Feel dizzy during periods: ਪੀਰੀਅਡਜ਼ ਦੇ ਦੌਰਾਨ ਔਰਤਾਂ ਨੂੰ ਪੇਟ ਅਤੇ ਕਮਰ ਦਰਦ, ਸਿਰ ਦਰਦ, ਕਰੈਂਪਸ, ਬਹੁਤ ਜ਼ਿਆਦਾ ਥਕਾਵਟ, ਪੇਟ ਫੁੱਲਣਾ, ਮਾਸਪੇਸ਼ੀਆਂ ਵਿੱਚ ਦਰਦ, ਡਾਇਰੀਆ ਜਾਂ ਕਬਜ਼ ਵਰਗੀਆਂ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਇਸ ਦੇ ਨਾਲ ਹੀ ਕੁਝ ਔਰਤਾਂ ਨੂੰ ਇਸ ਦੌਰਾਨ ਬਹੁਤ ਚੱਕਰ ਵੀ ਆਉਂਦੇ ਹਨ। ਚੱਕਰ ਆਉਣ ‘ਤੇ ਸਿਰ ਘੁੰਮਣ ਲੱਗਦਾ ਹੈ ਅਤੇ ਤੁਹਾਡਾ ਸੰਤੁਲਨ ਵਿਗੜਦਾ ਹੈ। ਇਸ ਸਮੇਂ ਦੌਰਾਨ ਅਜਿਹਾ ਲਗਦਾ ਹੈ ਜਿਵੇਂ ਸਾਰਾ ਕਮਰਾ ਘੁੰਮ ਰਿਹਾ ਹੋਵੇ। ਹਲਕੇ-ਫੁਲਕੇ ਚੱਕਰ ਆਉਣੇ ਆਮ ਹੁੰਦੇ ਹਨ ਪਰ ਜੇ ਇਹ ਬਹੁਤ ਜ਼ਿਆਦਾ ਹਨ ਤਾਂ ਇਹ ਕਿਸੇ ਬਿਮਾਰੀ ਦਾ ਸੰਕੇਤ ਹੋ ਸਕਦਾ ਹੈ। ਅੱਜ ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਪੀਰੀਅਡਜ਼ ਦੌਰਾਨ ਔਰਤਾਂ ਨੂੰ ਚੱਕਰ ਕਿਉਂ ਆਉਂਦੇ ਹਨ।
ਅਨੀਮੀਆ ਦੀ ਸਮੱਸਿਆ: ਸਰੀਰ ਵਿਚ ਖੂਨ ਦੀ ਕਮੀ ਕਾਰਨ ਪੀਰੀਅਡਾਂ ਦੌਰਾਨ ਚੱਕਰ ਆਉਣ ਦੀ ਸਮੱਸਿਆ ਦੇਖਣ ਨੂੰ ਮਿਲਦੀ ਹੈ। ਪੀਰੀਅਡਜ਼ ਦੇ ਦੌਰਾਨ ਹਰ ਮਹੀਨੇ ਲਗਭਗ 2 ਚੱਮਚ ਖੂਨ ਸਰੀਰ ਤੋਂ ਨਿਕਲ ਜਾਂਦਾ ਹੈ ਜਿਸ ਕਾਰਨ ਅਨੀਮੀਆ ਦੀ ਕੋਈ ਸ਼ਿਕਾਇਤ ਨਹੀਂ ਹੁੰਦੀ ਹੈ। ਹਾਲਾਂਕਿ ਜੇ ਇਸ ਤੋਂ ਵੱਧ ਬਲੀਡਿੰਗ ਹੋਵੇ ਤਾਂ ਲੜਕੀ ਜਾਂ ਔਰਤ ਅਨੀਮਿਕ ਹੋ ਸਕਦੀ ਹੈ। ਦਰਅਸਲ ਲਾਲ ਬਲੱਡ ਸੈੱਲਜ਼ ਵਿਚ ਆਰਬੀਸੀ (ਆਕਸੀਜਨ ਨੂੰ ਕੈਰੀ ਕਰਨ ਵਾਲੀਆਂ ਨਾੜੀਆਂ) ਹੁੰਦੇ ਹਨ। ਬਲੀਡਿੰਗ ਦੇ ਦੌਰਾਨ ਖੂਨ ਵਿੱਚ ਆਕਸੀਜਨ ਦਾ ਗਾੜਾਪਨ ਵੱਧ ਜਾਂਦਾ ਹੈ ਜਿਸ ਕਾਰਨ ਦਿਮਾਗ ਵਿੱਚ ਆਕਸੀਜਨ ਦੀ ਕਮੀ ਹੁੰਦੀ ਹੈ ਅਤੇ ਚੱਕਰ ਆਉਣੇ ਸ਼ੁਰੂ ਹੋ ਜਾਂਦੇ ਹਨ। ਅਜਿਹੇ ‘ਚ ਲੜਕੀਆਂ ਜਾਂ ਔਰਤਾਂ ਨੂੰ ਪੀਰੀਅਡਜ਼ ਦੌਰਾਨ ਆਇਰਨ ਸਪਲੀਮੈਂਟਸ ਲੈਣੇ ਚਾਹੀਦੇ ਹਨ।
Prostaglandins: ਪ੍ਰੋਸਟਾਗਲੈਂਡਿਨਜ਼ ਹਾਰਮੋਨ ਸਰੀਰ ਦੇ ਕਈ ਕੰਮਾਂ ਦੇ ਨਾਲ ਪੀਰੀਅਡਜ ਸਾਈਕਲ ਨੂੰ ਵੀ ਕੰਟਰੋਲ ਕਰਦਾ ਹੈ। ਪ੍ਰੋਸਟਾਗਲੇਡਿਨ ਵਿਚ ਪਰੇਸ਼ਾਨੀਆਂ ਦੇ ਕਾਰਨ ਪੀਰੀਅਡ ਵਿਚ Cramps ਆਮ ਨਾਲੋਂ ਜ਼ਿਆਦਾ ਗੰਭੀਰ ਹੋ ਜਾਂਦੇ ਹਨ। ਬਹੁਤ ਸਾਰੇ ਪ੍ਰੋਸਟਾਗਲੇਡਿਨਸ ਬੱਚੇਦਾਨੀ ਦੀਆਂ ਮਾਸਪੇਸ਼ੀਆਂ ਨੂੰ ਸੁੰਗੜਨ ਅਤੇ ਖੂਨ ਦੀਆਂ ਨਾੜੀਆਂ ਨੂੰ ਸੀਮਤ ਕਰਨ ਦਾ ਕਾਰਨ ਬਣਦੇ ਹਨ। ਇਸ ਨਾਲ ਸਿਰ ਦਰਦ ਅਤੇ ਚੱਕਰ ਆਉਣੇ ਸ਼ੁਰੂ ਹੋ ਸਕਦੇ ਹਨ।
Cramps: ਮਾਹਵਾਰੀ ਦੇ ਦੌਰਾਨ ਬੱਚੇਦਾਨੀ ਸੁੰਗੜ ਜਾਂਦੀ ਹੈ। ਜਿਸ ਨਾਲ ਉਸ ‘ਤੇ ਜੰਮੀ ਖੂਨ ਦੀ ਇੱਕ ਪਰਤ ਨਿਕਲ ਜਾਂਦੀ ਹੈ। ਇਸ ਨੂੰ Cramps ਕਿਹਾ ਜਾਂਦਾ ਹੈ ਜਿਸ ਕਾਰਨ ਤੇਜ਼ ਦਰਦ ਅਤੇ ਚੱਕਰ ਆਉਂਦੇ ਹਨ। ਉੱਥੇ ਹੀ ਬਹੁਤ ਜ਼ਿਆਦਾ ਮਾਤਰਾ ‘ਚ Cramps ਪੈਣੇ ਐਂਡੋਮੈਟ੍ਰੋਸਿਸ ਦੇ ਵੀ ਸੰਕੇਤ ਹੋ ਸਕਦੇ ਹਨ। ਜਿਨ੍ਹਾਂ ਔਰਤਾਂ ਨੂੰ ਮਾਈਗਰੇਨ ਦੀ ਸਮੱਸਿਆ ਹੁੰਦੀ ਹੈ ਉਹਨਾਂ ਨੂੰ ਪੀਰੀਅਡਜ ਮਾਈਗਰੇਨ ਵੀ ਪ੍ਰਭਾਵਤ ਕਰ ਸਕਦਾ ਹੈ। ਇਸ ਵਿਚ ਆਮ ਮਾਈਗ੍ਰੇਨ ਦੀ ਤਰ੍ਹਾਂ ਅੱਧੇ ਸਿਰ ‘ਚ ਤੇਜ਼ ਦਰਦ ਅਤੇ ਚੱਕਰ ਆਉਣੇ ਮਹਿਸੂਸ ਹੁੰਦੇ ਹਨ। ਇਹ ਜ਼ਿਆਦਾ ਜਾਂ ਘੱਟ ਐਸਟ੍ਰੋਜਨ ਹਾਰਮੋਨਸ ਦੇ ਕਾਰਨ ਹੋ ਸਕਦਾ ਹੈ।
ਸਰੀਰ ਵਿਚ ਪਾਣੀ ਦੀ ਕਮੀ: ਸਰੀਰ ਵਿਚ ਪਾਣੀ ਦੀ ਕਮੀ ਭਾਵ ਡੀਹਾਈਡਰੇਸ਼ਨ ਦੇ ਕਾਰਨ ਪੀਰੀਅਡਜ਼ ‘ਚ ਚੱਕਰ ਆ ਸਕਦੇ ਹਨ। ਅਜਿਹੇ ‘ਚ ਤੁਹਾਨੂੰ ਦਿਨ ਭਰ ਘੱਟੋ-ਘੱਟ 8-9 ਗਲਾਸ ਪਾਣੀ ਜ਼ਰੂਰ ਪੀਣਾ ਚਾਹੀਦਾ ਹੈ ਪਰ ਥੋੜ੍ਹਾ-ਥੋੜ੍ਹਾ ਕਰਕੇ। ਨਾਲ ਹੀ ਚਾਹ, ਕੌਫੀ, ਸੋਡਾ ਅਤੇ ਸ਼ਰਾਬ ਤੋਂ ਵੀ ਦੂਰ ਰਹੋ। ਬਲੱਡ ਸ਼ੂਗਰ ਘੱਟ ਹੋਣੀ ਯਾਨੀ ਹਾਈਪੋਗਲਾਈਸੀਮੀਆ ਦੇ ਕਾਰਨ ਵੀ ਚੱਕਰ ਮਹਿਸੂਸ ਹੋ ਸਕਦੇ ਹਨ। ਖ਼ੂਨ ਵਿੱਚ ਵੱਧ ਜਾਂ ਘੱਟ ਸ਼ੂਗਰ ਲੈਵਲ ਹੋਣ ਦੇ ਕਾਰਨ ਐਸਟ੍ਰੋਜਨ ਹਾਰਮੋਨ ‘ਤੇ ਅਸਰ ਪੈਂਦਾ ਹੈ। ਜਿਸ ਕਾਰਨ ਚੱਕਰ ਆਉਣ ਦੀ ਦਿੱਕਤ ਹੋ ਸਕਦੀ ਹੈ।
ਮਾਹਵਾਰੀ ‘ਚ ਚੱਕਰ ਆਉਣ ਦਾ ਇਲਾਜ਼
- ਪੀਰੀਅਡਸ ਵਿਚ ਚੱਕਰ ਆਉਣ ਦਾ ਕਾਰਨ ਦੇਖ ਕੇ ਹੀ ਇਲਾਜ ਕੀਤਾ ਜਾਂਦਾ ਹੈ।
- ਪ੍ਰੋਸਟਾਗਲੇਡਿਨ ਹੋਣ ‘ਤੇ ਡਾਕਟਰ ਨਾਨਸਟਰੋਇਡਲ ਐਂਟੀ-ਇਨਫਲੇਮੇਟਰੀ ਡਰੱਗਜ਼ (NSAIDs) ਦੀ ਦਵਾਈ ਦਿੰਦੇ ਹਨ।
- Cramps ਦੀ ਸਮੱਸਿਆ ਹੋਵੇ ਤਾਂ ਡਾਕਟਰ ਦੀ ਸਲਾਹ ਲੈਣ ਤੋਂ ਬਾਅਦ ਆਈਬੂਪ੍ਰੋਫੇਨ ਜਾਂ NSAID ਦਵਾਈ ਲੈ ਸਕਦੇ ਹੋ। ਇਸ ਤੋਂ ਇਲਾਵਾ ਹੀਟਿੰਗ ਪੈਡ ਜਾਂ ਗਰਮ ਪਾਣੀ ਦੀ ਬੋਤਲ ਤੋਂ ਵੀ ਆਰਾਮ ਮਿਲੇਗਾ।
- ਪੀਰੀਅਡਜ਼ ਦੇ ਦੌਰਾਨ ਹਲਕੀ-ਫੁਲਕੀ ਕਸਰਤ ਅਤੇ ਯੋਗਾ ਜ਼ਰੂਰ ਕਰੋ।
- ਭੋਜਨ, ਫਲ, ਸਬਜ਼ੀਆਂ ਅਤੇ ਨਟਸ ਲਓ ਅਤੇ ਕੈਫੀਨ, ਸ਼ਰਾਬ ਅਤੇ ਸਿਗਰਟ ਦੇ ਸੇਵਨ ਤੋਂ ਪਰਹੇਜ਼ ਕਰੋ।
ਮਾਈਗਰੇਨ ਜਾਂ ਅਨੀਮੀਆ ਦੀ ਸਮੱਸਿਆ ਹੋਵੇ ਤਾਂ: ਜੇ ਤੁਹਾਨੂੰ ਅਨੀਮੀਆ ਹੈ ਤਾਂ ਡਾਕਟਰ ਦੀ ਸਲਾਹ ਲੈਣ ਤੋਂ ਬਾਅਦ ਆਇਰਨ ਸਪਲੀਮੈਂਟਸ ਲਓ। ਉੱਥੇ ਹੀ ਪੀਰੀਅਡਜ਼ ਮਾਈਗ੍ਰੇਨ ਵਿਚ ਤੁਸੀਂ ਡਾਕਟਰ ਦੀ ਸਲਾਹ ਲੈਣ ਤੋਂ ਬਾਅਦ NSAID ਜਾਂ ਕੋਈ ਹੋਰ ਦਵਾਈ ਲੈ ਸਕਦੇ ਹੋ। ਇਸ ਤੋਂ ਇਲਾਵਾ ਡਾਇਟ ਵਿਚ ਆਇਰਨ ਨਾਲ ਭਰੀਆਂ ਚੀਜ਼ਾਂ ਜਿਵੇਂ ਪਾਲਕ, ਚੁਕੰਦਰ, ਦਾਲਾਂ, ਰੈੱਡ ਮੀਟ ਦਾ ਸੇਵਨ ਕਰੋ। ਹਾਈਪੋਗਲਾਈਸੀਮੀਆ ਭਾਵ ਬਲੱਡ ਸ਼ੂਗਰ ਲੈਵਲ ਘੱਟ ਹੋਣ ‘ਤੇ ਫਲਾਂ ਦਾ ਜੂਸ ਪੀਓ। ਤੁਸੀਂ ਮਿੱਠੀ ਕੈਂਡੀ ਵੀ ਖਾ ਸਕਦੇ ਹੋ ਤਾਂ ਜੋ ਬਲੱਡ ਸ਼ੂਗਰ ਕੰਟਰੋਲ ਹੋ ਜਾਵੇ ਅਤੇ ਤੁਸੀਂ ਵਧੀਆ ਮਹਿਸੂਸ ਕਰੋਗੇ।
