ਭਾਰਤੀ ਮੂਲ ਦਾ ਇਕ ਸਿੰਗਾਪੁਰੀ ਪਰਬਤਰੋਹੀ ਮਾਊਂਟ ਐਵਰੈਸਟ ਦੀ ਚੋਟੀ ‘ਤੇ ਪਹੁੰਚਣ ਦੇ ਬਾਅਦ ਲਾਪਤਾ ਹੋ ਗਿਆ, ਜਿਸ ਦੇ ਬਾਅਦ ਉਸ ਦੇ ਪਰਿਵਾਰ ਵਾਲਿਆਂ ਨੇ ਉਸ ਦੀ ਸਥਿਤੀ ਦਾ ਧਿਆਨ ਦੇਣ ਦੀ ਮੰਗ ਕੀਤੀ ਹੈ।
ਚੇਂਜ ਡਾਟ ਓਆਰਜੀ ਦੀ ਵੈੱਬਸਾਈਟ ਵਿਚ ਦਾਖਲ ਕੀਤੀ ਪਟੀਸ਼ਨ ਮੁਤਾਬਕ ਸ਼੍ਰੀਨਿਵਾਸ ਸੈਣੀ ਦਤਾਤ੍ਰੇਯ ਮਾਊਂਟ ਐਵਰੈਸਟ ਦੀ ਚੋਟੀ ‘ਤੇ ਚੜ੍ਹਨ ਲਈ ਪਿਛਲੇ ਮਹੀਨੇ ਹੀ ਸਿੰਗਾਪੁਰ ਤੋਂ ਨੇਪਾਲ ਲਈ ਰਵਾਨਾ ਹੋਇਆ ਸੀ। ਉਸ ਦੇ ਕਜ਼ਨ ਭਰਾ ਨੇ ਦੱਸਿਆ ਕਿ ਚੋਟੀ ਤੋਂ ਉਤਰਦੇ ਸਮੇਂ ਸ਼੍ਰੀਨਿਵਾਸ ਨੂੰ ਸ਼ੀਤਦੰਸ਼ ਤੇ ਉਚਾਈ ਦੀ ਵਜ੍ਹਾ ਨਾਲ ਉਹ ਬੀਮਾਰ ਪੈ ਗਿਆ। ਇਸ ਵਜ੍ਹਾ ਨਾਲ ਉਹ ਆਪਣੇ ਸਮੂਹ ਤੋਂ ਵਿਛੜ ਗਿਆ ਤੇ 8000 ਮੀਟਰ ਚੋਟੀ ਦੀ ਤਿੱਬਤੀ ਖੇਤਰ ਵਿਚ ਡਿੱਗ ਗਿਆ।
ਸਿੰਗਾਪੁਰ ਦੇ ਇਕ ਟੀਵੀ ਚੈਨਲ ਨੇ ਦੱਸਿਆ ਕਿ ਸ਼ੇਰਪਾਓ ਦੀ ਇਕ ਟੀਮ ਨੇ ਸ਼੍ਰੀਨਿਵਾਸ ਲਈ ਤਲਾਸ਼ੀ ਮੁਹਿੰਮ ਸ਼ੁਰੂ ਕੀਤੀ ਹੈ। ਸ਼੍ਰੀਨਿਵਾਸ ਦਾ ਪਰਿਵਾਰ ਸਬੰਧਤ ਸਰਕਾਰ ਦੇ ਲਗਾਤਾਰ ਸੰਪਰਕ ਵਿਚ ਹੈ।
ਇਹ ਵੀ ਪੜ੍ਹੋ : ਅਸਮ ‘ਚ ਨਵਾਂ ਫਰਮਾਨ ਹੋਇਆ ਜਾਰੀ, ਸਕੂਲ ‘ਚ ਜੀਂਸ, ਟੀ-ਸ਼ਰਟ, ਲੈਗਿੰਗ ਪਹਿਨ ਕੇ ਨਾ ਆਉਣ ਟੀਚਰ
39 ਸਾਲਾ ਸ਼੍ਰੀਨਿਵਾਸ ਰੀਅਲ ਅਸਟੇਟ ਕੰਪਨੀ ‘ਜੋਂਸ ਲੈਂਗ ਲਾਸੇਰ’ ਵਿਚ ਕਾਰਜਕਾਰੀ ਡਾਇਰੈਕਟਰ ਹੈ। 1 ਅਪ੍ਰੈਲ ਨੂੰ ਉਹ ਮਾਊਂਟ ਐਵਰੈਸਟ ਲਈ ਨੇਪਾਲ ਰਵਾਨਾ ਹੋਏ ਸਨ ਤੇ 4 ਜੂਨ ਨੂੰ ਉਹ ਵਤਨ ਪਰਤਣ ਵਾਲੇ ਸਨ। ਸ਼੍ਰੀਨਿਵਾਸ ਨੇ ਆਖਰੀ ਵਾਰ ਆਪਣੀ ਪਤਨੀ ਨੂੰ ਸ਼ੁੱਕਰਵਾਰ ਨੂੰ ਮੈਸੇਜ ਭੇਜਿਆ ਸੀ। ਉਨ੍ਹਾਂ ਨੇ ਆਪਣੀ ਪਤਨੀ ਨੂੰ ਮਾਊਂਟ ਐਵਰੈਸਟ ਦੀ ਚੋਟੀ ‘ਤੇ ਪਹੁੰਚ ਦੀ ਖਬਰ ਦਿੱਤੀ ਸੀ।
ਸ੍ਰੀਨਿਵਾਸ ਦਾ ਪੂਰਾ ਪਰਿਵਾਰ ਨਵੀਂ ਦਿੱਲੀ ਵਿੱਚ ਸਿੰਗਾਪੁਰ ਹਾਈ ਕਮਿਸ਼ਨ, ਨੇਪਾਲ ਵਿੱਚ ਸਥਾਨਕ ਅਧਿਕਾਰੀਆਂ ਅਤੇ ਐਮਰਜੈਂਸੀ ਮੈਡੀਕਲ ਸੇਵਾਵਾਂ ਨਾਲ ਲਗਾਤਾਰ ਸੰਪਰਕ ਵਿੱਚ ਹੈ। ਸਿੰਗਾਪੁਰ ਦਾ ਵਿਦੇਸ਼ ਮੰਤਰਾਲਾ ਇਸ ਘਟਨਾ ‘ਤੇ ਲਗਾਤਾਰ ਨਜ਼ਰ ਰੱਖ ਰਿਹਾ ਹੈ।
