ਤੁਰਕੀ ਅਤੇ ਸੀਰੀਆ ਵਿੱਚ 6 ਫਰਵਰੀ ਨੂੰ ਆਏ ਭਿਆਨਕ ਭੂਚਾਲ ਵਿੱਚ ਹੁਣ ਤੱਕ 45 ਹਜ਼ਾਰ ਤੋਂ ਵੱਧ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਇਸ ਭੂਚਾਲ ਦੀ ਤੀਬਰਤਾ 7.8 ਮਾਪੀ ਗਈ। ਦੁਨੀਆ ਦੇ ਕਈ ਦੇਸ਼ ਇਸ ਮੁਸ਼ਕਲ ਸਮੇਂ ਵਿੱਚ ਤੁਰਕੀ ਅਤੇ ਸੀਰੀਆ ਲਈ ਮਦਦ ਦਾ ਹੱਥ ਵਧਾ ਰਹੇ ਹਨ, ਅਜਿਹੇ ਵਿੱਚ ਪਾਕਿਸਤਾਨ ਨੇ ਵੀ ਤੁਰਕੀ ਨੂੰ ਮਦਦ ਭੇਜੀ ਹੈ, ਪਰ ਮਦਦ ਦੇ ਨਾਂ ‘ਤੇ ਪਾਕਿਸਤਾਨ ਵੱਲੋਂ ਸ਼ਰਮਨਾਕ ਕਾਰਾ ਕੀਤਾ ਗਿਆ ਹੈ।
ਦਰਅਸਲ ਗਰੀਬੀ, ਉੱਚੀ ਮਹਿੰਗਾਈ ਅਤੇ ਪਿਛਲੇ ਸਾਲ ਦੇ ਭਿਆਨਕ ਹੜ੍ਹਾਂ ਨਾਲ ਜੂਝ ਰਹੇ ਪਾਕਿਸਤਾਨ ਨੇ ਤੁਰਕੀ ਨੂੰ ਮਦਦ ਭੇਜੀ ਹੈ ਪਰ ਜਦੋਂ ਉੱਥੇ ਦੇ ਭੂਚਾਲ ਪੀੜਤਾਂ ਨੇ ਰਾਹਤ ਸਮੱਗਰੀ ਖੋਲ੍ਹੀ ਤਾਂ ਉਹ ਹੈਰਾਨ ਰਹਿ ਗਏ। ਜਦੋਂ ਭੂਚਾਲ ਪੀੜਤਾਂ ਲਈ ਪਾਕਿਸਤਾਨ ਤੋਂ ਭੇਜੀ ਗਈ ਰਾਹਤ ਸਮੱਗਰੀ ਨੂੰ ਖੋਲ੍ਹਿਆ ਗਿਆ ਤਾਂ ਇਹ ਪਿਛਲੇ ਸਾਲ ਪਾਕਿਸਤਾਨ ਦੇ ਹੜ੍ਹ ਦੌਰਾਨ ਤੁਰਕੀ ਵੱਲੋਂ ਭੇਜੀ ਗਈ ਰਸਦ ਦੀ ਨਿਕਲੀ। ਇਸ ਗੱਲ ਦਾ ਖੁਲਾਸਾ ਪਾਕਿਸਤਾਨ ਦੇ ਇਕ ਪੱਤਰਕਾਰ ਨੇ ਇਕ ਨਿਊਜ਼ ਚੈਨਲ ‘ਤੇ ਕੀਤਾ।
ਪਾਕਿਸਤਾਨ ਦੇ ਸੀਨੀਅਰ ਪੱਤਰਕਾਰ ਸ਼ਾਹਿਦ ਮਨਜ਼ੂਰ ਨੇ ਇੱਕ ਨਿਊਜ਼ ਚੈਨਲ ਦੇ ਪ੍ਰੋਗਰਾਮ ਵਿੱਚ ਦਾਅਵਾ ਕੀਤਾ ਹੈ ਕਿ ਇਸਲਾਮਾਬਾਦ ਤੋਂ ਅੰਕਾਰਾ ਭੇਜੀ ਗਈ ਭੂਚਾਲ ਰਾਹਤ ਸਮੱਗਰੀ ਅਸਲ ਵਿੱਚ ਉਹੀ ਸਮੱਗਰੀ ਸੀ ਜੋ ਤੁਰਕੀ ਨੇ ਪਿਛਲੇ ਸਾਲ ਦੇਸ਼ ਵਿੱਚ ਹੜ੍ਹਾਂ ਤੋਂ ਬਾਅਦ ਪਾਕਿਸਤਾਨ ਨੂੰ ਭੇਜੀ ਸੀ। ਉਨ੍ਹਾਂ ਕਿਹਾ ਕਿ ਰਾਹਤ ਸਮੱਗਰੀ ‘ਤੇ ਪਾਕਿਸਤਾਨ ਸਰਕਾਰ ਦੀ ਮੋਹਰ ਲੱਗੀ ਹੋਈ ਹੈ।
ਇਹ ਵੀ ਪੜ੍ਹੋ : ਪੰਜਾਬ ਸਣੇ ਇਨ੍ਹਾਂ ਰਾਜਾਂ ‘ਚ ਫਰਵਰੀ ਵਿੱਚ ਹੀ ਵਰ੍ਹਣ ਲੱਗੀ ਅੱਗ, ਮਾਰਚ ‘ਚ ਹੋਵੇਗਾ ਬੁਰਾ ਹਾਲ!
ਸ਼ਾਹਿਦ ਮੰਜ਼ੂਰ ਨੇ ਕਿਹਾ, “ਤੁਰਕੀ ਤੋਂ ਅਜੀਬ ਖਬਰ ਆ ਰਹੀ ਹੈ। ਸਿੰਧ ਤੋਂ ਉੱਥੇ ਸਾਮਾਨ ਪਹੁੰਚਿਆ ਹੈ। ਇਸ ‘ਤੇ ਪਾਕਿਸਤਾਨ ਸਰਕਾਰ ਦਾ ਟੈਗ ਚਿਪਕਿਆ ਹੋਇਆ ਸੀ। ਜਦੋਂ ਉੱਥੇ ਮੌਜੂਦ ਲੋਕਾਂ ਨੇ ਇਸ ਨੂੰ ਖੋਲ੍ਹਿਆ ਤਾਂ ਅੰਦਰ ਪੈਕੇਟ ‘ਤੇ ਲਿਖਿਆ ਸੀ, ‘ਤੁਰਕੀ ਵੱਲੋਂ ਮੁਹੱਬਤ ਨਾ…’ ਹੜ੍ਹ ਦੇ ਦਿਨਾਂ ਦੌਰਾਨ ਉਸ ਨੇ ਜੋ ਸਾਮਾਨ ਭੇਜਿਆ ਸੀ, ਉਹ ਦੁਬਾਰਾ ਪੈਕ ਕਰ ਕੇ ਵਾਪਸ ਭੇਜ ਦਿੱਤਾ ਗਿਆ। ਕਿੰਨੀ ਸ਼ਰਮ ਦੀ ਗੱਲ ਹੈ।” ਦੱਸ ਦੇਈਏ ਕਿ ਇਸ ਦਾਅਵੇ ਦੀ ਪੁਸ਼ਟੀ ਨਹੀਂ ਹੋ ਸਕੀ ਹੈ।
ਪਾਕਿਸਤਾਨ ਨੇ ਤੁਰਕੀ ਨੂੰ ਜੋ ਰਾਹਤ ਸਮੱਗਰੀ ਭੇਜੀ ਹੈ, ਉਸ ਵਿੱਚ 21 ਡੱਬੇ ਹਨ, ਜਿਨ੍ਹਾਂ ਵਿੱਚ ਸਰਦੀਆਂ ਦੇ ਟੈਂਟ, ਕੰਬਲ ਅਤੇ ਹੋਰ ਜ਼ਰੂਰੀ ਚੀਜ਼ਾਂ ਸ਼ਾਮਲ ਹਨ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
