gaurav dixit drugs case: ਡਰੱਗਜ਼ ਮਾਮਲੇ ਵਿੱਚ ਗ੍ਰਿਫਤਾਰ ਕੀਤੇ ਗਏ ਅਦਾਕਾਰ ਗੌਰਵ ਦੀਕਸ਼ਤ ਨੂੰ ਅਦਾਲਤ ਤੋਂ ਜ਼ਮਾਨਤ ਮਿਲ ਗਈ ਹੈ। ਮੁੰਬਈ ਸੈਸ਼ਨ ਕੋਰਟ ਨੇ ਗੌਰਵ ਦੀਕਸ਼ਿਤ ਨੂੰ ਕੁਝ ਸ਼ਰਤਾਂ ‘ਤੇ ਜ਼ਮਾਨਤ ਦੇ ਦਿੱਤੀ ਹੈ।
50,000 ਰੁਪਏ ਦੇ ਨਿੱਜੀ ਮੁਚਲਕੇ ਦਾ ਭੁਗਤਾਨ ਕਰਨ ਤੋਂ ਬਾਅਦ ਉਸਨੂੰ ਜ਼ਮਾਨਤ ‘ਤੇ ਰਿਹਾ ਕਰ ਦਿੱਤਾ ਜਾਵੇਗਾ। ਅਦਾਲਤ ਨੇ ਕਿਹਾ ਕਿ ਇਸ ਮਾਮਲੇ ਵਿੱਚ ਚਾਰਜਸ਼ੀਟ ਦਾਖਲ ਹੋਣ ਤੱਕ ਗੌਰਵ ਦੀਕਸ਼ਿਤ ਨੂੰ ਸੋਮਵਾਰ, ਬੁੱਧਵਾਰ ਅਤੇ ਸ਼ੁੱਕਰਵਾਰ ਨੂੰ ਸਵੇਰੇ 11 ਵਜੇ ਤੋਂ ਸ਼ਾਮ 4 ਵਜੇ ਤੱਕ ਐਨਸੀਬੀ ਦਫਤਰ ਵਿੱਚ ਰਿਪੋਰਟ ਦੇਣੀ ਹੋਵੇਗੀ ਅਤੇ ਆਪਣਾ ਪਾਸਪੋਰਟ ਜਾਂਚ ਅਧਿਕਾਰੀ ਨੂੰ ਜਮ੍ਹਾਂ ਕਰਵਾਉਣਾ ਹੋਵੇਗਾ।
ਗੌਰਵ ਦੀਕਸ਼ਤ ਅਦਾਲਤ ਦੀ ਇਜਾਜ਼ਤ ਤੋਂ ਬਿਨਾਂ ਮੁੰਬਈ ਨਹੀਂ ਛੱਡ ਸਕਦਾ। ਗੌਰਵ ਦੀਕਸ਼ਿਤ ਨੂੰ ਐਨਸੀਬੀ ਨੇ ਅਦਾਕਾਰ ਏਜਾਜ਼ ਖਾਨ ਦੁਆਰਾ ਡਰੱਗ ਮਾਮਲੇ ਵਿੱਚ ਦਿੱਤੀ ਗਈ ਜਾਣਕਾਰੀ ਦੇ ਆਧਾਰ ਉੱਤੇ 27 ਅਗਸਤ ਨੂੰ ਗ੍ਰਿਫਤਾਰ ਕੀਤਾ ਸੀ।
ਦੱਸ ਦਈਏ ਕਿ ਐਨਸੀਬੀ ਨੇ ਗੌਰਵ ਦੀਕਸ਼ਿਤ ਦੇ ਘਰ ਤੋਂ ਐਮਡੀ ਅਤੇ ਚਰਸ ਬਰਾਮਦ ਕੀਤੇ ਸਨ ਜਿਸਦੇ ਬਾਅਦ ਉਸਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਸੀ। ਗੌਰਵ ਦੀਕਸ਼ਿਤ ਇੱਕ ਟੀਵੀ ਕਲਾਕਾਰ ਹੈ ਅਤੇ ਉਸਨੇ ਫਿਲਮਾਂ ਵਿੱਚ ਛੋਟੀਆਂ ਭੂਮਿਕਾਵਾਂ ਨਿਭਾਈਆਂ ਹਨ।
ਗੌਰਵ ਨੇ ‘ਦਿ ਮੈਜਿਕ ਆਫ ਸਿਨੇਮਾ’, ਦਾਹੇਕ: ਦਿ ਰੈਸਟਲਸ ਮਾਈਂਡ ਅਤੇ ਬੌਬੀ: ਲਵ ਐਂਡ ਲਸਟ ਵਰਗੀਆਂ ਫਿਲਮਾਂ ‘ਚ ਕੰਮ ਕੀਤਾ ਹੈ। ਗੌਰਵ ਨੇ ਸੀਤਾ-ਗੀਤਾ ਵਰਗੇ ਟੀਵੀ ਸੀਰੀਅਲਾਂ ਵਿੱਚ ਕੰਮ ਕੀਤਾ ਹੈ। ਛਾਪੇਮਾਰੀ ਦੌਰਾਨ, ਐਨਸੀਬੀ ਨੇ ਉਸ ਦੇ ਘਰ ਤੋਂ ਐਮਡੀ, ਐਮਡੀਏਏ ਅਤੇ ਹੋਰ ਬਹੁਤ ਸਾਰੇ ਨਸ਼ੀਲੇ ਪਦਾਰਥ ਬਰਾਮਦ ਕੀਤੇ ਸਨ।
