Satyajit ray award announced: ਪੱਛਮੀ ਬੰਗਾਲ ਵਿਚ ਕੁਝ ਮਹੀਨਿਆਂ ਵਿਚ ਵਿਧਾਨ ਸਭਾ ਚੋਣਾਂ ਹੋਣੀਆਂ ਹਨ। ਇਸ ਦੌਰਾਨ, ਸੂਚਨਾ ਅਤੇ ਪ੍ਰਸਾਰਣ ਮੰਤਰੀ ਪ੍ਰਕਾਸ਼ ਜਾਵਡੇਕਰ ਨੇ ਫਿਲਮ ਨਿਰਮਾਤਾ ਸੱਤਿਆਜੀਤ ਰੇ ਦੇ ਨਾਮ ਤੇ ਇੱਕ ਰਾਸ਼ਟਰੀ ਪੱਧਰੀ ਫਿਲਮ ਅਵਾਰਡ ਦੀ ਘੋਸ਼ਣਾ ਕੀਤੀ। ਜਾਵਡੇਕਰ ਨੇ ਇਹ ਐਲਾਨ ਕੋਲਕਾਤਾ ਵਿੱਚ ਨੈਸ਼ਨਲ ਫਿਲਮ ਡਿਵਲਪਮੈਂਟ ਕਾਰਪੋਰੇਸ਼ਨ ਦੁਆਰਾ ਆਯੋਜਿਤ ਇੱਕ ਸਮਾਗਮ ਵਿੱਚ ਕੀਤਾ। ਇਸ ਪ੍ਰੋਗਰਾਮ ਵਿਚ ਕੇਂਦਰੀ ਮੰਤਰੀ ਜਾਵਡੇਕਰ ਨੇ ਪੱਛਮੀ ਬੰਗਾਲ ਦੇ ਪ੍ਰਮੁੱਖ ਅਦਾਕਾਰਾਂ ਅਤੇ ਨਿਰਦੇਸ਼ਕਾਂ ਨਾਲ ਗੱਲਬਾਤ ਕੀਤੀ।
ਇਸ ਸਮਾਰੋਹ ਵਿਚ ਮੌਜੂਦ ਸੀਨੀਅਰ ਅਦਾਕਾਰਾ ਅਤੇ ਭਾਜਪਾ ਨੇਤਾ ਰੂਪਾ ਗਾਂਗੁਲੀ ਨੇ ਕਿਹਾ ਕਿ ਇਹ ਬਹੁਤ ਵਧੀਆ ਗੱਲ ਹੈ ਕਿ ਸੱਤਿਆਜੀਤ ਰੇ ਦੇ ਨਾਮ ਤੇ ਇਕ ਅਵਾਰਡ ਲਗਾਇਆ ਜਾ ਰਿਹਾ ਹੈ। ਇਸ ਦੀ ਯੋਜਨਾ ਲੰਬੇ ਸਮੇਂ ਤੋਂ ਚਲ ਰਹੀ ਹੈ।
ਹਾਲਾਂਕਿ, ‘ਸੱਤਿਆਜੀਤ ਰੇ ਐਵਾਰਡ’ ‘ਤੇ ਅਜੇ ਜ਼ਿਆਦਾ ਜਾਣਕਾਰੀ ਨਹੀਂ ਮਿਲ ਸਕੀ ਹੈ। ਇਸ ਦੇ ਨਾਲ ਹੀ ਨਿਰਦੇਸ਼ਕ ਅਰਿੰਦਮ ਸਿਲ ਨੇ ਕਿਹਾ ਕਿ ਕੇਂਦਰੀ ਮੰਤਰੀ ਨਾਲ ਬੰਗਾਲੀ ਫਿਲਮ ਉਦਯੋਗ ਨੂੰ ਵਿਕਸਤ ਕਰਨ ਬਾਰੇ ਵਿਚਾਰ ਵਟਾਂਦਰੇ ਹੋਏ। ਇਸ ਸਮਾਰੋਹ ਵਿੱਚ ਅਦਾਕਾਰਾ ਪਾਓਲੀ ਡੈਮ, ਅਬੀਰ ਚਟੋਪਾਧਿਆਏ, ਰਿਤੂਪਰਨਾ ਸੇਨਗੁਪਤਾ, ਨਿਰਦੇਸ਼ਕ ਗੌਤਮ ਘੋਸ਼, ਕਲਾਸੀਕਲ ਗਾਇਕ ਰਾਸ਼ਿਦ ਖਾਨ, ਗਾਇਕ-ਕੇਂਦਰੀ ਮੰਤਰੀ ਬਾਬੁਲ ਸੁਪਰੀਯੋ ਅਤੇ ਹੋਰ ਪਤਵੰਤੇ ਹਾਜ਼ਿਰ ਸਨ।
