Whole grains benefits: ਸਾਬਤ ਅਨਾਜ ਦਾ ਸੇਵਨ ਸਰੀਰ ਲਈ ਕਈ ਤਰੀਕਿਆਂ ਨਾਲ ਲਾਭਕਾਰੀ ਹੈ। ਕਣਕ ਸਾਬਤ ਅਨਾਜ ਦਾ ਮੁੱਖ ਸਰੋਤ ਹੈ। ਪਰ ਜਦੋਂ ਕਣਕ ਨੂੰ ਰਿਫਾਇਨ ਕੀਤਾ ਜਾਂਦਾ ਹੈ ਉਦੋਂ ਫਾਈਬਰ ਦੇ ਨਾਲ ਹੋਰ ਵੀ ਬਹੁਤ ਸਾਰੇ ਪੌਸ਼ਟਿਕ ਤੱਤ ਖਤਮ ਹੋ ਜਾਂਦੇ ਹਨ। ਭਾਵ ਕਣਕ ਨੂੰ ਰਿਫਾਇਨ ਕਰਨ ਤੋਂ ਬਾਅਦ ਸਿਰਫ ਮੈਦਾ ਬਚ ਜਾਂਦਾ ਹੈ ਜੋ ਸਿਹਤ ਨੂੰ ਨੁਕਸਾਨ ਪਹੁੰਚਾਉਂਦਾ ਹੈ। ਤੁਸੀਂ ਇਸ ਨੂੰ ਲੈ ਕੇ ਸ਼ੂਗਰ ਵਰਗੀਆਂ ਬਿਮਾਰੀਆਂ ਦਾ ਵੀ ਸ਼ਿਕਾਰ ਹੋ ਸਕਦੇ ਹੋ। ਕਣਕ ਤੋਂ ਇਲਾਵਾ ਹੋਰ ਵੀ ਬਹੁਤ ਸਾਰੇ ਅਨਾਜ ਹਨ ਜੋ ਤੁਹਾਨੂੰ ਸ਼ੂਗਰ ਵਰਗੀਆਂ ਬਿਮਾਰੀਆਂ ਤੋਂ ਬਚਾਉਣ ਵਿਚ ਸਹਾਇਤਾ ਕਰਦੇ ਹਨ। ਆਓ ਜਾਣਦੇ ਹਾਂ ਇਸ ਬਾਰੇ ਵਿਸਥਾਰ ਵਿੱਚ…
ਕਣਕ ਦਾ ਸੇਵਨ: ਜਦੋਂ ਅਸੀਂ ਬਿਨ੍ਹਾਂ ਛਾਣੇ ਕਣਕ ਦੇ ਆਟੇ ਦੀ ਰੋਟੀ ਖਾ ਲੈਂਦੇ ਹਾਂ ਤਾਂ ਸਰੀਰ ਇਸ ਨੂੰ ਹਜ਼ਮ ਕਰਨ ਵਿਚ ਸਮਾਂ ਲੈਂਦਾ ਹੈ। ਜਿਸ ਕਾਰਨ ਸਰੀਰ ਵਿਚ ਚੀਨੀ ਦੀ ਮਾਤਰਾ ਹੌਲੀ ਹੌਲੀ ਵੱਧ ਜਾਂਦੀ ਹੈ। ਨਤੀਜੇ ਵਜੋਂ ਜਿਨ੍ਹਾਂ ਲੋਕਾਂ ਨੂੰ ਸ਼ੂਗਰ ਦੀ ਸਮੱਸਿਆ ਹੈ ਉਨ੍ਹਾਂ ਦੇ ਬਲੱਡ ਸ਼ੂਗਰ ਦਾ ਪੱਧਰ ਤੇਜ਼ੀ ਨਾਲ ਨਹੀਂ ਵਧਦਾ। ਬਲਕਿ ਸਰੀਰ ਵਿਚ ਇਨਸੁਲਿਨ ਦੀ ਮਾਤਰਾ ਬਰਾਬਰ ਰਹਿੰਦੀ ਹੈ।
ਦਲੀਆ: ਕਣਕ ਤੋਂ ਇਲਾਵਾ ਦਲੀਏ ਦਾ ਸੇਵਨ ਤੁਹਾਡੇ ਲਈ ਫਾਇਦੇਮੰਦ ਹੈ। ਨਾਸ਼ਤੇ ‘ਚ ਦਲੀਏ ਖਾਣਾ ਤੁਹਾਡੇ ਪੇਟ ਨੂੰ ਲੰਬੇ ਸਮੇਂ ਲਈ ਭਰਿਆ ਰੱਖਦਾ ਹੈ ਨਾਲ ਹੀ ਜਿਸ ਨਾਲ ਤੁਹਾਡਾ ਵਜ਼ਨ ਸੰਤੁਲਨ ‘ਚ ਰਹਿੰਦਾ ਹੈ। ਇਕੋ ਵਜ਼ਨ ਹੋਣ ਕਰਕੇ ਤੁਸੀਂ ਬਲੱਡ ਸ਼ੂਗਰ ਜਾਂ ਹਾਈ ਬਲੱਡ ਪ੍ਰੈਸ਼ਰ ਵਰਗੀਆਂ ਬਿਮਾਰੀਆਂ ਦਾ ਸ਼ਿਕਾਰ ਨਹੀਂ ਹੁੰਦੇ।
ਓਟਸ: ਸਾਬਤ ਅਨਾਜ ਦੇ ਤੌਰ ‘ਤੇ ਅਸੀਂ ਓਟਸ ਵੀ ਖਾ ਸਕਦੇ ਹਾਂ। ਬਲੱਡ ਸ਼ੂਗਰ ਤੋਂ ਇਲਾਵਾ ਇਹ ਕੋਲੈਸਟ੍ਰੋਲ ਦੇ ਪੱਧਰ, ਬਲੱਡ ਸ਼ੂਗਰ ਦੇ ਪੱਧਰ ਅਤੇ ਸਰੀਰ ਦੇ ਭਾਰ ਨੂੰ ਨਿਯੰਤਰਿਤ ਕਰਨ ਵਿਚ ਸਹਾਇਤਾ ਕਰਦਾ ਹੈ।
ਜਵਾਰ ਦੀ ਰੋਟੀ: ਸ਼ੂਗਰ ਦੇ ਮਰੀਜ਼ਾਂ ਲਈ ਬਾਜਰੇ ਦੀ ਰੋਟੀ ਬਹੁਤ ਫਾਇਦੇਮੰਦ ਹੁੰਦੀ ਹੈ। ਜਿਨ੍ਹਾਂ ਲੋਕਾਂ ਨੂੰ ਫ਼ੂਡ ਐਲਰਜੀ ਦੀ ਸਮੱਸਿਆ ਹੁੰਦੀ ਹੈ ਉਨ੍ਹਾਂ ਨੂੰ ਜਵਾਰ ਦੀ ਰੋਟੀ ਵੀ ਖਾਣੀ ਚਾਹੀਦੀ ਹੈ। ਜਵਾਰ ਤੋਂ ਇਲਾਵਾ ਕਿਨੋਆ ਅਤੇ ਚਨੇ ਦੇ ਆਟੇ ਦੀ ਰੋਟੀ ਦਾ ਵੀ ਫਾਇਦਾ ਹੁੰਦਾ ਹੈ।
