Homemade skin toner: ਸਰਦੀ ਆ ਗਈ ਹੈ ਅਤੇ ਆਪਣੇ ਨਾਲ ਲੈ ਕੇ ਆਈ ਹੈ ਰੁੱਖਾਪਣ ਜਿਸ ਕਾਰਨ ਤੁਹਾਡੇ ਚਿਹਰੇ ਦੀ ਸਾਰੀ ਰੋਸ਼ਨੀ ਦੂਰ ਹੋ ਜਾਂਦੀ ਹੈ। ਵੈਸੇ ਤਾਂ ਹਰ ਕੁੜੀ ਗਲੋਇੰਗ ਸਕਿਨ ਪਾਉਣ ਲਈ ਕਈ ਤਰ੍ਹਾਂ ਦੇ ਮਹਿੰਗੇ ਬਿਊਟੀ ਪ੍ਰੋਡਕਟਸ ਦੀ ਵਰਤੋਂ ਕਰਦੀ ਹੈ ਪਰ ਇਨ੍ਹਾਂ ‘ਚ ਜ਼ਿਆਦਾਤਰ ਕੈਮੀਕਲ ਹੁੰਦੇ ਹਨ, ਜਿਸ ਕਾਰਨ ਤੁਹਾਡਾ ਚਿਹਰਾ ਗਲੋ ਨਹੀਂ ਹੁੰਦਾ। ਇਸ ਲਈ ਜੇਕਰ ਤੁਸੀਂ ਇਸ ਸਰਦੀਆਂ ‘ਚ ਆਪਣੀ ਸਕਿਨ ਦੀ ਖਾਸ ਦੇਖਭਾਲ ਕਰਨਾ ਚਾਹੁੰਦੇ ਹੋ ਤਾਂ ਸਕਿਨ ਦੀ ਦੇਖਭਾਲ ‘ਚ ਟੋਨਰ ਦੀ ਵਰਤੋਂ ਜ਼ਰੂਰ ਕਰੋ। ਤੁਹਾਨੂੰ ਦੱਸ ਦੇਈਏ ਕਿ ਸਕਿਨ ਦੀਆਂ ਬਹੁਤ ਸਾਰੀਆਂ ਸਮੱਸਿਆਵਾਂ ਦਾ ਇਲਾਜ ਇੱਕ ਚੰਗੇ ਸਕਿਨ ਟੋਨਰ ਨਾਲ ਕੀਤਾ ਜਾਂਦਾ ਹੈ, ਜਿਵੇਂ ਕਿ ਜੇਕਰ ਤੁਹਾਡੇ ਚਿਹਰੇ ਦੇ ਪੋਰਸ ਵੱਡੇ ਹਨ ਜਾਂ ਤੁਹਾਡੇ ਮੁਹਾਸੇ ਹਨ ਤਾਂ ਤੁਹਾਨੂੰ ਆਪਣੀ ਸਕਿਨ ਕੇਅਰ ਰੁਟੀਨ ‘ਚ ਟੋਨਰ ਨੂੰ ਸ਼ਾਮਲ ਕਰਨਾ ਚਾਹੀਦਾ ਹੈ। ਬਾਜ਼ਾਰ ‘ਚ ਉਪਲਬਧ ਅਲਕੋਹਲ ਵਾਲੇ ਸਕਿਨ ਟੋਨਰ ਤੁਹਾਡੇ ਚਿਹਰੇ ਨੂੰ ਨੁਕਸਾਨ ਪਹੁੰਚਾ ਸਕਦੇ ਹਨ, ਇਸ ਲਈ ਘਰ ‘ਚ ਟੋਨਰ ਬਣਾ ਕੇ ਇਸ ਦੀ ਵਰਤੋਂ ਕਰਨਾ ਵਧੀਆ ਹੋਵੇਗਾ। ਇਸ ਨਾਲ ਤੁਹਾਡੀ ਸਕਿਨ ਗਲੋਇੰਗ ਹੋਵੇਗੀ।
ਨਿੰਮ ਟੋਨਰ: ਭਾਰਤ ‘ਚ ਨਿੰਮ ਦਾ ਰੁੱਖ ਹਰ ਕਿਸੇ ਦੇ ਘਰ ਆਸਾਨੀ ਨਾਲ ਮਿਲ ਜਾਂਦਾ ਹੈ। ਤੁਹਾਨੂੰ ਬਸ ਕੁਝ ਨਿੰਮ ਦੀਆਂ ਪੱਤੀਆਂ ਲੈ ਕੇ ਪਾਣੀ ‘ਚ ਉਬਾਲਣਾ ਹੈ। ਫਿਰ ਠੰਡਾ ਹੋਣ ‘ਤੇ ਪਾਣੀ ਨੂੰ ਸਪਰੇਅ ਬੋਤਲ ‘ਚ ਪਾ ਲਓ। ਅੱਧਾ ਚੱਮਚ ਐਪਲ ਸਾਈਡਰ ਵਿਨੇਗਰ ਨੂੰ ਉੱਪਰ ਮਿਕਸ ਕਰੋ ਅਤੇ ਫਿਰ ਇਸ ਦੀ ਵਰਤੋਂ ਕਰੋ।
ਐਪਲ ਸਾਈਡਰ ਵਿਨੇਗਰ ਟੋਨਰ: ਇਸ ਦੇ ਲਈ ਤੁਹਾਨੂੰ ਸਭ ਤੋਂ ਪਹਿਲਾਂ ਇੱਕ ਕੱਪ ਪਾਣੀ ਲੈਣਾ ਹੈ ਅਤੇ ਇਸ ‘ਚ ਲਗਭਗ ਦੋ ਚੱਮਚ ਸੇਬ ਦਾ ਸਿਰਕਾ ਮਿਲਾਉਣਾ ਹੈ। ਇਸ ਤੋਂ ਬਾਅਦ ਇਸ ਨੂੰ ਮਿਕਸ ਕਰ ਕੇ ਸਪ੍ਰੇ ਬੋਤਲ ‘ਚ ਪਾ ਲਓ ਅਤੇ ਚਿਹਰੇ ‘ਤੇ ਇਸ ਦੀ ਵਰਤੋਂ ਕਰੋ। ਪਰ ਧਿਆਨ ਰੱਖੋ ਕਿ ਕਦੇ ਵੀ ਐਪਲ ਸਾਈਡਰ ਵਿਨੇਗਰ ਨੂੰ ਸਿੱਧੇ ਆਪਣੀ ਸਕਿਨ ‘ਤੇ ਨਾ ਲਗਾਓ ਕਿਉਂਕਿ ਇਹ ਐਸਿਡਿਕ ਗੁਣਾਂ ਨਾਲ ਭਰਪੂਰ ਹੁੰਦਾ ਹੈ।
ਐਲੋਵੇਰਾ ਜੈੱਲ ਟੋਨਰ: ਇਸਦੇ ਲਈ ਤੁਹਾਨੂੰ ਐਲੋਵੇਰਾ ਜੈੱਲ ਅਤੇ ਟੀ ਟ੍ਰੀ ਆਇਲ ਦੀ ਜ਼ਰੂਰਤ ਹੈ। ਹੁਣ ਤੁਸੀਂ ਇੱਕ ਕੱਪ ਪਾਣੀ ਲਓ ਅਤੇ ਇਸ ‘ਚ ਇੱਕ ਚੱਮਚ ਐਲੋਵੇਰਾ ਜੈੱਲ ਪਾਓ। ਇਸ ਤੋਂ ਬਾਅਦ ਇਸ ‘ਚ ਟੀ ਟ੍ਰੀ ਆਇਲ ਦੀਆਂ ਪੰਜ ਬੂੰਦਾਂ ਮਿਲਾਓ ਅਤੇ ਫਿਰ ਇਸ ਨੂੰ ਸਪਰੇਅ ਬੋਤਲ ‘ਚ ਭਰ ਕੇ ਚਿਹਰੇ ‘ਤੇ ਦਿਨ ‘ਚ ਘੱਟੋ-ਘੱਟ ਚਾਰ ਵਾਰ ਸਪਰੇਅ ਕਰੋ। ਜੇਕਰ ਤੁਹਾਡੀ ਸਕਿਨ ਸੈਂਸੀਟਿਵ ਹੈ ਤਾਂ ਇਹ ਤੁਹਾਡੇ ਲਈ ਸਭ ਤੋਂ ਵਧੀਆ ਹੈ।
ਗੁਲਾਬ ਜਲ ਟੋਨਰ: ਇਸ ਨੂੰ ਬਣਾਉਣ ਲਈ ਤੁਹਾਨੂੰ ਇੱਕ ਕੱਪ ਗੁਲਾਬ ਜਲ ਅਤੇ ਇੱਕ ਚੱਮਚ ਗਲਿਸਰੀਨ ਅਤੇ ਅੱਧਾ ਚਮਚ ਐਪਲ ਸਾਈਡਰ ਵਿਨੇਗਰ ਦੀ ਜ਼ਰੂਰਤ ਹੈ। ਤੁਹਾਨੂੰ ਇਨ੍ਹਾਂ ਤਿੰਨਾਂ ਨੂੰ ਚੰਗੀ ਤਰ੍ਹਾਂ ਮਿਲਾਉਣਾ ਹੈ ਅਤੇ ਫਿਰ ਇਸ ਨੂੰ ਇੱਕ ਸਪਰੇਅ ਬੋਤਲ ‘ਚ ਪਾਓ ਅਤੇ ਸਵੇਰੇ ਆਪਣੇ ਚਿਹਰੇ ਨੂੰ ਸਾਫ਼ ਕਰਨ ਤੋਂ ਬਾਅਦ ਅਤੇ ਰਾਤ ਨੂੰ ਸੌਣ ਤੋਂ ਪਹਿਲਾਂ ਇਸ ਦੀ ਵਰਤੋਂ ਕਰੋ।
