Women Migraine Pain tips: ਵੈਸੇ ਤਾਂ ਸਿਰ ਦਰਦ ਹੋਣਾ ਇੱਕ ਆਮ ਸਮੱਸਿਆ ਹੈ ਪਰ ਕਈ ਵਾਰ ਇਸ ਦਰਦ ਨੂੰ ਬਰਦਾਸ਼ਤ ਕਰਨਾ ਮੁਸ਼ਕਿਲ ਹੋ ਜਾਂਦਾ ਹੈ। ਅੱਧੇ ਹਿੱਸੇ ‘ਚ ਅਸਹਿ ਦਰਦ ਮਾਈਗ੍ਰੇਨ ਦਾ ਕਾਰਨ ਵੀ ਹੋ ਸਕਦਾ ਹੈ। ਤਣਾਅ, ਮੌਸਮ ‘ਚ ਤਬਦੀਲੀ, ਚਿੰਤਾ, ਸਦਮਾ, ਟੈਂਸ਼ਨ, ਨੀਂਦ ਦੀ ਕਮੀ ਦੇ ਕਾਰਨ ਮਾਈਗ੍ਰੇਨ ਦੀ ਸਮੱਸਿਆ ਅੱਜਕਲ ਆਮ ਹੋ ਗਈ ਹੈ ਪਰ ਔਰਤਾਂ ਇਸ ਦਾ ਤੇਜ਼ੀ ਨਾਲ ਸ਼ਿਕਾਰ ਹੋ ਰਹੀਆਂ ਹਨ।
ਮਾਈਗ੍ਰੇਨ ਨੂੰ ਗੰਭੀਰਤਾ ਨਾਲ ਨਹੀਂ ਲੈਂਦੀਆਂ ਔਰਤਾਂ: ਇੱਕ ਰਿਸਰਚ ਅਨੁਸਾਰ ਮਾਈਗ੍ਰੇਨ ਨੇ ਲਗਭਗ 20 ਫੀਸਦੀ ਔਰਤਾਂ ਨੂੰ ਆਪਣਾ ਸ਼ਿਕਾਰ ਬਣਾਇਆ ਹੈ। 2015 ਦੇ ਅੰਕੜਿਆਂ ‘ਚ ਇਹ ਵੀ ਪਾਇਆ ਗਿਆ ਕਿ 19 ਫੀਸਦੀ ਔਰਤਾਂ ਜਦੋਂ ਕਿ 9 ਫੀਸਦੀ ਮਰਦਾਂ ਨੂੰ ਇਹ ਸਮੱਸਿਆ ਹੋਣ ਦਾ ਖਤਰਾ ਰਹਿੰਦਾ ਹੈ, ਫਿਰ ਵੀ ਔਰਤਾਂ ਮਾਈਗ੍ਰੇਨ ਨੂੰ ਗੰਭੀਰਤਾ ਨਾਲ ਨਹੀਂ ਲੈ ਰਹੀਆਂ ਅਤੇ ਨਾ ਹੀ ਇਸ ਦਾ ਸਹੀ ਟ੍ਰੀਟਮੈਂਟ ਕਰਵਾਉਂਦੀਆਂ ਹਨ।
ਕੀ ਹਨ ਇਸ ਬਿਮਾਰੀ ਦਾ ਕਾਰਨ: ਗਲਤ ਡਾਇਟ, ਰੁਟੀਨ, ਤਣਾਅ, ਵਾਤਾਵਰਨ ‘ਚ ਬਦਲਾਅ, ਹਾਰਮੋਨਸ ‘ਚ ਬਦਲਾਅ ਆਉਣਾ ਜਾਂ ਬਹੁਤ ਜ਼ਿਆਦਾ ਨੀਂਦ ਮਾਈਗਰੇਨ ਦੇ ਮੁੱਖ ਕਾਰਨ ਹਨ। ਡਿਪਰੈਸ਼ਨ, Anxiety Disorder, ਤਣਾਅ ਮਾਈਗ੍ਰੇਨ ਕਾਰਨ ਹੋਣ ਵਾਲੀਆਂ ਮਾਨਸਿਕ ਬਿਮਾਰੀਆਂ ਹਨ। ਭਾਰਤ ‘ਚ ਮਾਈਗ੍ਰੇਨ ਦੇ ਮਰੀਜ਼ਾਂ ਦੀ ਗਿਣਤੀ ਮਰਦਾਂ ਦੇ ਮੁਕਾਬਲੇ ਔਰਤਾਂ ਨਾਲੋਂ ਤਿੰਨ ਗੁਣਾ ਜ਼ਿਆਦਾ ਹੈ।
ਮਾਈਗਰੇਨ ‘ਚ ਦਿੱਖਣ ਵਾਲੇ ਲੱਛਣ
- ਸਿਰ ਦਾ ਲਗਾਤਾਰ ਤੇਜ਼ੀ ਨਾਲ ਫੜਫੜਾਉਣਾ
- ਸਵੇਰੇ ਉੱਠਦੇ ਹੀ ਸਿਰ ‘ਚ ਭਾਰੀਪਨ ਅਤੇ ਤੇਜ਼ ਦਰਦ ਮਹਿਸੂਸ ਹੋਣਾ
- ਉਲਟੀ ਆਉਣਾ
- ਸਿਰ ਦੇ ਇੱਕ ਪਾਸੇ ‘ਚ ਲਗਾਤਾਰ ਦਰਦ ਰਹਿਣਾ
- ਅੱਖਾਂ ‘ਚ ਦਰਦ ਅਤੇ ਭਾਰੀਪਨ ਮਹਿਸੂਸ ਹੋਣਾ
- ਤੇਜ਼ ਰੋਸ਼ਨੀ ਅਤੇ ਆਵਾਜ਼ ਤੋਂ ਪ੍ਰੇਸ਼ਾਨੀ ਹੋਣਾ
- ਦਿਨ ਵੇਲੇ ਵੀ ਉਬਾਸੀ ਆਉਣਾ
- ਅਚਾਨਕ ਕਦੇ ਖੁਸ਼ੀ ਹੁੰਦੀ ਹੈ ਅਤੇ ਕਦੇ ਉਦਾਸੀ
- ਚੰਗੀ ਨੀਂਦ ਨਾ ਆਉਣਾ
- ਵਾਰ-ਵਾਰ ਯੂਰਿਨ ਆਉਣਾ
ਔਰਤਾਂ ਕਿਉਂ ਹੋ ਰਹੀਆਂ ਹਨ ਸ਼ਿਕਾਰ: ਸਿਹਤ ਮਾਹਿਰਾਂ ਮੁਤਾਬਕ ਔਰਤਾਂ ‘ਚ ਮਾਹਵਾਰੀ ਦੌਰਾਨ ਹਾਰਮੋਨਲ ਬਦਲਾਅ ਕਾਰਨ ਮਾਈਗ੍ਰੇਨ ਦਾ ਖ਼ਤਰਾ ਵੀ ਵੱਧ ਜਾਂਦਾ ਹੈ। ਇਸ ਤੋਂ ਇਲਾਵਾ ਤਣਾਅ, ਉਦਾਸੀ, ਚਿੰਤਾ ਅਤੇ ਉਤੇਜਨਾ ਵਰਗੀਆਂ ਸਥਿਤੀਆਂ ਵੀ ਮਾਈਗ੍ਰੇਨ ਨੂੰ ਵਧਾ ਸਕਦੀਆਂ ਹਨ। ਇਸ ਨੂੰ ਸਾਧਾਰਨ ਬਿਮਾਰੀ ਸਮਝ ਕੇ ਉਹ ਪੇਨਕਿੱਲਰ ਖਾ ਲੈਂਦੀਆਂ ਹਨ ਅਤੇ ਬਿਨਾਂ ਸਹੀ ਇਲਾਜ ਦੇ ਜਿਉਂਦੇ ਰਹਿੰਦੀਆਂ ਹਨ। ਉਹ ਇਸ ਨੂੰ ਉਦੋਂ ਤੱਕ ਨਜ਼ਰਅੰਦਾਜ਼ ਕਰਦੀਆਂ ਹਨ ਜਦੋਂ ਤੱਕ ਇਹ ਇੱਕ ਗੰਭੀਰ ਬਿਮਾਰੀ ‘ਚ ਬਦਲ ਨਹੀਂ ਜਾਂਦੀ।
ਮਾਈਗਰੇਨ ਦਾ ਇਲਾਜ
- ਯੋਗਾ, ਐਕਯੂਪ੍ਰੈਸ਼ਰ ਅਤੇ ਨਿਯਮਤ ਕਸਰਤ ਨਾਲ ਮਾਈਗ੍ਰੇਨ ਦੇ ਅਟੈਕ ਨੂੰ ਘੱਟ ਕਰਨ ‘ਚ ਮਦਦ ਮਿਲਦੀ ਹੈ।
- ਬਹੁਤ ਤੇਜ਼ ਅਤੇ ਸਟਿੰਗਿੰਗ ਲਾਈਟਾਂ ਤੋਂ ਬਚੋ
- ਇੱਕ ਸੰਤੁਲਿਤ ਰੁਟੀਨ ਦੀ ਪਾਲਣਾ ਕਰੋ
- ਸਮੇਂ ਸਿਰ ਸੌਣਾ ਅਤੇ ਉੱਠਣਾ ਚਾਹੀਦਾ
- ਨਿਯਮਿਤ ਤੌਰ ‘ਤੇ ਕਸਰਤ ਕਰੋ
- ਜ਼ਿਆਦਾ ਦੇਰ ਤੱਕ ਭੁੱਖੇ ਨਾ ਰਹੋ
- ਮਾਈਗਰੇਨ ਦੌਰਾਨ ਫ਼ੋਨ ਜਾਂ ਲੈਪਟਾਪ ਦੀ ਵਰਤੋਂ ਨਾ ਕਰੋ
