Prithiviraj Makhmali Song Teaser: ਅਕਸ਼ੈ ਕੁਮਾਰ ਦੀ ਆਉਣ ਵਾਲੀ ਫਿਲਮ ‘ਪ੍ਰਿਥਵੀਰਾਜ’ ਰਿਲੀਜ਼ ਲਈ ਤਿਆਰ ਹੈ। ਇਸ ਦੌਰਾਨ, ਇਸ ਦੇ ਨਿਰਮਾਤਾ ਅਤੇ ਕਲਾਕਾਰ ਸਮੇਂ-ਸਮੇਂ ‘ਤੇ ਫਿਲਮ ਦੀਆਂ ਪੋਸਟਾਂ, ਗੀਤ ਅਤੇ ਉਨ੍ਹਾਂ ਦੇ ਟੀਜ਼ਰ ਜਾਰੀ ਕਰ ਰਹੇ ਹਨ।
ਉਨ੍ਹਾਂ ਨੂੰ ਦੇਖਣ ਤੋਂ ਬਾਅਦ ਦਰਸ਼ਕਾਂ ‘ਚ ਫਿਲਮ ਨੂੰ ਲੈ ਕੇ ਉਤਸੁਕਤਾ ਵਧਦੀ ਜਾ ਰਹੀ ਹੈ। ਇਸ ਦੌਰਾਨ ਫਿਲਮ ‘ਚ ਮੁੱਖ ਭੂਮਿਕਾ ਨਿਭਾਅ ਰਹੇ ਅਕਸ਼ੈ ਕੁਮਾਰ ਨੇ ਇਕ ਹੋਰ ਗੀਤ ਦਾ ਟੀਜ਼ਰ ਸ਼ੇਅਰ ਕੀਤਾ ਹੈ। ਇਸ ਗੀਤ ਦਾ ਨਾਂ ‘ਮਖਮਲੀ’ ਹੈ। ਇਹ ਫਿਲਮ ਦਾ ਰੋਮਾਂਟਿਕ ਗੀਤ ਹੈ। ਟੀਜ਼ਰ ‘ਚ ਇਹ ਗੀਤ ਕਾਫੀ ਪਿਆਰਾ ਲੱਗ ਰਿਹਾ ਹੈ। ਹਾਲਾਂਕਿ ਅਕਸ਼ੇ ਕੁਮਾਰ ਨੇ ‘ਮਖਮਲੀ’ ਦੇ ਇਸ ਟੀਜ਼ਰ ਨੂੰ ਸ਼ੇਅਰ ਕਰਦੇ ਹੋਏ ਦੱਸਿਆ ਕਿ ਪੂਰਾ ਗੀਤ ਸਿਨੇਮਾਘਰਾਂ ‘ਚ ਹੀ ਦੇਖਿਆ ਜਾ ਸਕੇਗਾ। ਟੀਜ਼ਰ ਨੂੰ ਸ਼ੇਅਰ ਕਰਦੇ ਹੋਏ ਅਕਸ਼ੇ ਕੁਮਾਰ ਨੇ ਲਿਖਿਆ, ”ਸਤਿਕਾਰ ਅਤੇ ਸ਼ਰਧਾ ਦੇ ਵਾਅਦਿਆਂ ਨਾਲ। ਹੁਣੇ ‘ਮਖਮਲੀ’ ਗੀਤ ਦੇ ਟੀਜ਼ਰ ਦਾ ਅਨੁਭਵ ਕਰੋ ਅਤੇ ਪੂਰਾ ਗੀਤ ਸਿਰਫ਼ ਸਿਨੇਮਾਘਰਾਂ ਵਿੱਚ ਹੀ ਦੇਖੋ! ਫਿਲਮ ਹਿੰਦੀ, ਤਾਮਿਲ ਅਤੇ ਤੇਲਗੂ ਵਿੱਚ ਰਿਲੀਜ਼ ਹੋ ਰਹੀ ਹੈ। ਪ੍ਰਿਥਵੀਰਾਜ ਨੂੰ 3 ਜੂਨ ਨੂੰ ਆਪਣੇ ਨਜ਼ਦੀਕੀ ਸਿਨੇਮਾਘਰਾਂ ਵਿੱਚ ਦੇਖੋ।”
‘ਮਖਮਲੀ’ ਦੇ ਟੀਜ਼ਰ ਦੀ ਗੱਲ ਕਰੀਏ ਤਾਂ ਇਸ ਦੀ ਸ਼ੁਰੂਆਤ ਪ੍ਰਿਥਵੀਰਾਜ ਅਤੇ ਸੰਯੁਕਤਾ ਦੇ ਵਿਆਹ ਤੋਂ ਹੁੰਦੀ ਹੈ। ਫਿਲਮ ‘ਚ ਅਕਸ਼ੈ ਕੁਮਾਰ ਨੇ ਸਮਰਾਟ ਪ੍ਰਿਥਵੀਰਾਜ ਚੌਹਾਨ ਦੀ ਭੂਮਿਕਾ ਨਿਭਾਈ ਹੈ, ਜਦਕਿ ਮਾਨੁਸ਼ੀ ਛਿੱਲਰ ਰਾਜਕੁਮਾਰੀ ਸੰਯੁਕਤਾ ਦੀ ਭੂਮਿਕਾ ‘ਚ ਹੈ। ਮਾਨੁਸ਼ੀ ਇਸ ਫਿਲਮ ਨਾਲ ਆਪਣਾ ਬਾਲੀਵੁੱਡ ਡੈਬਿਊ ਕਰ ਰਹੀ ਹੈ। ਟੀਜ਼ਰ ‘ਚ ਅਕਸ਼ੇ ਅਤੇ ਮਾਨੁਸ਼ੀ ਵਿਚਾਲੇ ਰੋਮਾਂਟਿਕ ਕੈਮਿਸਟਰੀ ਦੇਖਣ ਨੂੰ ਮਿਲ ਰਹੀ ਹੈ। ਗੀਤ ਦੀ ਤਸਵੀਰ ਕਮਾਲ ਦੀ ਹੈ। ‘ਮਖਮਲੀ’ ਗੀਤ ਦਾ ਸੰਗੀਤ ਸ਼ੰਕਰ ਅਹਿਸਾਨ ਲੋਏ ਨੇ ਦਿੱਤਾ ਹੈ। ਜਦਕਿ ਇਸ ਦੇ ਬੋਲ ਵਰੁਣ ਗਰੋਵਰ ਨੇ ਲਿਖੇ ਹਨ। ਇਸ ਦੇ ਨਾਲ ਹੀ ਇਸ ਰੋਮਾਂਟਿਕ ਗੀਤ ਨੂੰ ਅਰਿਜੀਤ ਸਿੰਘ ਅਤੇ ਸ਼੍ਰੇਆ ਘੋਸ਼ਾਲ ਨੇ ਗਾਇਆ ਹੈ।
