Sbi customer alert : ਜੇ ਤੁਹਾਡਾ ਬੈਂਕ ਖਾਤਾ ਸਟੇਟ ਬੈਂਕ ਆਫ਼ ਇੰਡੀਆ (ਐਸਬੀਆਈ) ਵਿੱਚ ਹੈ, ਤਾਂ ਇਹ ਤੁਹਾਡੇ ਲਈ ਬਹੁਤ ਮਹੱਤਵਪੂਰਣ ਖਬਰ ਹੈ। ਅੱਜ, ਐਸਬੀਆਈ ਦੇ ਸਾਰੇ ਆਨਲਾਈਨ ਪਲੇਟਫਾਰਮ ਲੱਗਭਗ ਢਾਈ ਘੰਟਿਆਂ ਲਈ ਠੱਪ ਰਹਿਣਗੇ। ਐਸਬੀਆਈ ਨੇ ਟਵੀਟ ਦੇ ਜ਼ਰੀਏ ਆਪਣੇ ਲੱਖਾਂ ਖਾਤਾ ਧਾਰਕਾਂ ਨੂੰ ਇਹ ਜਾਣਕਾਰੀ ਦਿੱਤੀ ਹੈ। ਐਸਬੀਆਈ ਨੇ ਦੱਸਿਆ ਹੈ ਕਿ ਅਪਡੇਟ ਦਾ ਕੰਮ ਦੁਪਹਿਰ ਕੁੱਝ ਸਮੇਂ ਲਈ ਕੀਤਾ ਜਾਵੇਗਾ, ਇਸ ਲਈ ਆਨਲਾਈਨ ਸੇਵਾਵਾਂ ਪੂਰੀ ਤਰ੍ਹਾਂ ਬੰਦ ਰਹਿਣਗੀਆਂ। ਇਸ ਤੋਂ ਬਾਅਦ ਫਿਰ ਤੋਂ ਸੇਵਾਵਾਂ ਪੂਰੀ ਤਰ੍ਹਾਂ ਬਹਾਲ ਹੋ ਜਾਣਗੀਆਂ। ਪਰ ਇਸ ਦੌਰਾਨ ਐਸਬੀਆਈ ਦੀਆਂ ਇੰਟਰਨੈਟ ਬੈਂਕਿੰਗ ਸੇਵਾਵਾਂ ‘ਚ ਤੁਹਾਨੂੰ ਸਮੱਸਿਆ ਦਾ ਸਾਹਮਣਾ ਕਰਨਾ ਪਏਗਾ।
ਐਸਬੀਆਈ ਨੇ ਆਪਣੇ ਗਾਹਕਾਂ ਨੂੰ ਦੱਸਿਆ ਹੈ ਕਿ 1 ਅਪ੍ਰੈਲ 2021 ਨੂੰ ਦੁਪਹਿਰ 2:10 ਵਜੇ ਤੋਂ ਸ਼ਾਮ 5:40 ਵਜੇ ਤੱਕ ਪੋਰਟਲ ਅਪਡੇਟ ਦਾ ਕੰਮ ਕੀਤਾ ਜਾਵੇਗਾ, ਇਸ ਲਈ ਇੰਟਰਨੈਟ ਬੈਂਕਿੰਗ, ਯੋਨੋ, ਯੋਨੋ ਲਾਈਟ ਸੇਵਾਵਾਂ ਇਸ ਸਮੇਂ ਦੌਰਾਨ ਕੰਮ ਨਹੀਂ ਕਰਨਗੀਆਂ। ਅਸੀਂ ਇਸ ਅਸੁਵਿਧਾ ਲਈ ਮੁਆਫੀ ਚਾਹੁੰਦੇ ਹਾਂ। ਅਰਥਾਤ, ਉਹ ਖਾਤਾ ਧਾਰਕ ਜਿਨ੍ਹਾਂ ਨੇ ਬੈਂਕਿੰਗ ਨਾਲ ਜੁੜੇ ਕਿਸੇ ਕੰਮ ਨੂੰ ਨਿਪਟਾਉਣਾ ਹੈ, ਤਾਂ ਇਸ ਸਮੇਂ ਤੋਂ ਪਹਿਲਾਂ ਜਾਂ ਬਾਅਦ ਵਿੱਚ ਕਰ ਸਕਦੇ ਹੋ।
ਇਹ ਵੀ ਦੇਖੋ : ਕੌਣ ਹੁੰਦੇ ਹਨ ਮੌਤ ਦੇ ਡਰ ਤੋਂ ਅਨਜਾਣ, ਖਾਲਸੇ ਦੀ ਸ਼ਾਨ, ਨੀਲੇ ਬਾਣਿਆਂ ਵਾਲੇ ਨਿਹੰਗ ਸਿੰਘ?
