ਕਾਲੀ-ਕਾਲੀ ਖੱਟੀ-ਮਿੱਠੀ ਜਾਮੁਨ ਨਾ ਸਿਰਫ ਖਾਣ ਵਿਚ ਬਹੁਤ ਸੁਆਦੀ ਲੱਗਦੀ ਹੈ ਸਗੋਂ ਆਪਣੀ ਔਸ਼ਧੀ ਗੁਣਾਂ ਦੀ ਵਜ੍ਹਾ ਨਾਲ ਸਿਹਤ ਨੂੰ ਵੀ ਬਹੁਤ ਫਾਇਦੇ ਦਿੰਦੀ ਹੈ। ਸ਼ੂਗਰ ਰੋਗੀਆਂ ਲਈ ਤਾਂ ਇਸ ਦਾ ਸੇਵਨ ਵਰਦਾਨ ਮੰਨਿਆ ਜਾਂਦਾ ਹੈ। ਜਾਮੁਨ ਵਿਚ ਮੌਜੂਦ ਐਂਟੀ ਆਕਸੀਡੈਂਟਸ ਸਕਿਨ ਵਿਚ ਕੋਲੇਜਨ ਬੂਸਟ ਕਰਕੇ ਉਸ ਨੂੰ ਗਲੋਇੰਗ ਬਣੇ ਰਹਿਣ ਵਿਚ ਮਦਦ ਕਰਦੇ ਹਨ। ਭਾਰ ਘਟਾਉਣ ਲਈ ਵੀ ਜਾਮੁਨ ਨੂੰ ਬੇਹਤਰੀਨ ਬਦਲ ਮੰਨਿਆ ਜਾਂਦਾ ਹੈ। ਸਿਹਤ ਲਈ ਜਾਮੁਨ ਦੇ ਅਣਗਿਣਤ ਫਾਇਦੇ ਹੁੰਦੇ ਹੋਏ ਵੀ ਕੀ ਤੁਸੀਂ ਜਾਣਦੇ ਹੋ ਜੇਕਰ ਇਸ ਦਾ ਸੇਵਨ ਸਹੀ ਤਰੀਕੇ ਨਾਲ ਨਹੀਂ ਕੀਤਾ ਜਾਂਦਾ ਤਾਂ ਇਹ ਫਾਇਦੇ ਦੀ ਜਗ੍ਹਾ ਨੁਕਸਾਨ ਪਹੁੰਚਾਉਣ ਲੱਗਾਦ ਹੈ।
ਜਾਮੁਨ ਦਾ ਸੇਵਨ ਹਰ ਚੀਜ਼ ਨਾਲ ਨਹੀਂ ਕੀਤਾ ਜਾ ਸਕਦਾ ਹੈ। ਜਾਮੁਨ ਨਾਲ ਕੁਝ ਚੀਜ਼ਾਂ ਨੂੰ ਖਾਣੇ ਦਾ ਪਰਹੇਜ਼ ਦੱਸਿਆ ਗਿਆ ਹੈ। ਆਓ ਜਾਣਦੇ ਹਾਂ ਕਿ ਕਿਹੜੀਆਂ ਚੀਜ਼ਾਂ ਨਾਲ ਜਾਮੁਨ ਦਾ ਸੇਵਨ ਸਿਹਤ ਲਈ ਜ਼ਹਿਰ ਦਾ ਕੰਮ ਕਰਦਾ ਹੈ।
ਡੇਅਰੀ ਪ੍ਰੋਡਕਟਸ
ਜਾਮੁਨ ਖਾਣ ਦੇ ਤੁਰੰਤ ਬਾਅਦ ਦੁੱਧ ਜਾਂ ਕਿਸੇ ਵੀ ਡੇਅਰੀ ਪ੍ਰੋਡਕਟ ਦਾ ਸੇਵਨ ਕਰਨ ਦੀ ਮਨਾਹੀ ਹੁੰਦੀ ਹੈ। ਅਜਿਹਾ ਕਰਨ ਨਾਲ ਵਿਅਕਤੀ ਦੇ ਪਾਚਣ ਤੰਤਰ ‘ਤੇ ਦਬਾਅ ਪੈਂਦਾ ਹੈ ਜਿਸ ਨਾਲ ਪਾਚਣ ਕਿਰਿਆ ਸਲੋਅ ਹੋ ਜਾਂਦਾ ਹੈ। ਨਤੀਜੇ ਵਜੋਂ ਵਿਅਕਤੀ ਨੂੰ ਗੈਸ, ਕਬਜ਼ ਤੇ ਪੇਟ ਵਿਚ ਦਰਦ ਦੀ ਸਮੱਸਿਆ ਹੋ ਸਕਦੀ ਹੈ।
ਜਾਮੁਨ ਤੇ ਅਚਾਰ
ਜਾਮੁਨ ਦੇ ਨਾਲ ਕੋਈ ਵੀ ਅਚਾਰ ਨਹੀਂ ਖਾਣਾ ਚਾਹੀਦਾ। ਅਜਿਹਾ ਕਰਨ ਨਾਲ ਵਿਅਕਤੀ ਦੇ ਪੇਟ ਵਿਚ ਐਸਿਡ ਵੱਧ ਸਕਦਾ ਹੈ ਜਿਸ ਨਾਲ ਵਿਅਕਤੀ ਨੂੰ ਉਲਟੀ, ਚੱਕਰ ਆਉਣਾ ਤੇ ਪੇਟ ਨਾਲ ਜੁੜੀਆਂ ਸਮੱਸਿਆਵਾਂ ਕਰ ਸਕਦੀਆਂ ਹਨ। ਜਾਮੁਨ ਦਾ ਸੇਵਨ ਕਰਨ ਦੇ ਘੱਟੋ-ਘੱਟ ਇਕ ਘੰਟੇ ਤੱਕ ਅਚਾਰ ਦਾ ਸੇਵਨ ਕਰਨ ਤੋਂ ਬਚੋ।
ਮਠਿਆਈ
ਜਾਮੁਨ ਖਾਣ ਦੇ ਤੁਰੰਤ ਬਾਅਦ ਮਠਿਆਈ ਖਾਣ ਨਾਲ ਭਾਰੀਪਨ, ਬਲੋਟਿੰਗ ਜਾਂ ਕਬਜ਼ ਦੀ ਸਮੱਸਿਆ ਹੋ ਸਕਦੀ ਹੈ।
ਜਾਮੁਨ ਤੇ ਹਲਦੀ
ਜਾਮੁਨ ਖਾਣ ਦੇ ਬਾਅਦ ਘੱਟੋ-ਘੱਟ ਇਕ ਘੰਟੇ ਤੱਕ ਹਲਦੀ ਵਾਲੀਆਂ ਚੀਜ਼ਾਂ ਖਾਣ ਤੋਂ ਵੀ ਪਰਹੇਜ਼ ਕਰਨਾ ਚਾਹੀਦਾ। ਇਨ੍ਹਾਂ ਦੋਵਾਂ ਚੀਜ਼ਾਂ ਦਾ ਇਕੱਠੇ ਸੇਵਨ ਨੂੰ ਨੁਕਸਾਨ ਪਹੁੰਚਾ ਸਕਦਾ ਹੈ। ਇਨ੍ਹਾਂ ਨੂੰ ਇਕੱਠੇ ਖਾਣ ਨਾਲ ਪੇਟ ਵਿਚ ਦਰਦ, ਜਲਨ, ਕਬਜ਼ ਤੇ ਐਸੀਡਿਟੀ ਹੋ ਸਕਦੀ ਹੈ।
ਜਾਮੁਨ ਦੇ ਬਾਅਦ ਪਾਣੀ ਪੀਣਾ
ਆਯੁਰਵੇਦ ਵਿਚ ਕਈ ਅਜਿਹੇ ਫਲਾਂ ਦਾ ਜ਼ਿਕਰ ਕੀਤਾ ਗਿਆ ਹੈ, ਜਿਸ ਨਾਲ ਪਾਣੀ ਪੀਣਾ ਮਨ੍ਹਾ ਕੀਤਾ ਗਿਆ ਹੈ। ਅਜਿਹੇ ਹੀ ਫਲਾਂ ਵਿਚ ਜਾਮੁਨ ਦਾ ਵੀ ਨਾਂ ਸ਼ਾਮਲ ਹੈ। ਜਾਮੁਨ ਖਾਣੇ ਦੇ ਬਾਅਦ ਪਾਣੀ ਪੀਣ ਨਾਲ ਡਾਇਰੀਆ ਜਾਂ ਕਬਜ਼ ਵਰਗੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ। ਜਾਮੁਨ ਖਾਣੇ ਦੇ ਲਗਭਗ ਅੱਧੇ ਘੰਟੇ ਤੱਕ ਪਾਣੀ ਨਹੀਂ ਪੀਣਾ ਚਾਹੀਦਾ ਹੈ।
ਜਾਮੁਨ ਖਾਣ ਦਾ ਸਹੀ ਤੇ ਗਲਤ ਸਮਾਂ
ਸਿਹਤ ਲਈ ਜਾਮੁਨ ਦੇ ਫਾਇਦੇ ਲੈਣ ਲਈ ਉਸ ਦੇ ਖਾਣੇ ਦੇ ਸਮੇਂ ਦਾ ਵੀ ਖਾਸ ਧਿਆਨ ਰੱਖਣਾ ਚਾਹੀਦਾ ਹੈ। ਜਾਮੁਨ ਦਾ ਸੇਵਨ ਦੁਪਹਿਰ ਜਾਂ ਸ਼ਾਮ ਨੂੰ ਕੀਤਾ ਜਾ ਸਕਦਾ ਹੈ ਪਰ ਸਵੇਰੇ ਖਾਲੀ ਪੇਟ ਇਸ ਦਾ ਸੇਵਨ ਸਿਹਤ ਨੂੰ ਨੁਕਸਾਨ ਪਹੁੰਚਾ ਸਕਦਾ ਹੈ। ਅਜਿਹਾ ਕਰਨ ਨਾਲ ਪੇਟ ਵਿਚ ਤੇਜ਼ ਦਰਦ ਉਠ ਸਕਦਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
