Night Lemon drink: ਰਾਤ ਨੂੰ ਜੇ ਤੁਹਾਨੂੰ ਦੇਰ ਤੱਕ ਨੀਂਦ ਨਹੀਂ ਆਉਂਦੀ ਹੈ ਅਤੇ ਇਸ ਤਰ੍ਹਾਂ ਹੀ ਪਾਸੇ ਬਦਲਦੇ-ਬਦਲਦੇ ਤੁਹਾਡੀ ਸਵੇਰ ਹੋ ਜਾਂਦੀ ਹੈ ਤਾਂ ਤੁਸੀਂ ਸ਼ਾਇਦ ਨੀਂਦ ਦੀ ਸਮੱਸਿਆ ਨਾਲ ਜੂਝ ਰਹੇ ਹੋ। ਬਹੁਤ ਸਾਰੇ ਲੋਕ ਅਜਿਹੇ ਹਨ ਜੋ ਸਾਰਾ ਦਿਨ ਕੰਮ ਕਰਨ ਦੇ ਬਾਵਜੂਦ ਰਾਤ ਨੂੰ ਚੰਗੀ ਨੀਂਦ ਨਹੀਂ ਲੈ ਪਾਉਂਦੇ। ਇਸ ਦਾ ਇਕ ਕਾਰਨ ਤਣਾਅ ਵੀ ਹੋ ਸਕਦਾ ਹੈ। ਇਸ ਲਈ ਅੱਜ ਅਸੀਂ ਤੁਹਾਨੂੰ ਅਜਿਹੀ ਡ੍ਰਿੰਕ ਬਾਰੇ ਦੱਸਣ ਜਾ ਰਹੇ ਹਾਂ ਜੋ ਤੁਹਾਨੂੰ ਨੀਂਦ ਦੀ ਸਮੱਸਿਆ ਤੋਂ ਛੁਟਕਾਰਾ ਦਿਵਾ ਕੇ ਚੰਗੀ ਨੀਂਦ ਲੈਣ ਵਿੱਚ ਸਹਾਇਤਾ ਕਰ ਸਕਦੀ ਹੈ। ਇਸ ਡਰਿੰਕ ਨੂੰ ਬਣਾਉਣ ਦੀ ਵਿਧੀ ਦੇ ਨਾਲ ਇਸ ਦੇ ਫ਼ਾਇਦਿਆਂ ਬਾਰੇ ਵੀ ਦੱਸਿਆ ਜਾਵੇਗਾ।
ਨਿੰਬੂ ਦਾ ਰਸ: ਇਹ ਸੁਣਕੇ ਤੁਹਾਨੂੰ ਥੋੜਾ ਅਜੀਬ ਲੱਗੇਗਾ ਪਰ ਇਸ ‘ਤੇ ਕਈ ਖੋਜਾਂ ਹੋਈਆਂ ਹਨ ਜਿਸ ਨਾਲ ਇਸ ਗੱਲ ਦੀ ਪੁਸ਼ਟੀ ਹੋਈ ਹੈ ਕਿ ਜੇਕਰ ਰਾਤ ਨੂੰ ਨਿੰਬੂ ਦਾ ਸੇਵਨ ਨੀਂਦ ਦੀ ਸਮੱਸਿਆ ਤੋਂ ਛੁਟਕਾਰਾ ਪਾਉਣ ਲਈ ਕੀਤਾ ਜਾਵੇ ਤਾਂ ਇਹ ਬਹੁਤ ਮਦਦਗਾਰ ਹੋ ਸਕਦਾ ਹੈ। ਇਸਦੇ ਵਿਗਿਆਨਕ ਕਾਰਨ ਦੀ ਗੱਲ ਕਰੀਏ ਇਸ ਵਿਚ ਨੀਂਦ ਹਾਰਮੋਨ ਨੂੰ ਐਕਟਿਵ ਕਰਨ ਦੀ ਵਿਸ਼ੇਸ਼ਤਾ ਹੈ। ਇਸ ਦੇ ਕਾਰਨ ਇਹ ਡ੍ਰਿੰਕ ਨੀਂਦ ਲੈਣ ‘ਚ ਮਦਦਗਾਰ ਸਾਬਤ ਹੋ ਸਕਦਾ ਹੈ।
ਤਣਾਅ ਨੂੰ ਵੀ ਘੱਟ ਹੈ ਕਰਦਾ: ਕਈ ਲੋਕ ਅਜਿਹੇ ਵੀ ਹੁੰਦੇ ਹਨ ਜੋ ਦਫਤਰ ਦੀ ਟੈਨਸ਼ਨ ਜਾਂ ਘਰ ਦੀਆਂ ਕੁਝ ਸਮੱਸਿਆਵਾਂ ਕਾਰਨ ਤਣਾਅ ਤੋਂ ਪਰੇਸ਼ਾਨ ਹੁੰਦੇ ਹਨ। ਜੇ ਤੁਸੀਂ ਵੀ ਇਸੇ ਤਰ੍ਹਾਂ ਦੇ ਤਣਾਅ ਨਾਲ ਜੂਝ ਰਹੇ ਹੋ ਤਾਂ ਨਿੰਬੂ ਇਸ ਤੋਂ ਛੁਟਕਾਰਾ ਪਾਉਣ ਵਿਚ ਤੁਹਾਡੀ ਬਹੁਤ ਮਦਦ ਕਰ ਸਕਦਾ ਹੈ। ਨੈਸ਼ਨਲ ਸੈਂਟਰ ਫਾਰ ਬਾਇਓਟੈਕਨਾਲੌਜੀ ਇਨਫੋਰਮੇਸ਼ਨ ਦੇ ਅਨੁਸਾਰ ਨਿੰਬੂ ਵਿੱਚ ਤਣਾਅ ਨੂੰ ਘੱਟ ਕਰਨ ਦੇ ਗੁਣ ਪਾਏ ਜਾਂਦੇ ਹਨ। ਸਿਰਫ ਇਹ ਹੀ ਨਹੀਂ ਲੈਮਨ ਡਰਿੰਕ ਫਲੇਵਰ ਦੇ ਕਈ ਪਰਫਿਊਮ ਅਤੇ ਰੂਮ ਫ਼੍ਰੇਸ਼ਨਰ ਨੂੰ ਇਨਹੇਲ ਕਰਨ ਦੇ ਲਈ ਡਾਕਟਰਾਂ ਦੁਆਰਾ ਸਲਾਹ ਦਿੱਤੀ ਜਾਂਦੀ ਹੈ, ਜੋ ਤਣਾਅ ਨੂੰ ਘਟਾਉਣ ਅਤੇ ਨੀਂਦ ਲੈਣ ਵਿੱਚ ਬਹੁਤ ਮਦਦਗਾਰ ਹੁੰਦੇ ਹਨ। ਉੱਥੇ ਹੀ ਡ੍ਰਿੰਕ ਦੇ ਰੂਪ ਵਿੱਚ ਨਿੰਬੂ ਦਾ ਸੇਵਨ ਤੁਹਾਡੇ ਤਣਾਅ ਨੂੰ ਘਟਾ ਕੇ ਨੀਂਦ ਲਿਆਉਣ ਲਈ ਘੱਟ ਸਮੇਂ ਵਿੱਚ ਇਸਦੇ ਪ੍ਰਭਾਵ ਨੂੰ ਦਰਸਾ ਸਕਦਾ ਹੈ।
ਸਮੱਗਰੀ: 1 ਗਲਾਸ ਲਈ, 1 ਨਿੰਬੂ, 1 ਚੁਟਕੀ ਨਮਕ
ਬਣਾਉਣ ਦੀ ਵਿਧੀ: ਪਹਿਲਾਂ ਨਿੰਬੂ ਕੱਟੋ। ਨਿੰਬੂ ਦਾ ਰਸ ਨਿੰਬੂ ਨਿਚੋੜ ਨਾਲ ਨਿਕਾਲੋ। ਹੁਣ ਇਕ ਗਲਾਸ ਪਾਣੀ ਲਓ ਅਤੇ ਨਿੰਬੂ ਦਾ ਰਸ ਇਕ ਚਮਚ ਨਾਲ ਚੰਗੀ ਤਰ੍ਹਾਂ ਮਿਲਾਓ। ਫਿਰ ਨਮਕ ਮਿਲਾਓ ਅਤੇ ਸੌਣ ਤੋਂ ਅੱਧੇ ਘੰਟੇ ਪਹਿਲਾਂ ਇਸ ਡਰਿੰਕ ਦਾ ਸੇਵਨ ਕਰੋ। 2-3 ਦਿਨ ਲਗਾਤਾਰ ਇਸ ਦੇ ਸੇਵਨ ਤੋਂ ਬਾਅਦ ਤੁਹਾਡੀ ਇਨਸੌਮਨੀਆ ਦੀ ਸਮੱਸਿਆ ਕਾਫ਼ੀ ਹੱਦ ਤੱਕ ਘੱਟ ਹੋ ਸਕਦੀ ਹੈ।
