Pakistani singer support Farmers : ਕਿਸਾਨ ਅੰਦੋਲਨ ਦੇ ਚਰਚੇ ਹਰ ਪਾਸੇ ਹੋ ਰਹੇ ਹਨ, ਇੱਥਂੋ ਤੱਕ ਕਿ ਗਵਾਂਢੀ ਮੁਲਕ ਪਾਕਿਸਤਾਨ ਵਿੱਚ ਵੀ ਕਿਸਾਨਾਂ ਦੇ ਮੁੱਦੇ ‘ਤੇ ਗੱਲ ਬਾਤ ਹੋ ਰਹੀ ਹੈ । ਪਾਕਿਸਤਾਨ ਦੇ ਇੱਕ ਗਾਇਕ ਨੇ ਇਸ ਅੰਦੋਲਨ ਨੂੰ ਲੈ ਕੇ ਇੱਕ ਗੀਤ ਗਾਇਆ ਹੈ ਜਿਹੜਾ ਕਿ ਏਨੀਂ ਦਿਨੀਂ ਖੂਬ ਵਾਇਰਲ ਹੋ ਰਿਹਾ ਹੈ ।
ਇਹ ਗੀਤ ਪਾਕਿਸਤਾਨੀ ਗਾਇਕ ਜਵਾਦ ਅਹਿਮਦ ਨੇ ਗਾਇਆ ਹੈ । ਇਸ ਗੀਤ ਨੂੰ ‘ਉੱਠ ਉਤਾਂਹ ਨੂੰ ਕਿਸਾਨਾਂ, ਹੁਣ ਤੂੰ ਜੀਣਾਂ ਐਂ’ ਟਾਈਟਲ ਹੇਠ ਰਿਲੀਜ਼ ਕੀਤਾ ਗਿਆ ਹੈ । ਇਸ ਗੀਤ ਨੂੰ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ । ਲੋਕ ਇਸ ਨੂੰ ਗੀਤ ਨੂੰ ਲਗਾਤਾਰ ਸ਼ੇਅਰ ਕਰ ਰਹੇ ਹਨ ।
ਇਸ ਗੀਤ ਨੂੰ ਲੈ ਕੇ ਪਾਕਿਸਤਾਨੀ ਗਾਇਕ ਦਾ ਕਹਿਣਾ ਹੈ ਕਿ ਉਸ ਨੇ ਇਹ ਗੀਤ ਕਿਸਾਨਾਂ ਦੇ ਹਲਾਤ ਨੂੰ ਦੇਖ ਕੇ ਗਾਇਆ ਹੈ । ਕਿਸਾਨਾਂ ਦਾ ਬੁਰਾ ਹਾਲ ਭਾਰਤ ਵਿੱਚ ਹੀ ਨਹੀਂ ਬਲਕਿ ਉਹਨਾਂ ਦੇ ਦੇਸ਼ ਵਿੱਚ ਵੀ ਹੈ । ਇਸ ਗੀਤ ਨੂੰ ਦਰਸ਼ਕਾਂ ਦੇ ਵਲੋਂ ਕਾਫ਼ੀ ਪਸੰਦ ਕੀਤਾ ਜਾ ਰਿਹਾ ਹੈ ਤੇ ਹਰ ਪਾਸੇ ਇਸ ਦੀ ਚਰਚਾ ਹੋ ਰਹੀ ਹੈ। ਭਾਰਤ ਵਿੱਚ ਵੀ ਬਹੁਤ ਸਾਰੇ ਵਰਗ ਕਿਸਾਨਾਂ ਦੇ ਨਾਲ ਆ ਖੜੇ ਹਨ ਤੇ ਬਹੁਤ ਵਰਗ ਉਹਨਾਂ ਦੇ ਇਸ ਅੰਦੋਲਨ ਦਾ ਵਿਰੋਧ ਵੀ ਕਰ ਰਹੇ ਹਨ।
