hema dharmendra esha husband ganesh visarjan:ਅਦਾਕਾਰ ਧਰਮਿੰਦਰ ਨੇ ਗਣੇਸ਼ ਵਿਸਰਜਨ ਦੇ ਮੌਕੇ ‘ਤੇ ਆਪਣੀ ਧੀ ਈਸ਼ਾ ਦਿਓਲ ਦੇ ਘਰ ਨਜ਼ਰ ਆਏ । ਉਨ੍ਹਾਂ ਨੇ ਆਪਣੀ ਧੀ ਦੇ ਘਰ ਇਸ ਤਿਉਹਾਰ ਨੂੰ ਮਨਾਇਆ । ਇਸ ਦੌਰਾਨ ਉਨ੍ਹਾਂ ਦੇ ਨਾਲ ਉਨ੍ਹਾਂ ਦੀ ਪਤਨੀ ਤੇ ਡ੍ਰੀਮ ਗਰਲ ਹੇਮਾ ਮਾਲਿਨੀ ਵੀ ਨਜ਼ਰ ਆਏ । ਚਾਰਾਂ ਦੀਆਂ ਇਨ੍ਹਾਂ ਤਸਵੀਰਾਂ ਨੂੰ ਸੋਸ਼ਲ ਮੀਡੀਆ ‘ਤੇ ਖੂਬ ਪਸੰਦ ਕੀਤਾ ਜਾ ਰਿਹਾ ਹੈ ।ਇਹ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀਆਂ ਹਨ ਅਤੇ ਦੋਵਾਂ ਦੇ ਪ੍ਰਸ਼ੰਸਕਾਂ ਵੱਲੋਂ ਇਨ੍ਹਾਂ ਤਸਵੀਰਾਂ ਨੂੰ ਖੂਬ ਪਸੰਦ ਕੀਤਾ ਜਾ ਰਿਹਾ ਹੈ । ਅਦਾਕਾਰ ਧਰਮਿੰਦਰ ਦੀ ਗੱਲ ਕਰੀਏ ਤਾਂ ਉਹ ਲਾਕਡਾਊਨ ਦੌਰਾਨ ਆਪਣੇ ਫਾਰਮ ਹਾਊਸ ‘ਤੇ ਹੀ ਨਜ਼ਰ ਆਏ ।ਉਹ ਅਕਸਰ ਆਪਣੇ ਫਾਰਮ ਹਾਊਸ ਦੇ ਵੀਡੀਓਜ਼ ਅਤੇ ਤਸਵੀਰਾਂ ਸਾਂਝੇ ਕਰਦੇ ਰਹਿੰਦੇ ਹਨ ।
ਸੋਸ਼ਲ ਮੀਡੀਆ ‘ਤੇ ਐਕਟਿਵ ਰਹਿਣ ਵਾਲੇ ਧਰਮਿੰਦਰ ਅਕਸਰ ਆਪਣੇ ਪ੍ਰਸ਼ੰਸਕਾਂ ਦੇ ਨਾਲ ਆਪਣੇ ਦਿਲ ਦੀਆਂ ਗੱਲਾਂ ਸਾਂਝੀਆਂ ਕਰਦੇ ਵਿਖਾਈ ਦਿੰਦੇ ਹਨ ।ਬੀਤੇ ਦਿਨੀਂ ਉਨ੍ਹਾਂ ਨੇ ਆਪਣੇ ਕੁਝ ਵੀਡੀਓਜ਼ ਸਾਂਝੇ ਕੀਤੇ ਸਨ । ਜਿਸ ‘ਚ ਉਹ ਬੱਤਖਾਂ ਦੇ ਨਾਲ ਮਸਤੀ ਕਰਦੇ ਹੋਏ ਵਿਖਾਈ ਦਿੱਤੇ ਸਨ ।ਇਸਤੋਂ ਪਹਿਲਾ ਉਹ ਇੱਕ ਟਰੈਕਟਰ ਚਲਾਉਦੇ ਹੋਏ ਵੀ ਨਜ਼ਰ ਆਏ ਸਨ।ਈਸ਼ਾ ਦਿਉਲ ਦਾ ਵਿਆਹ ਬਿਜਨੈਂਸਮੈਨ ਭਰਤ ਤਖਤਾਨੀ ਨਾਲ 2012 ਵਿੱਚ ਹੋਇਆ ਸੀ।
ਭਰਤ ਤਖਤਾਨੀ ਅਤੇ ਈਸ਼ਾ ਦਸ ਸਾਲ ਇੱਕ-ਦੂਜੇ ਨੂੰ ਕਾਫੀ ਸਮਾਂ ਡੇਟ ਕਰਦੇ ਰਹੇ ਸਨ।ਭਰਤ ਈਸ਼ਾ ਨੂੰ ਉਦੋਂ ਤੋ ਪਸੰਦ ਕਰਦੇ ਸੀ ਜਦੋਂ ਮਹਿਜ਼ ਉਹ 13 ਸਾਲ ਦੇ ਸਾਲ ਦੇ ਸੀ।ਅਤੇ ਇੱਕ ਵਾਰ ਉਹਨਾਂ ਈਸ਼ਾ ਦਾ ਹੱਥ ਫੜਨ ਦੀ ਕੋਸ਼ਿਸ਼ ਵੀ ਕੀਤੀ ਸੀ।ਜਿਸ ਕਾਰਨ ਈਸ਼ਾ ਨਾਰਾਜ਼ ਹੋ ਗਈ ਤੇ ਆਪਸ ਵਿੱਚ ਬੋਲਣਾ ਬੰਦ ਕਰ ਦਿੱਤਾ।ਅਤੇ ਲਗਭਗ ਦਸ ਸਾਲ ਤੱਕ ਉਹਨਾਂ ਨੇ ਇੱਕ-ਦੂਜੇ ਨਾਲ ਗੱਲ ਨਹੀ ਕੀਤੀ ਸੀ।ਈਸ਼ਾ ਦਿਉਲ ਨੇ ਆਪਣੇ ਫਿਲਮੀ ਸਫਰ ਦੌਰਾਨ ਧੁੂਮ,ਕਾਲ,ਯੁਵਾ,ਨੋ ਐਂਟਰੀ,ਦਸ,ਪਿਆਰੇ ਮੋਹਨ,ਮੈ ਅੇਸਾ ਹੀ ਹੂੰ,ਇਨਸਾਨ,ਚੁਰਾ ਲੀਆ ਹੈ ਤੁਮਨੇ,ਨਾਂ ਤੁਮ ਜਾਨੋ ਨਾ ਹਮ, ਸਮੇਤ ਕਈ ਫਿਲਮਾਂ ਕੀਤੀਆ।ਪਰ ਵਿਆਹ ਦੇ ਬਾਅਦ ਉਸਨੇ ਫਿਲਮੀ ਜੀਵਨ ਨੂੰ ਅਲਵਿਦਾ ਆਖ ਦਿੱਤੀ।ਅਤੇ ਆਪਣੇ ਪਤੀ ਨਾਲ ਬਿਜਨੈਂਸ ਵਿੱਚ ਹੱਥ ਵਟਾਉਣ ਲੱਗੀ।ਰੋਡੀਜ਼ ਐਕਸ 2 (2015) ਦੀ ਗੈਂਗ ਲੀਡਰ ਰਹੀ ਈਸ਼ਾ ਨੇ ਫਿਲਮਫੇਅਰ,ਸਕਰੀਨ ਐਵਾਰਜ਼,ਆਇਫਾ ਐਵਾਰਜ਼ ਵੀ ਪ੍ਰਾਪਤ ਕੀਤੇ ਹਨ।
