imprisonment for hafiz saeed: ਮੁੰਬਈ ਹਮਲੇ ਦੇ ਮਾਸਟਰ ਮਾਈਂਡ ਹਾਫਿਜ਼ ਸਈਦ ਨੂੰ ਪਾਕਿਸਤਾਨ ਦੀ ਐਂਟੀ ਟੈਰਰ ਕੋਰਟ ਨੇ 10 ਸਾਲ 6 ਮਹੀਨਿਆਂ ਦੀ ਸਜ਼ਾ ਸੁਣਾਈ ਹੈ। ਅਦਾਲਤ ਨੇ ਸਈਦ ਨੂੰ ਅੱਤਵਾਦੀ ਫੰਡਿੰਗ ਨਾਲ ਜੁੜੇ ਦੋ ਮਾਮਲਿਆਂ ਵਿੱਚ ਸਜ਼ਾ ਸੁਣਾਈ ਹੈ। ਸਈਦ ਦੇ ਨਾਲ, ਜ਼ਫਰ ਇਕਬਾਲ, ਯਾਹੀਆ ਮੁਜਾਹਿਦ ਅਤੇ ਅਬਦੁੱਲ ਰਹਿਮਾਨ ਮੱਕੀ ਨੂੰ ਵੀ ਸਾਢੇ 10 ਸਾਲ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ। ਹਾਫਿਜ਼ ਸਈਦ ਨੂੰ ਜੁਲਾਈ 2019 ਵਿੱਚ ਗ੍ਰਿਫਤਾਰ ਕੀਤਾ ਗਿਆ ਸੀ ਅਤੇ ਹੁਣ ਤੱਕ ਉਸਦੇ ਖਿਲਾਫ ਚਾਰ ਮਾਮਲਿਆਂ ਵਿੱਚ ਦੋਸ਼ ਤੈਅ ਕੀਤੇ ਗਏ ਹਨ। ਸੀਟੀਡੀ ਵੱਲੋਂ ਜਮਾਤ-ਉਦ-ਦਾਵਾ ਦੇ ਨੇਤਾਵਾਂ ਖਿਲਾਫ ਕੁੱਲ 41 ਕੇਸ ਦਰਜ ਕੀਤੇ ਗਏ ਹਨ, ਜਿਨ੍ਹਾਂ ਵਿੱਚੋਂ 24 ਦੇ ਫੈਸਲੇ ਕੀਤੇ ਜਾਂ ਚੁੱਕੇ ਹਨ, ਜਦਕਿ ਬਾਕੀ ਏਟੀਸੀ ਅਦਾਲਤ ਵਿੱਚ ਵਿਚਾਰ ਅਧੀਨ ਹਨ। ਖਬਰਾਂ ਦੇ ਅਨੁਸਾਰ ਸਈਦ ‘ਤੇ ਅੱਤਵਾਦੀ ਵਿੱਤ, ਮਨੀ ਲਾਂਡਰਿੰਗ ਅਤੇ ਜ਼ਮੀਨਾਂ ਤੇ ਗੈਰਕਨੂੰਨੀ ਕਬਜ਼ੇ ਕਰਨ ਦੇ ਮਾਮਲੇ ਚੱਲ ਰਹੇ ਹਨ।
ਦੱਸ ਦੇਈਏ ਕਿ ਇਸ ਸਾਲ ਹਾਫਿਜ਼ ਸਈਦ ਨੂੰ ਚੌਥੀ ਵਾਰ ਸਜ਼ਾ ਸੁਣਾਈ ਗਈ ਹੈ। ਅੱਤਵਾਦੀ ਫਿਲਹਾਲ ਲਾਹੌਰ ਦੇ ਇੱਕ ਹੋਰ ਅੱਤਵਾਦੀ ਫੰਡਿੰਗ ਮਾਮਲੇ ਵਿੱਚ 5 ਸਾਲ ਦੀ ਸਜ਼ਾ ਕੱਟ ਰਿਹਾ ਹੈ। ਰਿਪੋਰਟਾਂ ਦੇ ਅਨੁਸਾਰ ਸਈਦ ‘ਤੇ ਅੱਤਵਾਦੀ ਵਿੱਤ, ਮਨੀ ਲਾਂਡਰਿੰਗ, ਜ਼ਮੀਨਾਂ ‘ਤੇ ਗੈਰਕਾਨੂੰਨੀ ਕਬਜ਼ੇ ਕਰਨ ਸਮੇਤ ਕੁੱਲ 29 ਮਾਮਲੇ ਚੱਲ ਰਹੇ ਹਨ। ਅਗਸਤ ਵਿੱਚ ਐਂਟੀ ਟੈਰੋਰਿਜ਼ਮ ਕੋਰਟ ਨੇ ਜਮਾਤ-ਉਦ-ਦਾਵਾ ਦੇ ਤਿੰਨ ਪ੍ਰਮੁੱਖ ਨੇਤਾਵਾਂ ਅਤੇ ਬਦਨਾਮ ਅੱਤਵਾਦੀ ਹਾਫਿਜ਼ ਸਈਦ ਦੇ ਨੇੜਲੇ ਲੋਕਾਂ ਨੂੰ ਉਮਰ ਕੈਦ ਦੀ ਸਜ਼ਾ ਸੁਣਾਈ ਸੀ। ਲਾਹੌਰ ਦੇ ਪ੍ਰੋਫੈਸਰ ਮਲਿਕ ਜ਼ਫਰ ਇਕਬਾਲ ਅਤੇ ਸ਼ੇਖਪੁਰਾ ਦੇ ਅਬਦੁੱਲ ਸਲਾਮ ਨੂੰ 16-16 ਸਾਲ ਕੈਦ ਦੀ ਸਜ਼ਾ ਸੁਣਾਈ ਗਈ ਸੀ। ਦੋਵਾਂ ਨੂੰ ਕਈ ਵੱਖੋ ਵੱਖਰੇ ਮਾਮਲਿਆਂ ਵਿੱਚ 16-16 ਸਾਲਾਂ ਦੀ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ।
ਇਹ ਵੀ ਦੇਖੋ : ‘Bains ਦੀ ਉਲਟੀ ਗਿਣਤੀ ਸ਼ੁਰੂ, 6 ਮਹੀਨੇ ਜ਼ਮਾਨਤ ਵੀ ਨਹੀਂ ਹੋਵੇਗੀ’
