਰਾਸ਼ਟਰਪਤੀ ਮੁਰਮੂ ਦੇ ਬੋਲਾਂ ‘ਤੇ ਲੋਕਾਂ ਨੇ ਖੜ੍ਹੇ ਹੋ ਕੇ ਮਾਰੀਆਂ ਤਾੜੀਆਂ
ਦਰਅਸਲ, ਰਿਸ਼ੀ ਸੁਨਕ ਸਮੇਂ-ਸਮੇਂ ‘ਤੇ ਆਪਣੇ ਸੱਭਿਆਚਾਰ ਪ੍ਰਤੀ ਸਮਰਪਣ ਦਾ ਪ੍ਰਗਟਾਵਾ ਕਰਦੇ ਰਹੇ ਹਨ। ਇੱਕ ਸਮਾਗਮ ਦੌਰਾਨ ਉਨ੍ਹਾਂ ਨੇ ਆਪਣੇ ਆਪ ਨੂੰ ‘ਪ੍ਰਾਊਡ ਹਿੰਦੂ’ ਕਿਹਾ ਸੀ। ਉਨ੍ਹਾਂ ਦੀ ਪਤਨੀ ਵੀ ਸੁਨਕ ਵਾਂਗ ਭਾਰਤੀ ਸੱਭਿਆਚਾਰ ਦੀ ਪ੍ਰਸ਼ੰਸਕ ਹੈ। ਅਕਸ਼ਤਾ ਨੂੰ ਕਈ ਫੰਕਸ਼ਨ ‘ਚ ਭਾਰਤੀ ਪਹਿਰਾਵੇ ‘ਚ ਦੇਖਿਆ ਗਿਆ ਹੈ। ਉਨ੍ਹਾਂ ਨੇ ਇੰਟਰਵਿਊ ‘ਚ ਦੱਸਿਆ ਕਿ ਉਹ ਕੁੜਤੀ ਅਤੇ ਸਾੜ੍ਹੀ ਪਹਿਨਣ ਦੀ ਵੀ ਸ਼ੌਕੀਨ ਹੈ। ਉਹ ਪੱਛਮੀ ਅਤੇ ਭਾਰਤੀ ਫੈਸ਼ਨ ਨੂੰ ਪੂਰੇ ਵਿਸ਼ਵਾਸ ਨਾਲ ਕੈਰੀ ਕਰਦੀ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
