ਲੁਧਿਆਣਾ ਦੇ ਨੈਸ਼ਨਲ ਹਾਈਵੇਅ ਅਥਾਰਟੀ ਨੇ ਮਹਾਂਨਗਰ ਦੇ ਟਰਾਂਸਪੋਰਟ ਸ਼ਹਿਰ ਲਈ ਪਾਣੀਪਤ-ਜਲੰਧਰ ਹਾਈਵੇਅ ਲਈ ਐਂਟਰੀ ਅਤੇ ਐਗਜ਼ਿਟ ਰੈਂਪ ਦਾ ਕੰਮ ਸ਼ੁਰੂ ਕਰ ਦਿੱਤਾ ਹੈ। ਦੋਵੇਂ ਰੈਂਪ ਬਣਾਉਣ ਦੀ ਸਮਾਂ ਸੀਮਾ 31 ਦਸੰਬਰ ਰੱਖੀ ਗਈ ਹੈ। ਰੈਂਪ ਬਣਨ ਮਗਰੋਂ ਸਮਰਾਲਾ ਚੌਕ ’ਤੇ ਆਵਾਜਾਈ ਦਾ ਦਬਾਅ ਘਟੇਗਾ। ਆਸ-ਪਾਸ ਰਹਿਣ ਵਾਲੇ 5 ਲੱਖ ਤੋਂ ਵੱਧ ਲੋਕਾਂ ਨੂੰ ਵੀ ਇਸ ਦਾ ਵੱਡਾ ਲਾਭ ਮਿਲੇਗਾ।
ਟਰਾਂਸਪੋਰਟ ਨਗਰ, ਇੰਡਸਟਰੀਅਲ ਏਰੀਆ ਅਤੇ ਮੋਤੀ ਨਗਰ ਦੀ ਆਵਾਜਾਈ ਲਈ ਰੈਂਪ ਬਣਾਉਣ ਦੀ ਮੰਗ ਕੀਤੀ ਗਈ। ਟਰਾਂਸਪੋਰਟ ਨਗਰ ਦੇ ਬਿਲਕੁਲ ਬਾਹਰ ਪੈਟਰੋਲ ਪੰਪ ਤੋਂ ਰੈਂਪ ਦਾ ਨਿਰਮਾਣ ਸ਼ੁਰੂ ਹੋ ਗਿਆ ਹੈ। ਜਿਸ ਕਾਰਨ ਵਾਹਨ ਸਿੱਧੇ ਸਮਰਾਲਾ ਚੌਕ ਦੇ ਉਪਰੋਂ ਲੰਘਣਗੇ। ਟਰੱਕ ਡਰਾਈਵਰਾਂ ਨੂੰ ਹੁਣ ਸਮਰਾਲਾ ਚੌਕ ਜਾਣ ਦੀ ਲੋੜ ਨਹੀਂ ਪਵੇਗੀ। ਦੂਜੇ ਪਾਸੇ ਜਲੰਧਰ ਤੋਂ ਆਉਣ ਵਾਲੇ ਵਾਹਨ ਚਾਲਕਾਂ ਨੇ ਜੇਕਰ ਟਰਾਂਸਪੋਰਟ ਨਗਰ ਜਾਣਾ ਹੈ ਤਾਂ ਤਾਜਪੁਰ ਚੌਕ ਅੱਗੇ ਪੁਆਇੰਟ ਬਣਾ ਦਿੱਤਾ ਗਿਆ ਹੈ। ਇੱਥੋਂ ਸਾਰਾ ਟਰੈਫਿਕ ਤਾਜਪੁਰ ਚੌਕ, ਸਮਰਾਲਾ ਚੌਕ ਤੱਕ ਪਹੁੰਚਦਾ ਹੈ। ਇਸ ਦੇ ਨਾਲ ਹੀ ਜਲੰਧਰ ਤੋਂ ਟਰਾਂਸਪੋਰਟ ਨਗਰ, ਇੰਡਸਟਰੀ ਏਰੀਆ ਅਤੇ ਮੋਤੀ ਨਗਰ ਤੋਂ ਵੀ ਆਵਾਜਾਈ ਹੁੰਦੀ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
ਤੁਹਾਨੂੰ ਦੱਸ ਦੇਈਏ ਕਿ ਨੈਸ਼ਨਲ ਹਾਈਵੇ ਤੋਂ ਹੋ ਕੇ ਟਰਾਂਸਪੋਰਟ ਨਗਰ ਨੂੰ ਜਾਣਾ ਇਸ ਸਮੇਂ ਖ਼ਤਰੇ ਤੋਂ ਖਾਲੀ ਨਹੀਂ ਹੈ। ਇਸ ਕਾਰਨ ਟਰੱਕ ਚਾਲਕਾਂ ਨੂੰ ਵੀ ਭਾਰੀ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਸ਼ਹਿਰ ਵਾਸੀਆਂ ਨੂੰ ਦਸੰਬਰ ਦੇ ਅੰਤ ਤੱਕ ਇਸ ‘ਤੋਂ ਰਾਹਤ ਮਿਲ ਸਕਦੀ ਹੈ।
