ਜਾਣੋ ਸਿਹਤ ਲਈ ਕਿਵੇਂ ਖ਼ਤਰਨਾਕ ਹੈ ਕੱਚੇ ਦੁੱਧ ਦਾ ਸੇਵਨ ?

Drinking Raw Milk effects: ਕੈਲਸ਼ੀਅਮ, ਪ੍ਰੋਟੀਨ ਅਤੇ ਫੈਟੀ ਐਸਿਡ ਵਰਗੇ ਪੌਸ਼ਟਿਕ ਤੱਤ ਨਾਲ ਭਰਪੂਰ ਦੁੱਧ ਨੂੰ ਪੂਰੀ ਖੁਰਾਕ ਮੰਨਿਆ ਜਾਂਦਾ ਹੈ। ਹਾਲਾਂਕਿ ਤੁਹਾਨੂੰ ਦੁੱਧ ਦੇ ਫਾਇਦੇ ਸਿਰਫ ਉਦੋਂ ਪ੍ਰਾਪਤ ਹੋਣਗੇ ਜਦੋਂ ਤੁਸੀਂ ਇਸ ਨੂੰ ਸਹੀ ਸਮੇਂ ਅਤੇ ਤਰੀਕੇ ਨਾਲ ਪੀਓਗੇ। ਦਰਅਸਲ ਤਾਜ਼ਾ ਖੋਜਾਂ ਅਨੁਸਾਰ ਕੱਚਾ ਦੁੱਧ ਪੀਣਾ ਤੁਹਾਨੂੰ ਬੀਮਾਰੀਆਂ ਦਾ ਸ਼ਿਕਾਰ ਬਣਾ ਸਕਦਾ ਹੈ। ਇੱਥੇ ਅੱਜ ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਕੱਚਾ ਦੁੱਧ ਕਿਉਂ ਨਹੀਂ ਪੀਣਾ ਚਾਹੀਦਾ ਅਤੇ ਦੁੱਧ ਪੀਣ ਦਾ ਸਹੀ ਤਰੀਕਾ ਕੀ ਹੈ…

ਕਿਉਂ ਨਹੀਂ ਪੀਣਾ ਚਾਹੀਦਾ ਕੱਚਾ ਦੁੱਧ: ਖੋਜ ਦੇ ਅਨੁਸਾਰ ਕੱਚੇ ਦੁੱਧ ਵਿੱਚ ਬੈਕਟੀਰੀਆ ਹੋ ਸਕਦੇ ਹਨ ਕਿਉਂਕਿ ਪਾਸਟਰਾਈਜ਼ੇਸ਼ਨ ਇਸ ਦੇ ਪੋਸ਼ਣ ਤੱਤ ਨੂੰ ਘਟਾਏ ਬਿਨ੍ਹਾਂ ਬੈਕਟੀਰੀਆ ਨੂੰ ਖਤਮ ਕਰ ਦਿੰਦਾ ਹੈ। ਉੱਥੇ ਹੀ ਜੇ ਕੱਚੇ ਦੁੱਧ ਨੂੰ ਕਮਰੇ ਦੇ ਤਾਪਮਾਨ ਤੇ ਰੱਖਿਆ ਜਾਂਦਾ ਹੈ ਤਾਂ ਇਹ ਐਂਟੀਮਾਈਕ੍ਰੋਬਾਇਲ ਪ੍ਰਤੀਰੋਧੀ ਜੀਨਾਂ ਅਤੇ ਬੈਕਟਰੀਆ ਦੀ ਮਾਤਰਾ ਵੱਧ ਸਕਦੀ ਹੈ, ਖ਼ਾਸਕਰ ਡੇਅਰੀ ਮਿਲਕ। ਤੁਹਾਡੇ ਘਰ ਆਉਣ ਤੋਂ ਪਹਿਲਾਂ ਡੇਅਰੀ ਦੁੱਧ ਕਮਰੇ ਦੇ ਤਾਪਮਾਨ ਤੇ ਹੁੰਦਾ ਹੈ। ਅਜਿਹੇ ‘ਚ ਇਸ ਦਾ ਸੇਵਨ ਸਿਹਤ ਲਈ ਨੁਕਸਾਨਦੇਹ ਹੋ ਸਕਦਾ ਹੈ।

ਕੀ ਕੱਚੇ ਦੁੱਧ ਵਿਚ ਜ਼ਿਆਦਾ ਪ੍ਰੋਬੀਓਟਿਕਸ ਹਨ?: ਖੋਜਕਰਤਾਵਾਂ ਦਾ ਕਹਿਣਾ ਹੈ ਕਿ ਕੱਚੇ ਦੁੱਧ ‘ਚ ਗੁੱਡ ਬੈਕਟੀਰੀਆ ਅਤੇ ਪ੍ਰੋਬੀਓਟਿਕਸ ਭਰਪੂਰ ਹੁੰਦੇ ਹਨ, ਪਰ ਇਸ ਨੂੰ ਕਮਰੇ ਦੇ ਤਾਪਮਾਨ ‘ਤੇ ਰੱਖਣ ਨਾਲ ਐਂਟੀਬੈਕਟੀਰੀਅਲ-ਰੋਧਕ ਜੀਨ ਇਸ ਵਿਚ ਪ੍ਰਫੁੱਲਤ ਹੋ ਸਕਦੇ ਹਨ। ਇਸ ਨਾਲ ਇੰਫੈਕਸ਼ਨ ਦਾ ਖ਼ਤਰਾ ਵਧ ਸਕਦਾ ਹੈ। ਰਿਪੋਰਟ ਦੇ ਅਨੁਸਾਰ ਹਰ ਸਾਲ ਕੱਚਾ ਦੁੱਧ ਪੀਣ ਕਾਰਨ ਤਕਰੀਬਨ 3 ਮਿਲੀਅਨ ਲੋਕਾਂ ਨੂੰ ਐਂਟੀਬਾਇਓਟਿਕ ਰੋਧਕ ਸੰਕਰਮਣ ਹੁੰਦਾ ਹੈ।

ਕੱਚਾ ਦੁੱਧ ਪੀਣ ਦੇ ਨੁਕਸਾਨ: ਕੱਚਾ ਦੁੱਧ ਪੀਣ ਨਾਲ ਇੰਫੈਕਸ਼ਨ ਦਾ ਖ਼ਤਰਾ ਹੁੰਦਾ ਹੈ। ਨਾਲ ਹੀ ਇਹ ਪਾਚਨ ਸਮੱਸਿਆਵਾਂ ਪੈਦਾ ਕਰ ਸਕਦਾ ਹੈ। ਇਸ ਤੋਂ ਇਲਾਵਾ ਕੱਚਾ ਦੁੱਧ ਪੀਣ ਨਾਲ ਦਸਤ, ਡੀਹਾਈਡਰੇਸ਼ਨ, ਗਠੀਆ ਅਤੇ ਹੇਮੋਲਾਈਟਿਕ ਯੂਰੇਮਿਕ ਸਿੰਡਰੋਮ ਹੋ ਸਕਦਾ ਹੈ। ਇਸ ਨਾਲ ਉਲਟੀਆਂ ਅਤੇ ਬੁਖਾਰ ਵੀ ਹੋ ਸਕਦਾ ਹੈ।

ਕੱਚਾ ਦੁੱਧ ਇਸ ਤਰ੍ਹਾਂ ਪੀਓ: ਕੁਝ ਲੋਕ ਕੱਚੇ ਦੁੱਧ ਨੂੰ ਕਿਵਨ ਹੋਣ ਲਈ ਕਮਰੇ ਦੇ ਤਾਪਮਾਨ ‘ਤੇ ਘੰਟਿਆਂ ਲਈ ਰੱਖਦੇ ਹਨ, ਜੋ ਕਿ ਸਹੀ ਨਹੀਂ ਹੈ। ਜੇ ਤੁਸੀਂ ਕੱਚਾ ਦੁੱਧ ਵੀ ਪੀਣਾ ਚਾਹੁੰਦੇ ਹੋ ਤਾਂ ਪਹਿਲਾਂ ਇਸ ਨੂੰ ਘੱਟੋ-ਘੱਟ ਅੱਧੇ ਘੰਟੇ ਲਈ ਫਰਿੱਜ ਵਿਚ ਰੱਖੋ। ਇਸ ਦੇ ਕਾਰਨ ਇਸ ਵਿੱਚ ਬੈਕਟਰੀਆ ਨਹੀਂ ਵਧਣਗੇ ਅਤੇ ਤੁਸੀਂ ਬੀਮਾਰੀਆਂ ਤੋਂ ਬਚੇ ਰਹੋਗੇ। ਹਲਕਾ ਗੁਣਗੁਣਾ ਦੁੱਧ ਪੀਣ ਨਾਲ ਪਾਚਨ ਵਧੀਆ ਹੁੰਦਾ ਹੈ। ਇਹ ਯਾਦ ਰੱਖੋ ਕਿ ਦਿਨ ਵਿਚ 150 ਤੋਂ 200 ਮਿਲੀਲੀਟਰ ਦੁੱਧ ਪੀਓ। ਜੇ ਤੁਸੀਂ ਚਾਹੋ ਤਾਂ ਤੁਸੀਂ ਇਸ ਵਿਚ ਦਾਲਚੀਨੀ, ਬਦਾਮ, ਹਲਦੀ ਜਾਂ ਸ਼ਹਿਦ ਮਿਲਾ ਸਕਦੇ ਹੋ।

ਇਨ੍ਹਾਂ ਲੋਕਾਂ ਨੂੰ ਨਹੀਂ ਕਰਨਾ ਚਾਹੀਦਾ ਦੁੱਧ ਦਾ ਸੇਵਨ

• ਜਿਨ੍ਹਾਂ ਨੂੰ ਹਜ਼ਮ, ਸਕਿਨ, ਖੰਘ, ਬਦਹਜ਼ਮੀ ਅਤੇ ਪੇਟ ਦੇ ਕੀੜਿਆਂ ਦੀ ਸਮੱਸਿਆ ਹੈ।
• ਕਦੇ ਵੀ ਭੋਜਨ ਦੇ ਨਾਲ ਦੁੱਧ ਨਾ ਪੀਓ ਕਿਉਂਕਿ ਇਹ ਜਲਦੀ ਹਜ਼ਮ ਨਹੀਂ ਹੁੰਦਾ ਹੈ।
• ਰਾਤ ਦੇ ਖਾਣੇ ਤੋਂ ਘੱਟੋ-ਘੱਟ 2 ਘੰਟੇ ਬਾਅਦ ਦੁੱਧ ਪੀਓ, ਤਾਂ ਜੋ ਤੁਹਾਨੂੰ ਰਾਤ ਨੂੰ ਦੁੱਧ ਪੀਣ ਦਾ ਲਾਭ ਮਿਲ ਸਕੇ।