ਪਿਛਲੇ ਵਿੱਤੀ ਸਾਲ 2020-21 ਵਿਚ ਦੇਸ਼ ਦਾ ਕੋਲਾ ਉਤਪਾਦਨ 2.02 ਪ੍ਰਤੀਸ਼ਤ ਘੱਟ ਕੇ 71.60 ਕਰੋੜ ਟਨ ਰਿਹਾ। ਪਿਛਲੇ ਵਿੱਤੀ ਸਾਲ 2019-20 ਵਿਚ ਕੋਲੇ ਦਾ ਉਤਪਾਦਨ 73.08 ਕਰੋੜ ਟਨ ਸੀ। ਇਹ ਜਾਣਕਾਰੀ ਕੋਲਾ ਮੰਤਰਾਲੇ ਦੇ ਆਰਜ਼ੀ ਅੰਕੜਿਆਂ ਵਿਚ 2020-21 ਲਈ ਦਿੱਤੀ ਗਈ ਹੈ।
ਅੰਕੜਿਆਂ ਅਨੁਸਾਰ ਪਿਛਲੇ ਵਿੱਤੀ ਸਾਲ ਵਿਚ 71.60 ਕਰੋੜ ਟਨ ਦੇ ਕੁੱਲ ਉਤਪਾਦਨ ਵਿਚ ਨਾਨ-ਕੋਕਿੰਗ ਕੋਲੇ ਦਾ ਹਿੱਸਾ 67.12 ਕਰੋੜ ਟਨ ਅਤੇ ਕੋਕਿੰਗ ਕੋਲਾ 4.47 ਕਰੋੜ ਟਨ ਸੀ।
ਦੇਸ਼ ਦੇ ਕੁਲ ਕੋਲੇ ਉਤਪਾਦਨ ਵਿਚੋਂ ਜਨਤਕ ਖੇਤਰ ਨੇ 68.59 ਕਰੋੜ ਟਨ ਅਤੇ ਨਿੱਜੀ ਖੇਤਰ ਨੇ ਬਾਕੀ 30.1 ਕਰੋੜ ਟਨ ਉਤਪਾਦਨ ਕੀਤੇ। ਪਿਛਲੇ ਵਿੱਤੀ ਸਾਲ 2020-21 ਵਿਚ ਛੱਤੀਸਗੜ੍ਹ ਵਿਚ ਸਭ ਤੋਂ ਵੱਧ 15.84 ਕਰੋੜ ਟਨ ਕੋਲੇ ਦਾ ਉਤਪਾਦਨ ਹੋਇਆ ਸੀ।
ਓਡੀਸ਼ਾ 15.41 ਕਰੋੜ ਟਨ ਦੇ ਉਤਪਾਦਨ ਦੇ ਨਾਲ ਦੂਜੇ ਨੰਬਰ ‘ਤੇ ਰਹੀ। ਇਸ ਤੋਂ ਬਾਅਦ ਮੱਧ ਪ੍ਰਦੇਸ਼ 13.25 ਕਰੋੜ ਟਨ ਅਤੇ ਝਾਰਖੰਡ ਵਿਚ 11.92 ਕਰੋੜ ਟਨ ਰਿਹਾ। ਪਿਛਲੇ ਵਿੱਤੀ ਵਰ੍ਹੇ ਵਿੱਚ ਝਾਰਖੰਡ 4.43 ਕਰੋੜ ਟਨ ਦੇ ਨਾਲ ਸਭ ਤੋਂ ਵੱਡਾ ਕੋਕਿੰਗ ਕੋਲਾ ਉਤਪਾਦਕ ਸੀ. 4.47 ਕਰੋੜ ਟਨ ਕੋਕਿੰਗ ਉਤਪਾਦਨ ਵਿਚ ਝਾਰਖੰਡ ਦਾ ਹਿੱਸਾ 99.11 ਪ੍ਰਤੀਸ਼ਤ ਸੀ।
