ਆਫਤਾਬ ਨੇ ਜਿਸ ਨਾਲ ਕੀਤੇ ਸਨ ਸ਼ਰਧਾ ਦੇ ਟੁਕੜੇ-ਟੁਕੜੇ, ਉਹ ਹਥਿਆਰ ਦਿੱਲੀ ਪੁਲਿਸ ਨੂੰ ਹੋਇਆ ਬਰਾਮਦ

ਸ਼ਰਧਾ ਮਰਡਰ ਕੇਸ ਵਿਚ 17 ਦਿਨ ਬਾਅਦ ਦਿੱਲੀ ਪੁਲਿਸ ਨੇ ਵੱਡੀ ਸਫਲਤਾ ਮਿਲੀ ਹੈ। ਪੁਲਿਸ ਨੇ ਸ਼ਰਧਾ ਦੇ ਕਤਲ ਵਿਚ ਇਸਤੇਮਾਲ ਹਥਿਆਰ ਬਰਾਮਦ ਕਰ ਲਿਆ ਹੈ। ਸ਼ਰਧਾ ਦੀ ਉਹ ਅੰਗੂਠੀ ਵੀ ਬਰਾਮਦ ਕਰ ਲਈ ਗਈ ਹੈ ਜਿਸ ਨੂੰ ਆਫਤਾਬ ਨੇ ਕਤਲ ਦੇ ਬਾਅਦ ਦੂਜੀ ਲੜਕੀ ਨੂੰ ਗਿਫਟ ਕੀਤੀ ਸੀ।

ਇਹ ਲੜਕੀ ਕਤਲ ਦੇ ਬਾਅਦ ਆਫਤਾਬ ਦੇ ਫਲੈਟ ‘ਤੇ ਵੀ ਆਈ ਸੀ। ਇਸ ਦੌਰਾਨ ਸ਼ਰਧਾ ਦੀ ਬਾਡੀ ਦੇ ਟੁਕੜੇ ਫਲੈਟ ਵਿਚ ਹੀ ਫਰਿਜ ਵਿਚ ਮੌਜੂਦ ਸਨ। ਪੁਲਿਸ ਨੇ ਕਿਹਾ ਸੀ ਕਿ ਡੇਟਿੰਗ ਐਪ ਜ਼ਰੀਏ ਆਫਤਾਬ ਨੇ ਦੂਜੀ ਗਰਲਫ੍ਰੈਂਡ ਨਾਲ ਕਾਂਟੈਕਟ ਕੀਤਾ ਸੀ।

ਕੁਝ ਸਮਾਂ ਪਹਿਲਾਂ ਆਫਤਾਬ ਅਮੀਨ ਪੂਨਾਵਾਲਾ ਦਾ ਪੋਲੀਗ੍ਰਾਫ ਟੈਸਟ ਸ਼ੁਰੂ ਹੋਇਆ ਹੈ। ਉਸ ਨੂੰ ਸੋਮਵਾਰ ਸਵੇਰੇ ਤਿਹਾੜ ਜੇਲ੍ਹ ਤੋਂ ਰੋਹਿਣੀ ਸਥਿਤ ਫੋਰੈਂਸਿਕ ਸਾਇੰਸ ਲੈਬ (ਐਫਐਸਐਲ) ਵਿੱਚ ਲਿਆਂਦਾ ਗਿਆ। ਆਫਤਾਬ ਦੇ ਹੁਣ ਤੱਕ 3 ਪੌਲੀਗ੍ਰਾਫ ਟੈਸਟ ਹੋ ਚੁੱਕੇ ਹਨ। ਪਹਿਲਾ ਟੈਸਟ 22 ਨਵੰਬਰ, ਦੂਜਾ 24 ਅਤੇ ਤੀਜਾ 25 ਨਵੰਬਰ ਨੂੰ ਹੋਇਆ। ਆਫਤਾਬ ਨੂੰ 40 ਸਵਾਲ ਪੁੱਛੇ ਗਏ ਹਨ।

ਮੀਡੀਆ ਰਿਪੋਰਟਾਂ ‘ਚ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਸ਼ਰਧਾ ਨੂੰ ਮਾਰਨ ਤੋਂ ਬਾਅਦ ਆਫਤਾਬ ਮੁੰਬਈ ‘ਚ ਆਪਣੇ ਦੋਸਤਾਂ ਨੂੰ ਮਿਲਿਆ ਅਤੇ ਉਨ੍ਹਾਂ ਨੂੰ ਬ੍ਰੇਕਅੱਪ ਦੀ ਕਹਾਣੀ ਦੱਸੀ। ਸ਼ਰਧਾ ਦੇ ਕਤਲ ‘ਚ ਆਫਤਾਬ ਨੂੰ ਇਕ ਵਿਅਕਤੀ ਨੇ ਸਾਥ ਦਿੱਤਾ ਸੀ। ਦਿੱਲੀ ਪੁਲਿਸ ਨੂੰ ਸ਼ੱਕ ਹੈ ਕਿ ਇਸ ਵਿਅਕਤੀ ਨੇ ਸਬੂਤ ਨਸ਼ਟ ਕਰਨ ‘ਚ ਆਫਤਾਬ ਦੀ ਵੀ ਮਦਦ ਕੀਤੀ ਸੀ। ਫਿਲਹਾਲ ਪੁਲਿਸ ਇਸ ਸਬੰਧੀ ਜਾਣਕਾਰੀ ਇਕੱਠੀ ਕਰ ਰਹੀ ਹੈ। ਹਾਲਾਂਕਿ, ਇਹ ਪਤਾ ਨਹੀਂ ਲੱਗ ਸਕਿਆ ਹੈ ਕਿ ਉਸਨੇ ਇਹ ਸਿਧਾਂਤ ਕਿਸ ਆਧਾਰ ‘ਤੇ ਬਣਾਇਆ ਸੀ।

ਪੁਲਿਸ ਫੈਸਲ ਦੇ ਫੋਨ ਰਿਕਾਰਡ ਦੀ ਜਾਂਚ ਕਰੇਗੀ ਕਿਉਂਕਿ ਉਨ੍ਹਾਂ ਨੂੰ ਸ਼ੱਕ ਹੈ ਕਿ ਫੈਸਲ ਅਤੇ ਆਫਤਾਬ ਦੋਸਤ ਹੋ ਸਕਦੇ ਹਨ। ਦੂਜੇ ਪਾਸੇ, ਆਫਤਾਬ ਨੂੰ ਅੱਜ ਰੋਹਿਣੀ, ਦਿੱਲੀ ਵਿੱਚ ਫੋਰੈਂਸਿਕ ਸਾਇੰਸ ਲੈਬਾਰਟਰੀ (ਐਫਐਸਐਲ) ਵਿੱਚ ਪੋਲੀਗ੍ਰਾਫ ਟੈਸਟ ਲਈ ਲਿਆ ਗਿਆ ਹੈ।

ਦੱਸ ਦੇਈਏ ਕਿ ਪੋਲੀਗ੍ਰਾਫ ਤੋਂ ਬਾਅਦ ਦਿੱਲੀ ਪੁਲਿਸ ਆਫਤਾਬ ਦਾ ਨਾਰਕੋ ਟੈਸਟ ਕਰਵਾਏਗੀ। ਜ਼ਿਕਰਯੋਗ ਹੈ ਕਿ ਸ਼ਨੀਵਾਰ 26 ਨਵੰਬਰ ਨੂੰ ਦਿੱਲੀ ਦੀ ਇਕ ਅਦਾਲਤ ਨੇ ਦੋਸ਼ੀ ਆਫਤਾਬ ਅਮੀਨ ਪੂਨਾਵਾਲਾ ਨੂੰ 14 ਦਿਨਾਂ ਲਈ ਨਿਆਂਇਕ ਹਿਰਾਸਤ ‘ਚ ਭੇਜ ਦਿੱਤਾ ਸੀ। ਪੂਨਾਵਾਲਾ ਨੂੰ ਦਿੱਲੀ ਦੇ ਅੰਬੇਡਕਰ ਹਸਪਤਾਲ ਤੋਂ ਵੀਡੀਓ ਕਾਨਫਰੰਸਿੰਗ ਰਾਹੀਂ ਸਾਕੇਤ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ।

ਵੀਡੀਓ ਲਈ ਕਲਿੱਕ ਕਰੋ -:

“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “