aamir controversy turkish lady:ਬਾਲੀਵੁਡ ਅਦਾਕਾਰ ਆਮਿਰ ਖਾਨ ਦੇ ਤੁਰਕੀ ਦੀ ਫਰਸਟ ਲੇਡੀ ਦੇ ਨਾਲ ਮੁਲਾਕਾਤ ਤੇ ਘਮਾਸਾਨ ਮਚਿਆ ਹੋਇਆ ਹੈ। ਸੋਸ਼ਲ ਮੀਡੀਆ ਤੇ ਇਸ ਤੇ ਕਾਫੀ ਬਹਿਸ ਚਲ ਰਹੀ ਹੈ। ਉੱਥੇ ਹੀ ਹੁਣ ਬੀਜੇਪੀ ਨੇਤਾ ਉਮਾ ਭਾਰਤੀ ਅਤੇ ਵਿਸ਼ਵ ਹਿੰਦੂ ਪਰਿਸ਼ਦ (ਵੀਐਚਪੀ) ਨੇ ਵੀ ਆਮਿਰ ਖਾਨ ਦੇ ਤੁਰਕੀ ਦੇ ਰਾਸ਼ਟਰਪਤੀ ਦੀ ਪਤਨੀ ਨਾਲ ਮੁਲਾਕਾਤ ਤੇ ਸਵਾਲ ਚੁੱਕੇ ਹਨ। ਦਰਅਸਲ, ਭਾਰਤ ਅਤੇ ਤੁਰਕੀ ਦੇ ਵਿੱਚ ਦੇ ਰਿਸ਼ਤੇ ਠੀਕ ਨਹੀਂ ਹਨ। ਅਜਿਹੇ ਵਿੱਚ ਆਮਿਰ ਦਾ ਤੁਰਕੀ ਦੀ ਪਹਿਲੀ ਮਹਿਲਾ ਐਮੀਨ ਅਰਦੋਗਨ ਨਾਲ ਮੁਲਾਕਾਤ ਕਰਨਾ ਕਈ ਲੋਕਾਂ ਨੂੰ ਪਸੰਦ ਨਹੀਂ ਆਇਆ।ਇਸ ਮਾਮਲੇ ਵਿੱਚ ਬੀਜੇਪੀ ਦੀ ਸੀਨੀਅਰ ਨੇਤਾ ਉਮਾ ਭਾਰਤੀ ਨੇ ਵੀ ਬਿਆਨ ਦਿੱਤਾ ਹੈ। ਉਨ੍ਹਾਂ ਨੇ ਆਮਿਰ ਖਾਨ ਨੂੰ ਸਲਾਹ ਦਿੰਦੇ ਹੋਏ ਕਿਹਾ ਕਿ ਇਹ ਸ਼ਰਮਨਾਕ ਅਤੇ ਦੁੱਖਦ ਹੈ।ਉਹ ਫਿਲਮ ਅਦਾਕਾਰ ਹੋ ਸਕਦੇ ਹਨ , ਮੇਰੇ ਵੀ ਪਸੰਦੀਦਾ ਹਨ ਪਰ ਦੇਸ਼ ਸਾਡੇ ਲਈ ਸਭ ਤੋਂ ਪਹਿਲਾਂ ਹੈ, ਉਨ੍ਹਾਂ ਨੂੰ ਯਾਦ ਰੱਖਣਾ ਚਾਹੀਦਾ ਹੇ ਕਿ ਦੇਸ਼ ਦੀ ਅਸਮਿਤਾ ਦੇ ਮਾਮਲੇ ਵਿੱਚ ਤੁਸੀਂ ਕੋਈ ਲਿਬਰਟੀ ਨਹੀਂ ਲੈ ਸਕਦੇ ਹੋ।ਵਿਵਾਦਾਂ ਵਿੱਚ ਘਿਰੇ ਹੋਏ ਆਮਿਰ ਖਾਨ ਤੇ ਵੀਐਚਪੀ ਨੇ ਸਵਾਲ ਚੁੱਕਦੇ ਹੋਏ ਕਿਹਾ ਕਿ ਕੁੱਝ ਅਦਾਕਾਰ ਨੇਤਾ ਆਪਣੇ ਆਰਥਿਕ ਫਾਇਦੇ ਦੇ ਲਈ ਰਾਸ਼ਟਰੀ ਫਾਈਦੇ ਦਾ ਗਲਾ ਦਬਾ ਦਿੰਦੇ ਹਨ। ਕੁੱਝ ਜਾ ਕੇ ਪਾਕਿਸਤਾਨ ਦੇ ਬਾਜਵਾ ਨਾਲ ਗੱਲੇ ਮਿਲਦੇ ਹਨ ਤਾਂ ਕੁੱਝ ਜਾ ਕੇ ਤੁਰਕੀ ਦੀ ਫਰਸਟ ਲੇਡੀ ਤੋਂ ਉਨ੍ਹਾਂ ਦਾ ਆਸ਼ੀਰਵਾਦ ਹਾਸਿਲ ਕਰਨ ਦੀ ਕੋਸ਼ਿਸ਼ ਕਰਦੇ ਹਨ।
ਵੀਐਚਪੀ ਦੇ ਰਾਸ਼ਟਰੀ ਬੁਲਾਰੇ ਵਿਨੋਦ ਬੰਸਲ ਨੇ ਕਿਹਾ ਕਿ ਇਹ ਤੁਰਕੀ ਉਹ ਹੀ ਹੈ ਜਿਸਨੇ 370 ਹਟਾਉਣ ਦਾ ਵਿਰੋਧ ਕੀਤਾ ਸੀ, ਰਾਮ ਮੰਦਿਰ ਦਾ ਵਰੋਧ ਕੀਤਾ ਸੀ, ਭਾਰਤ ਦੇ ਅੰਦਰ ਦੇ ਮਾਮਲਿਆਂ ਵਿੱਚ ਦਖਲ ਅੰਦਾਜੀ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ ਅਤੇ ਅੰਤਰਰਾਸ਼ਟਰੀ ਪੱਧਰ ਤੇ ਵੀ ਭਾਰਤ ਦਾ ਵਿਰੋਧ ਕੀਤਾ ਸੀ।
ਕੀ ਇਨ੍ਹਾਂ ਦਾ ਹੀ ਆਸ਼ੀਰਵਾਦ ਹੀ ਬਚਿਆ ਸੀ ਤੁਹਾਡੇ ਲਈ? ਆਮਿਰ ਖਾਨ ਹਾਲ ਹੀ ਵਿੱਚ ਆਪਣੀ ਆਉਣ ਵਾਲੀ ਫਿਲਮ ਲਾਲ ਸਿੰਘ ਚੱਢਾ ਦੀ ਸ਼ੂਟਿੰਗ ਦੇ ਲਈ ਭਾਰਤ ਤੋਂ ਤੁਰਕੀ ਗਏ ਹਨ। ਇੱਥੇ ਉਹ ਫਿਲਮ ਦੇ ਅਗਲੇ ਸ਼ਡਿਊਲ ਦੀ ਸ਼ੂਟਿੰਗ ਕਰਨਗੇ ਪਰ ਇਸ ਤੋਂ ਪਹਿਲਾਂ ਹੀ ਉਹ ਵਿਵਾਦਾਂ ਦੇ ਘਿਰੇ ਗਏ ਹਨ। 15 ਅਗਸਤ ਦੀ ਰਾਤ ਤੁਰਕੀ ਦੀ ਫਰਸਟ ਲੇਡੀ ਰਾਸ਼ਟਰਪਤੀ ਰੇਸੇਪ ਏਦਰੋਗਨ ਦੀ ਪਤਨੀ ਐਮੀਨ ਐਦਰੋਗਨ ਨੇ ਟਵਿਟੱਰ ਤੇ ਕਈ ਤਸਵੀਰਾਂ ਸ਼ੇਅਰ ਕੀਤੀਆਂ।
