1919 ਦੇ ਜ਼ਲ੍ਹਿਆਂਵਾਲਾ ਬਾਗ ਸਾਕੇ ‘ਤੇ ਆਧਾਰਿਤ ਬਾਲੀਵੁੱਡ ਫਿਲਮ ਕੇਸਰੀ-2 ਦੀ ਸਟਾਰ ਕਾਸਟ ਅੱਜ ਹਰਿਮੰਦਰ ਸਾਹਿਬ ਮੱਥਾ ਟੇਕਣ ਲਈ ਪਹੁੰਚੀ। ਜਿਸ ‘ਚ ਬਾਲੀਵੁੱਡ ਅਦਾਕਾਰ ਅਕਸ਼ੈ ਕੁਮਾਰ, ਅਦਾਕਾਰਾ ਅਨੰਨਿਆ ਪਾਂਡੇ ਅਤੇ ਆਰ ਮਾਧਵਨ ਸ਼ਾਮਲ ਸਨ। ਇਹ ਟੀਮ ਸ਼ਹੀਦਾਂ ਨੂੰ ਸ਼ਰਧਾਂਜਲੀ ਦੇਣ ਲਈ ਸ਼ਾਮ ਨੂੰ ਜ਼ਲਿਆਂਵਾਲਾ ਬਾਗ ਵੀ ਜਾਵੇਗੀ।
ਸ੍ਰੀ ਹਰਿਮੰਦਰ ਸਾਹਿਬ ਮੱਥਾ ਟੇਕਣ ਗਈ ਟੀਮ ਦਾ ਹਿੱਸਾ ਰਹੇ ਅਕਸ਼ੈ ਕੁਮਾਰ ਪਠਾਨੀ ਕੁੜਤਾ ਸਲਵਾਰ ਵਿੱਚ ਸਨ ਜਦੋਂਕਿ ਆਰ ਮਾਧਵਨ ਨੇ ਚਿੱਟੇ ਰੰਗ ਦਾ ਕੁੜਤਾ ਪਜਾਮਾ ਪਾਇਆ ਹੋਇਆ ਸੀ। ਅਦਾਕਾਰਾ ਅਨੰਨਿਆ ਪਾਂਡੇ ਵੀ ਸੂਟ ਨਾਲ ਸਿਰ ਨੂੰ ਚੁੰਨੀ ਨਾਲ ਢਕੇ ਦਿਸੀ।
ਦੱਸ ਦੇਈਏ ਕਿ ਧਰਮਾ ਪ੍ਰੋਡਕਸ਼ਨ ਦੀ ‘ਕੇਸਰੀ’ ਅਕਸ਼ੈ ਕੁਮਾਰ, ਆਰ ਮਾਧਵਨ ਅਤੇ ਅਨੰਨਿਆ ਪਾਂਡੇ ਦੇ ਅਭਿਨੈ ਵਾਲੀ ਇਹ ਫਿਲਮ ਜਲਿਆਂਵਾਲਾ ਬਾਗ ਕਾਂਡ ‘ਤੇ ਆਧਾਰਿਤ ਹੈ। ‘ਕੇਸਰੀ ਚੈਪਟਰ 2’ ਦੇ ਟਾਈਟਲ ਵਾਲੀ ਇਹ ਫਿਲਮ ਸੀ ਸ਼ੰਕਰਨ ਨਾਇਰ ਦੀ ਬਾਇਓਪਿਕ ਹੈ। 18 ਅਪ੍ਰੈਲ ਨੂੰ ਰਿਲੀਜ਼ ਹੋਣ ਵਾਲੀ ਕਰਨ ਸਿੰਘ ਤਿਆਗੀ ਵੱਲੋਂ ਨਿਰਦੇਸ਼ਿਤ ਇਸ ਫਿਲਮ ‘ਤੇ ਸਭ ਦੀਆਂ ਨਜ਼ਰਾਂ ਟਿਕੀਆਂ ਹੋਈਆਂ ਹਨ।
‘ਕੇਸਰੀ’ ਅਤੇ ‘ਕੇਸਰੀ ਚੈਪਟਰ 2’ ਵਿੱਚ ਮੁੱਖ ਫਰਕ ਉਹਨਾਂ ਦੇ ਵਿਸ਼ਿਆਂ ਵਿੱਚ ਹੈ। ਕੇਸਰੀ (2019) ਸਾਰਾਗੜ੍ਹੀ ਦੀ ਲੜਾਈ, 21 ਸਿੱਖ ਸਿਪਾਹੀਆਂ ਅਤੇ ਵੱਡੀ ਗਿਣਤੀ ਵਿੱਚ ਅਫਗਾਨ ਕਬੀਲਿਆਂ ਵਿਚਕਾਰ ਲੜਾਈ ‘ਤੇ ਅਧਾਰਤ ਇੱਕ ਜੰਗੀ ਫਿਲਮ ਹੈ, ਜਦਕਿ ‘ਕੇਸਰੀ ਚੈਪਟਰ 2’ ਇੱਕ ਕੋਰਟਰੂਮ ਡਰਾਮਾ ਹੈ ਜੋ ਜ਼ਲ੍ਹਿਆਂਵਾਲਾ ਬਾਗ ਕਤਲੇਆਮ ਤੋਂ ਬਾਅਦ ਚੱਲੀ ਕਾਨੂੰਨੀ ਲੜਾਈ ‘ਤੇ ਅਧਾਰਤ ਹੈ। ਇਹ ਵਕੀਲ ਸੀ. ਸ਼ੰਕਰਨ ਨਾਇਰ ਅਤੇ ਨਿਆਂ ਲਈ ਉਸ ਦੀ ਲੜਾਈ ‘ਤੇ ਕੇਂਦਰਿਤ ਹੈ।
ਇਹ ਵੀ ਪੜ੍ਹੋ : ਆਮ ਆਦਮੀ ਨੂੰ ਟੋਲ ‘ਤੇ ਮਿਲੇਗੀ ਰਾਹਤ, 3 ਹਜ਼ਾਰ ਰੁ. ਦਾ ਸਾਲਾਨਾ ਪਾਸ, FASTag ਨੂੰ ਲੈ ਕੇ ਨਵੀਂ ਸ਼ਰਤ ਲਾਗੂ
ਅਕਸ਼ੈ ਕੁਮਾਰ ਦੇ ਅਭਿਨੈ ਵਾਲੀ ਕੇਸਰੀ (2019) ਇੱਕ ਬਲਾਕਬਸਟਰ ਸੀ। ਇਸ ਨੇ ਦੁਨੀਆ ਭਰ ਵਿੱਚ 207 ਕਰੋੜ ਰੁਪਏ ਤੋਂ ਵੱਧ ਦੀ ਕਮਾਈ ਕੀਤੀ। ਫਿਲਮ ਨੇ 2019 ਦੌਰਾਨ ਸਭ ਤੋਂ ਤੇਜ਼ੀ ਨਾਲ 100 ਕਰੋੜ ਰੁਪਏ ਦੀ ਘਰੇਲੂ ਕਮਾਈ ਕਰਨ ਵਾਲੀ ਫਿਲਮ ਦਾ ਰਿਕਾਰਡ ਵੀ ਤੋੜ ਦਿੱਤਾ ਸੀ।
ਵੀਡੀਓ ਲਈ ਕਲਿੱਕ ਕਰੋ -:
