Period Cramps home remedies: ਪੀਰੀਅਡਜ਼ ਦੌਰਾਨ ਪੇਟ ਦਰਦ, ਪੇਡੂ ਦਾ ਦਰਦ, ਏਂਠਨ ਸਭ ਤੋਂ ਆਮ ਸਮੱਸਿਆਵਾਂ ‘ਚੋਂ ਇੱਕ ਹਨ। ਪੀਰੀਅਡਜ਼ ‘ਚ ਏਂਠਨ ਦਾ ਸਭ ਤੋਂ ਆਮ ਕਾਰਨ ਬੱਚੇਦਾਨੀ ਦੀਆਂ ਮਾਸਪੇਸ਼ੀਆਂ ਦਾ ਕੱਸਣਾ। ਇਹ ਖੂਨ ਵਹਿਣ ‘ਚ ਮਦਦ ਕਰਦਾ ਹੈ। ਜਦੋਂ ਇਹ ਮਾਸਪੇਸ਼ੀਆਂ ਕੰਮ ਕਰ ਰਹੀਆਂ ਹੁੰਦੀਆਂ ਹਨ, ਤਾਂ ਦਰਦ ਹੋਣਾ ਲਾਜ਼ਮੀ ਹੈ। ਪਰ ਕਈ ਵਾਰ ਇਹ ਦਰਦ ਬਹੁਤ ਗੰਭੀਰ ਹੋ ਸਕਦਾ ਹੈ, ਜਿਸ ਕਾਰਨ ਔਰਤਾਂ ਦਾ ਖਾਣਾ-ਪੀਣਾ ਅਤੇ ਉੱਠਣਾ-ਬੈਠਣਾ ਵੀ ਮੁਸ਼ਕਲ ਹੋ ਜਾਂਦਾ ਹੈ। ਕੁਝ ਕੁੜੀਆਂ ਤਾਂ ਦਰਦ ਤੋਂ ਰਾਹਤ ਪਾਉਣ ਲਈ ਦਵਾਈਆਂ ਦਾ ਸਹਾਰਾ ਲੈਂਦੀਆਂ ਹਨ ਪਰ ਤੁਸੀਂ ਕੁਝ ਘਰੇਲੂ ਨੁਸਖਿਆਂ ਨੂੰ ਅਜ਼ਮਾ ਕੇ ਵੀ ਦਰਦ ਤੋਂ ਰਾਹਤ ਪਾ ਸਕਦੇ ਹੋ।
ਗੁਣਗੁਣੇ ਪਾਣੀ ਨਾਲ ਨਹਾਓ: ਪੀਰੀਅਡਜ਼ ਦੀ ਏਂਠਨ ਤੋਂ ਰਾਹਤ ਪਾਉਣ ਲਈ ਗੁਣਗੁਣੇ ਪਾਣੀ ਨਾਲ ਇਸ਼ਨਾਨ ਕਰੋ। ਇਸ ਨਾਲ ਮਾਸਪੇਸ਼ੀਆਂ ਅਤੇ ਦਿਮਾਗ ਦੀਆਂ ਇੰਦਰੀਆਂ ਨੂੰ ਆਰਾਮ ਮਿਲੇਗਾ। ਨਾਲ ਹੀ ਇਸ ਨਾਲ ਤਣਾਅ ਵੀ ਦੂਰ ਹੋਵੇਗਾ।
ਹੀਟਿੰਗ ਪੈਡ ਲਗਾਓ: ਏਂਠਨ ਨੂੰ ਘੱਟ ਕਰਨ ਲਈ ਆਪਣੀ ਪਿੱਠ ਜਾਂ ਪੇਟ ਦੇ ਹੇਠਲੇ ਹਿੱਸੇ ‘ਤੇ ਹੀਟਿੰਗ ਪੈਡ ਲਗਾਓ। ਇਸ ਦੀ ਬਜਾਏ ਤੁਸੀਂ ਗਰਮ ਤੌਲੀਏ ਦੀ ਵਰਤੋਂ ਵੀ ਕਰ ਸਕਦੇ ਹੋ।
ਤੇਲ ਮਾਲਿਸ਼ ਕਰੋ: ਪੀਰੀਅਡਜ਼ ਦੇ ਦਰਦ ਦੇ ਇਲਾਜ ਲਈ ਮਸਾਜ ਸਭ ਤੋਂ ਲਾਹੇਵੰਦ ਘਰੇਲੂ ਨੁਸਖਿਆਂ ਚੋਂ ਇੱਕ ਹੈ। ਪੇਟ ਦੇ ਆਲੇ-ਦੁਆਲੇ ਲਗਭਗ 5 ਮਿੰਟਾਂ ਤੱਕ ਲੈਵੇਂਡਰ ਵਰਗੇ essential ਤੇਲ ਨਾਲ ਮਾਲਸ਼ ਕਰੋ।
ਹਰਬਲ ਚਾਹ ਪੀਓ: ਪੀਰੀਅਡ ਕ੍ਰੈਂਪ ਤੋਂ ਛੁਟਕਾਰਾ ਪਾਉਣ ਲਈ ਹਰਬਲ ਟੀ ਪੀਣਾ ਬਹੁਤ ਫਾਇਦੇਮੰਦ ਹੋ ਸਕਦਾ ਹੈ। ਹਰਬਲ ਚਾਹ ਤੁਲਸੀ, ਗਿਲੋਅ ਵਰਗੀਆਂ ਕੁਝ ਜੜੀ-ਬੂਟੀਆਂ ਤੋਂ ਬਣੀ ਚਾਹ ਨਾ ਸਿਰਫ਼ ਏਂਠਨ ਨੂੰ ਘੱਟ ਕਰਦੀ ਹੈ ਬਲਕਿ ਦਿਮਾਗ ਨੂੰ ਵੀ ਸ਼ਾਂਤ ਕਰਦੀ ਹੈ। ਹਰਬਲ ਟੀ ਤੋਂ ਇਲਾਵਾ ਤੁਸੀਂ ਗ੍ਰੀਨ ਟੀ, ਕੈਮੋਮਾਈਲ ਟੀ ਵੀ ਲੈ ਸਕਦੇ ਹੋ।
ਸੌਂਫ ਅਤੇ ਦਾਲਚੀਨੀ: ਸੌਂਫ ਅਤੇ ਦਾਲਚੀਨੀ ‘ਚ ਕੁੱਝ ਅਜਿਹੇ ਯੋਗਿਕ ਹੁੰਦੇ ਹਨ ਜੋ ਪੀਰੀਅਡਜ ‘ਚ ਏਂਠਨ ਨੂੰ ਘੱਟ ਕਰਦੇ ਹਨ। ਤੁਸੀਂ ਇਨ੍ਹਾਂ ਦੋਹਾਂ ਦਾ ਪਾਊਡਰ ਬਣਾਕੇ ਗੁਣਗੁਣੇ ਪਾਣੀ ਜਾਂ ਦੁੱਧ ‘ਚ ਮਿਲਾ ਲਓ।
ਸਰੀਰ ਨੂੰ ਹਾਈਡਰੇਟ ਰੱਖੋ: ਸਰੀਰ ਨੂੰ ਭਰਪੂਰ ਪਾਣੀ ਨਾਲ ਹਾਈਡਰੇਟ ਰੱਖਣ ਲਈ ਜੂਸ, ਨਾਰੀਅਲ ਪਾਣੀ ਆਦਿ ਦਾ ਸੇਵਨ ਕਰੋ। ਇਸ ਤੋਂ ਇਲਾਵਾ ਤੁਸੀਂ ਪਾਣੀ ਨਾਲ ਭਰਪੂਰ ਕੁਝ ਫੂਡਜ਼ ਨੂੰ ਵੀ ਡਾਈਟ ‘ਚ ਸ਼ਾਮਲ ਕਰ ਸਕਦੇ ਹੋ।
ਹਲਦੀ ਵਾਲਾ ਦੁੱਧ ਪੀਓ: ਹਲਦੀ ‘ਚ ਕਰਕਿਊਮਿਨ ਹੁੰਦਾ ਹੈ ਜੋ ਪੀਰੀਅਡਜ਼ ਦੀ ਏਂਠਨ ਨੂੰ ਘੱਟ ਕਰਨ ‘ਚ ਮਦਦ ਕਰਦਾ ਹੈ। ਰਾਤ ਨੂੰ ਸੌਣ ਤੋਂ ਪਹਿਲਾਂ ਜਾਂ ਨਾਸ਼ਤੇ ‘ਚ 1 ਗਿਲਾਸ ਦੁੱਧ ‘ਚ ਹਲਦੀ ਅਤੇ ਸ਼ਹਿਦ ਮਿਲਾ ਕੇ ਪੀਓ।
