Canada Electric Cars: ਬ੍ਰਿਟਿਸ਼ ਕੋਲੰਬੀਆ ਸਰਕਾਰ ਵੱਲੋਂ ਇਲੈਕਟ੍ਰਿਕ ਪੈਸੇਂਜਰ ਵਾਹਨਾਂ ਨੂੰ ਖਰੀਦਣ ਲਈ ਲੋਕਾਂ ਨੂੰ ਉਤਸ਼ਾਹਿਤ ਕਰਨ ਲਈ ਇੱਕ ਨਵਾਂ ਤਰੀਕਾ ਲੱਭ ਲਿਆ ਹੈ , ਇਸਦੇ ਤਹਿਤ ਲੋਕਾਂ ਨੂੰ ਖਾਸ 50,000 ਡਾਲਰ ਦੀ ਛੋਟ ਦੀ ਪੇਸ਼ਕਸ਼ ਕਰ ਦਿੱਤੀ ਗਈ ਹੈ। ਇਹ ਖਾਸ ਛੋਟ ਇਲੈਕਟ੍ਰਿਕ ਵਹੀਕਲ ਖਰੀਦਣ ਵਾਲੇ ਬਿਜ਼ਨਸਮੈਨ, ਖੇਤਰੀ ਸਰਕਾਰਾਂ ਅਤੇ ਗੈਰ-ਮੁਨਾਫ਼ਾ ਸੰਸਥਾਵਾਂ ਲਈ ਮਿਲੇਗੀ। ਦੱਸ ਦੇਈਏ ਕਿ 1,700 ਤੋਂ ਲੈਕੇ 50,000 ਡਾਲਰ ਤੱਕ ਦੀ ਇਹ ਛੋਟ ਇਲੈਕਟ੍ਰਿਕ ਮੋਟਰ ਸਾਈਕਲਾਂ ਤੋਂ ਲੈ ਕੇ ਕਿਊਬ ਟਰੱਕ ਅਤੇ ਸ਼ਟਲ ਬੱਸਾਂ ਤੇ ਮਿਲੇਗੀ।
ਇਸ ਸਬੰਧੀ ਸੂਬੇ ਦੇ ਊਰਜਾ ਮੰਤਰੀ ਬਰੂਸ ਰਾਲਸਟਨ ਅਤੇ ਵਾਤਾਵਰਣ ਮੰਤਰੀ ਜੌਰਜ ਹੇਮੈਨ ਨੇ ਦੱਸਿਆ ਕਿ 2 ਮਿਲਿਅਨ ਡਾਲਰ ਲੋਕਾਂ ‘ਚ ਇਲੈਕਟ੍ਰਿਕ ਪੈਸੇਂਜਰ ਵਾਹਨਾਂ ਦੀ ਖਰੀਦ ਨੂੰ ਹੁੰਗਾਰਾ ਦੇਣ ਲਈ ਖਰਚ ਕੀਤੇ ਜਾਣਗੇ ਅਤੇ ਸਰਕਾਰ ਦਾ ਟੀਚਾ 2030 ਤੱਕ ਸੂਬੇ ਨੂੰ ਪ੍ਰਦੂਸ਼ਣ ਮੁਕਤ ਬਣਾਉਣਾ ਹੈ। ਇਸ ਕਦਮ ਨਾਲ ਇਨੋਵੇਸ਼ਨ ਸੈਕਟਰ ‘ਚ ਨੌਕਰੀਆਂ ‘ਚ ਵਾਧਾ ਹੋਵੇਗਾ।
