Ram Siya Ram Song: ਫਿਲਮ ਆਦਿਪੁਰਸ਼ ਦਾ ਬਹੁਤ ਹੀ ਉਡੀਕਿਆ ਜਾ ਰਿਹਾ ਗੀਤ ‘ਰਾਮ ਸੀਯਾ ਰਾਮ’ ਰਿਲੀਜ਼ ਹੋ ਗਿਆ ਹੈ। ਹਿੰਦੀ, ਤੇਲਗੂ, ਤਾਮਿਲ, ਮਲਿਆਲਮ ਅਤੇ ਕੰਨੜ ‘ਚ ਲਾਂਚ ਹੋਣ ਵਾਲਾ ‘ਜੈ ਸ਼੍ਰੀ ਰਾਮ’ ਤੋਂ ਬਾਅਦ ਫਿਲਮ ਦਾ ਇਹ ਦੂਜਾ ਗੀਤ ਹੈ। ਇਹ ਗੀਤ ਸਾਚੇਤ-ਪਰੰਪਰਾ ਦੁਆਰਾ ਗਾਇਆ ਅਤੇ ਕੰਪੋਜ਼ ਕੀਤਾ ਗਿਆ ਹੈ। ਜਦਕਿ ਗੀਤ ਦੇ ਬੋਲ ਮਨੋਜ ਮੁੰਤਸ਼ੀਰ ਨੇ ਲਿਖੇ ਹਨ। ਗੀਤ ਨੂੰ ਰਾਮ ਸਿਆ ਰਾਮ ਭਜਨ ਦੀ ਧੁਨ ‘ਤੇ ਰੀਕ੍ਰਿਏਟ ਕੀਤਾ ਗਿਆ ਹੈ।
ਫਿਲਮ ‘ਚ ਪ੍ਰਭਾਸ ਰਾਮ ਦਾ ਕਿਰਦਾਰ ਨਿਭਾਅ ਰਹੇ ਹਨ ਜਦਕਿ ਕ੍ਰਿਤੀ ਸੈਨਨ ਸੀਤਾ ਦਾ ਕਿਰਦਾਰ ਨਿਭਾਅ ਰਹੀ ਹੈ। ਗੀਤ ਦੇ ਸ਼ੁਰੂ ਵਿਚ ਰਾਮ ਸੀਤਾ ਨੂੰ ਦੱਸਦਾ ਹੈ ਕਿ ਉਹ ਰਾਜਕੁਮਾਰੀ ਹੈ ਅਤੇ ਉਸ ਦਾ ਟਿਕਾਣਾ ਮਹਿਲਾਂ ਵਿਚ ਹੈ। ਇਸ ਦੇ ਜਵਾਬ ਵਿੱਚ ਸੀਤਾ ਕਹਿੰਦੀ ਹੈ ਕਿ ਉਸਦਾ ਮਹਿਲ ਉਹੀ ਹੈ ਜਿੱਥੇ ਰਾਘਵ ਹੈ। ਸੀਤਾ ਦੇ ਅਗਵਾ ਤੋਂ ਦੁਖੀ ਹੋ ਕੇ ਰਾਮ ਸੀਤਾ ਦੀ ਭਾਲ ਵਿਚ ਨਿਕਲ ਪਿਆ। ਇਸ ਦੌਰਾਨ ਸੀਤਾ ਰਾਮ ਦੇ ਆਉਣ ਦੀ ਉਡੀਕ ਕਰ ਰਹੀ ਹੈ। ਵੀਡੀਓ ‘ਚ ਹਨੂੰਮਾਨ ਵੀ ਸੀਤਾ ਨੂੰ ਰਾਮ ਦੀ ਅੰਗੂਠੀ ਦਿੰਦੇ ਨਜ਼ਰ ਆ ਰਹੇ ਹਨ। ਇਸ ਗੀਤ ‘ਚ ਲੰਕੇਸ਼ ਦਾ ਕਿਰਦਾਰ ਨਿਭਾ ਰਹੇ ਸੈਫ ਅਲੀ ਖਾਨ ਨਜ਼ਰ ਨਹੀਂ ਆ ਰਹੇ ਹਨ। ਪ੍ਰਭਾਸ ਨੇ ਵੀ ਸੋਸ਼ਲ ਮੀਡੀਆ ‘ਤੇ ਗੀਤ ਦੇ ਰਿਲੀਜ਼ ਹੋਣ ਦੀ ਜਾਣਕਾਰੀ ਦਿੱਤੀ ਹੈ। ਉਸਨੇ ਟਵੀਟ ਕੀਤਾ – ਆਦਿਪੁਰਸ਼ ਦੀ ਰੂਹ – ਰਾਮ ਸੀਯਾ ਰਾਮ ਹਿੰਦੀ, ਤੇਲਗੂ, ਤਾਮਿਲ, ਮਲਿਆਲਮ ਅਤੇ ਕੰਨੜ ਵਿੱਚ ਰਿਲੀਜ਼ ਹੋ ਗਿਆ ਹੈ। ਇਸ ਗੀਤ ਤੋਂ ਬਾਅਦ ਇਕ ਵਾਰ ਫਿਰ ਫਿਲਮ ‘ਚ VFX ਦੀ ਵਰਤੋਂ ਚਰਚਾ ਦਾ ਵਿਸ਼ਾ ਬਣ ਗਈ ਹੈ।
ਸੋਸ਼ਲ ਮੀਡੀਆ ‘ਤੇ ਲੋਕ ਗੀਤ ‘ਚ VFX ਦੀ ਵਰਤੋਂ ਦੀ ਤਾਰੀਫ ਕਰ ਰਹੇ ਹਨ। ਇਸ ਦੇ ਨਾਲ ਹੀ ਗੀਤ ‘ਚ ਸੀਤਾ ਤੋਂ ਵਿਛੋੜੇ ਦੇ ਦੁੱਖ ‘ਚ ਪ੍ਰਭਾਸ ਵੱਲੋਂ ਦਿੱਤੇ ਗਏ ਐਕਸਪ੍ਰੈਸ ਦੀ ਵੀ ਤਾਰੀਫ ਹੋ ਰਹੀ ਹੈ। ਗੀਤ ਨੂੰ ਔਨਲਾਈਨ ਮਿਊਜ਼ਿਕ ਸਟ੍ਰੀਮਿੰਗ ਪਲੇਟਫਾਰਮਾਂ ਦੇ ਨਾਲ-ਨਾਲ ਮੂਵੀ ਥਿਏਟਰਾਂ ਵਿੱਚ ਲਾਈਵ ਸਟ੍ਰੀਮ ਕੀਤਾ ਜਾ ਰਿਹਾ ਹੈ। ਯੂਟਿਊਬ ‘ਤੇ ਇਸ ਦੇ ਰਿਲੀਜ਼ ਹੋਣ ਦੇ 10 ਮਿੰਟਾਂ ਦੇ ਅੰਦਰ ਹੀ ਕਰੀਬ 1 ਲੱਖ ਲੋਕਾਂ ਨੇ ਇਸ ਵੀਡੀਓ ਨੂੰ ਪਸੰਦ ਕੀਤਾ ਹੈ। ਫਿਲਮ ਦੇ ਨਿਰਦੇਸ਼ਕ ਓਮ ਰਾਉਤ ਹਨ। ਇਹ ਫਿਲਮ 16 ਜੂਨ ਨੂੰ ਬਾਕਸ ਆਫਿਸ ‘ਤੇ ਰਿਲੀਜ਼ ਹੋਵੇਗੀ।
