ਥਾਇਰਾਈਡ ਦੀ ਸਮੱਸਿਆ ਤੋਂ ਬਚਾਅ ਲਈ ਦਵਾਈ ਦੇ ਨਾਲ ਹੀ ਸਹੀ ਖਾਣ-ਪੀਣ ਬਹੁਤ ਜ਼ਰੂਰੀ ਹੈ। ਜੇਕਰ ਕਿਸੇ ਨੂੰ ਥਾਇਰਾਈਡ ਹੋ ਗਿਆ ਹੈ ਤਾਂ ਉਨ੍ਹਾਂ ਨੂੰ ਕੁਝ ਚੀਜ਼ਾਂ ਨੂੰ ਖਾਣ ਤੋਂ ਪਰਹੇਜ਼ ਕਰਨਾ ਚਾਹੀਦਾ ਹੈ।
ਅਨ-ਹੈਲਦੀ ਲਾਈਫ ਸਟਾਈਲ ਤੇ ਖਾਣ-ਪੀਣ ਦੀਆਂ ਗਲਤ ਆਦਤਾਂ ਕਾਰਨ ਜਿਆਦਾਤਰ ਲੋਕਾਂ ਨੂੰ ਸਮੱਸਿਆਵਾਂ ਹੋ ਰਹੀਆਂ ਹਨ। ਇਨ੍ਹਾਂ ਬੀਮਾਰੀਆਂ ਵਿਚ ਥਾਇਰਾਈਡ ਦੀ ਬੀਮਾਰੀ ਆਮ ਹੈ। ਥਾਇਰਾਈਡ ਹੋਣ ‘ਤੇ ਕੁਝ ਜ਼ਰੂਰੀ ਹਾਰਮੋਨ ਬਹੁਤ ਜ਼ਿਆਦਾ ਜਾਂ ਬਹੁਤ ਘੱਟ ਬਣਦੇ ਹਨ। ਥਾਇਰਾਈਡ ਕਈ ਤਰ੍ਹਾਂ ਦੇ ਹੁੰਦੇ ਹਨ ਜਿਸ ਵਿੱਚ ਹਾਈਪਰਥਾਇਰਾਇਡਿਜ਼ਮ, ਹਾਈਪੋਥਾਇਰਾਇਡਿਜ਼ਮ, ਥਾਇਰਾਇਡਾਈਟਿਸ ਅਤੇ ਹਾਸ਼ੀਮੋਟੋ ਥਾਇਰਾਇਡਾਈਟਿਸ ਸ਼ਾਮਲ ਹਨ। ਇਸ ਸਮੱਸਿਆ ਤੋਂ ਬਚਣ ਲਈ ਦਵਾਈਆਂ ਦੇ ਨਾਲ-ਨਾਲ ਖਾਣ-ਪੀਣ ਦਾ ਵੀ ਸਹੀ ਧਿਆਨ ਰੱਖਣਾ ਬਹੁਤ ਜ਼ਰੂਰੀ ਹੈ।
ਕਰੁਸਫੇਰਸ ਸਬਜ਼ੀਆਂ
ਕਰੁਸਫੇਰਸ ਸਬਜ਼ੀਆਂ ਵਿਚ ਗੋਇਟ੍ਰੋਜਨ ਬਹੁਤ ਜ਼ਿਆਦਾ ਹੁੰਦਾ ਹੈ। ਜੇਕਰ ਤੁਹਾਨੂੰ ਥਾਇਰਾਈਡ ਦੀ ਸਮੱਸਿਆ ਹੈ ਤਾਂ ਬ੍ਰੋਕਲੀ, ਪਾਲਕ, ਪੱਤਾਗੋਭੀ ਤੇ ਫੁੱਲਗੋਭੀ ਖਾਣ ਤੋਂ ਬਚੋ।
ਫਾਈਬਰ ਨਾਲ ਭਰਪੂਰ ਖਾਣ ਦੀਆਂ ਚੀਜ਼ਾਂ
ਸੇਮ, ਫਲੀਆਂ ਤੇ ਸਬਜ਼ੀਆਂ ਵਰਗੇ ਰੇਸ਼ੇਦਾਰ ਖਾਣ ਦੀਆਂ ਚੀਜ਼ਾਂ ਹਾਈਪੋਥਾਇਰਾਈਡ ਮਰੀਜ਼ ਵਿਚ ਸਮੱਸਿਆ ਦਾ ਕਾਰਨ ਬਣ ਸਕਦੀ ਹੈ। ਹਾਈ ਫਾਈਬਰ ਡਾਇਟ ਜਿਵੇਂ ਕਿ ਹਰੀਆਂ ਫਲੀਆਂ ਤੇ ਸਾਬੁਤ ਅਨਾਜ, ਸਾਧਾਰਨ ਪਾਚਣ ਤੰਤਰ ਤੇ ਸਰੀਰ ਦੀ ਹਾਈਪੋਥਾਇਰਾਈਡਜ਼ਮ ਦਵਾਈ ਨੂੰ ਲੀਨ ਕਰਨ ਦੀ ਸਮਰੱਥਾ ਵਿੱਚ ਵਿਘਨ ਪਾ ਸਕਦਾ ਹੈ। ਇਸ ਲਈ ਹਰੀਆਂ ਫਲੀਆਂ ਵਰਗੀਆਂ ਖਾਣ ਵਾਲੀਆਂ ਚੀਜ਼ਾਂ ਤੋਂ ਪਰਹੇਜ਼ ਕਰਨਾ ਚਾਹੀਦਾ ਹੈ ਜਾਂ ਘੱਟ ਖਾਣਾ ਚਾਹੀਦਾ ਹੈ।
ਇੰਫਲਾਮੇਟਰੀ ਖਾਣ ਤੋਂ ਬਚੋ
ਹਾਈਪਰਥਾਇਰਾਇਡਿਜ਼ਮ ਵਿੱਚ, ਬਹੁਤ ਸਾਰੀਆਂ ਖਾਣ ਵਾਲੀਆਂ ਚੀਜ਼ਾਂ ਨੂੰ ਸੋਜਸ਼ ਨੂੰ ਵਧਾਉਣ ਲਈ ਮੰਨਿਆ ਜਾਂਦਾ ਹੈ। ਇਨ੍ਹਾਂ ਭੋਜਨ ਪਦਾਰਥਾਂ ਨੂੰ ਬਹੁਤ ਜ਼ਿਆਦਾ ਖਾਣ ਨਾਲ ਥਾਇਰਾਇਡ ਗਲੈਂਡ ਵਿੱਚ ਸੋਜ ਆ ਸਕਦੀ ਹੈ ਅਤੇ ਸਥਿਤੀ ਵਿਗੜ ਸਕਦੀ ਹੈ। ਇਸ ਲਈ ਸਟ੍ਰਾਅਬੇਰੀ, ਆੜੂ, ਵਸਾ ਯੁਕਤ ਖਾਣਾ ਜਿਵੇਂ ਸ਼ੰਕਰਕੰਦ ਤੋਂ ਬਚੋ। ਇਸ ਤੋਂ ਇਲਾਵਾ ਜ਼ਿਆਦਾ ਖੰਡ ਵਾਲੀਆਂ ਚੀਜ਼ਾਂ ਸ਼ੂਗਰ ਲੈਵਲ ਤੇ ਸੋਜਿਸ਼ ਨੂੰ ਵਧਾ ਸਕਦੀਆਂ ਹਨ।
ਹਾਈਪੋਥਾਇਰਾਇਡਿਜ਼ਮ ਵਿੱਚ ਨਟਸ ਤੋਂ ਕਰੋ ਪਰਹੇਜ਼
ਜਿਹੜੇ ਲੋਕਾਂ ਨੂੰ ਹਾਈਪੋਥਾਇਰਾਇਡਿਜ਼ਮ ਹੈ, ਉਨ੍ਹਾਂ ਨੂੰ ਬਾਜਰਾ, ਮੂੰਗਫਲੀ ਜਾਂ ਪਾਇਨ ਨੱਟਸ ਵਰਗੇ ਬਹੁਤ ਸਾਰੇ ਨਟਸ ਖਾਣ ਤੋਂ ਬਚਣਾ ਚਾਹੀਦਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
