shweta bachchan birthday : ਬਾਲੀਵੁੱਡ ਦੇ ਦਿੱਗਜ ਅਭਿਨੇਤਾ ਅਮਿਤਾਭ ਬੱਚਨ ਅਤੇ ਜਯਾ ਬੱਚਨ ਦੀ ਲਾਡਲੀ ਬੇਟੀ ਸ਼ਵੇਤਾ ਬੱਚਨ ਭਾਵੇਂ ਹੀ ਅਦਾਕਾਰੀ ਦੀ ਦੁਨੀਆ ਤੋਂ ਪਰ੍ਹੇ ਹੋ ਗਈ ਹੋਵੇ ਪਰ ਗਲੈਮਰ ਦੀ ਦੁਨੀਆ ਨਾਲ ਉਨ੍ਹਾਂ ਦਾ ਖਾਸ ਸਬੰਧ ਹੈ। ਬੱਚਨ ਪਰਿਵਾਰ ਦੀ ਲਾਡਲੀ ਹੋਣ ਦੇ ਨਾਤੇ ਉਹ ਕਿਸੇ ਨਾ ਕਿਸੇ ਕਾਰਨ ਮੀਡੀਆ ਵਿੱਚ ਛਾਈ ਰਹਿੰਦੀ ਹੈ। ਸ਼ਵੇਤਾ ਬੱਚਨ ਦੇ ਕਈ ਕਰੀਬੀ ਦੋਸਤ ਹਨ ਜੋ ਇਸ ਇੰਡਸਟਰੀ ਦਾ ਅਹਿਮ ਹਿੱਸਾ ਹਨ। ਕਹਿਣ ਨੂੰ ਤਾਂ ਸ਼ਵੇਤਾ ਬੱਚਨ ਇਕ ਡਿਜ਼ਾਈਨਰ ਹੈ ਪਰ ਉਸ ਨੂੰ ਫਿਲਮਾਂ ਦੇਖਣ ਦਾ ਵੀ ਬਹੁਤ ਸ਼ੌਕ ਰਿਹਾ ਹੈ।
ਦਸ ਦੇਈਏ ਕਿ ਸ਼ਵੇਤਾ ਬੱਚਨ ਨੇ ਖੁਦ ਇਕ ਇੰਟਰਵਿਊ ‘ਚ ਕਬੂਲ ਕੀਤਾ ਸੀ ਕਿ ਉਹ ਸਕੂਲ ਦੇ ਸਮੇਂ ਦੌਰਾਨ ਸਲਮਾਨ ਖਾਨ ਨੂੰ ਪਿਆਰ ਕਰਦੀ ਸੀ। ਸ਼ਵੇਤਾ ਬੱਚਨ ਨੇ ਕਰਨ ਜੌਹਰ ਦੇ ਚੈਟ ਸ਼ੋਅ ‘ਕੌਫੀ ਵਿਦ ਕਰਨ’ ‘ਚ ਦੱਸਿਆ ਸੀ ਕਿ ਮੈਂ ਵੀਸੀਆਰ ‘ਤੇ ਫਿਲਮ ‘ਮੈਨੇ ਪਿਆਰ ਕੀਆ’ ਦੇਖੀ ਸੀ। ਮੈਨੂੰ ਉਹ ਫਿਲਮ ਇੰਨੀ ਪਸੰਦ ਆਈ ਕਿ ਅਭਿਸ਼ੇਕ ਮੇਰੇ ਲਈ ਉਸ ਫਿਲਮ ‘ਚ ਪਾਈ ਸਲਮਾਨ ਦੀ ਕੈਪ ਲੈ ਕੇ ਆਏ। ਫਿਲਮ ‘ਚ ਸਲਮਾਨ ਭਾਗਿਆਸ਼੍ਰੀ ਨੂੰ ਉਹੀ ਕੈਪ ਗਿਫਟ ਕਰਦੇ ਨਜ਼ਰ ਆਏ ਸਨ।
ਸ਼ਵੇਤਾ ਬੱਚਨ ਲਈ ਫਿਲਮਾਂ ‘ਚ ਐਂਟਰੀ ਕਰਨਾ ਮੁਸ਼ਕਿਲ ਨਹੀਂ ਸੀ ਪਰ ਉਨ੍ਹਾਂ ਨੇ ਫਿਲਮਾਂ ‘ਚ ਐਂਟਰੀ ਨਹੀਂ ਕੀਤੀ ਅਤੇ ਆਪਣਾ ਕਰੀਅਰ ਬਣਾਇਆ। ਸ਼ਵੇਤਾ ਪੇਸ਼ੇ ਤੋਂ ਪੱਤਰਕਾਰ, ਹੋਸਟ ਅਤੇ ਮਾਡਲ ਰਹੀ ਹੈ। ਸਾਲ 2018 ਵਿੱਚ, ਉਸਨੇ MXS ਨਾਮ ਦਾ ਆਪਣਾ ਫੈਸ਼ਨ ਲੇਬਲ ਵੀ ਲਾਂਚ ਕੀਤਾ। ਇਸ ਤੋਂ ਇਲਾਵਾ ਸ਼ਵੇਤਾ ਇਕ ਜਿਊਲਰੀ ਬ੍ਰਾਂਡ ਦੇ ਵਿਗਿਆਪਨ ‘ਚ ਵੀ ਨਜ਼ਰ ਆ ਚੁੱਕੀ ਹੈ। ਸ਼ਵੇਤਾ ਬੱਚਨ ਨੇ ਬਿਜ਼ਨੈੱਸਮੈਨ ਨਿਖਿਲ ਨੰਦਾ ਨਾਲ ਵਿਆਹ ਕਰਵਾਇਆ। ਨਿਖਿਲ ਰਾਜ ਕਪੂਰ ਦੀ ਬੇਟੀ ਰਿਤੂ ਨੰਦਾ ਦਾ ਬੇਟਾ ਹੈ। ਸ਼ਵੇਤਾ ਅਤੇ ਨਿਖਿਲ ਦੇ ਦੋ ਬੱਚੇ ਹਨ, ਅਗਸਤਿਆ ਅਤੇ ਨਵਿਆ ਨਵੇਲੀ ਨੰਦਾ।
ਇਹ ਵੀ ਦੇਖੋ : ਪਹਿਲੇ ਦਿਨ ਹੀ ਭਗਵੰਤ ਮਾਨ ਦਾ ਵੱਡਾ ਫੈਸਲਾ, ਅੱਜ ਤੱਕ ਕਿਸੇ ਸਰਕਾਰ ਨੇ ਨਹੀਂ ਕੀਤਾ ਇਹ ਕੰਮ ?
