Indian american health workers protest : ਭਾਰਤੀ ਅਮਰੀਕੀ ਫਰੰਟ ਲਾਈਨ ਸਿਹਤ ਕਰਮਚਾਰੀਆਂ ਨੇ ਗ੍ਰੀਨ ਕਾਰਡ ਦੀਆਂ ਅਰਜ਼ੀਆਂ ਲਟਕਣ ਦੇ ਵਿਰੁੱਧ ਯੂਐਸ ਸੰਸਦ ਭਵਨ ਦੇ ਸਾਹਮਣੇ ਵਿਰੋਧ ਪ੍ਰਦਰਸ਼ਨ ਕੀਤਾ ਹੈ। ਉਨ੍ਹਾਂ ਨੇ ਸੰਸਦ ਮੈਂਬਰਾਂ ਅਤੇ ਬਾਈਡਨ ਪ੍ਰਸ਼ਾਸਨ ਤੋਂ ਮੰਗ ਕੀਤੀ ਕਿ ਦੇਸ਼ ਵਿੱਚ ਸਥਾਈ ਰੂਪ ‘ਚ ਰਹਿਣ ਦਾ ਕਾਰਡ ਪ੍ਰਾਪਤ ਕਰਨ ਲਈ ਪ੍ਰਤੀ ਵਿਅਕਤੀ ਦੇਸ-ਵਿਸ਼ੇਸ਼ ਦਾ ਕੋਟਾ ਖ਼ਤਮ ਕੀਤਾ ਜਾਵੇ। ਅਮਰੀਕਾ ਵਿੱਚ ਗ੍ਰੀਨ ਕਾਰਡ ਦੀਆਂ ਲੱਗਭਗ 4.73 ਲੱਖ ਐਪਲੀਕੇਸ਼ਨਾਂ ਪੈਂਡਿੰਗ ਹਨ। ਰਸਮੀ ਤੌਰ ‘ਤੇ ਸਥਾਈ ਨਿਵਾਸ ਕਾਰਡ ਨੂੰ ਗ੍ਰੀਨ ਕਾਰਡ ਵਜੋਂ ਜਾਣਿਆ ਜਾਂਦਾ ਹੈ। ਅਮਰੀਕਾ ਇਸ ਨੂੰ ਪ੍ਰਵਾਸੀਆਂ ਨੂੰ ਜਾਰੀ ਕਰਦਾ ਹੈ। ਐੱਚ -1 ਬੀ ਵਰਕ ਵੀਜ਼ਾ ‘ਤੇ ਅਮਰੀਕਾ ਆਉਣ ਵਾਲੇ ਭਾਰਤੀ ਆਈਟੀ ਪੇਸ਼ੇਵਰ ਮੁੱਖ ਤੌਰ ਤੇ ਮੌਜੂਦਾ ਇਮੀਗ੍ਰੇਸ਼ਨ ਪ੍ਰਣਾਲੀ ਦੁਆਰਾ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹਨ।
ਸੰਕਰਮਿਤ ਬਿਮਾਰੀ ਦੇ ਡਾਕਟਰ ਰਾਜ ਕਰਨਾਟਕ ਅਤੇ ਫੇਫੜਿਆਂ ਦੇ ਡਾਕਟਰ ਪ੍ਰਣਬ ਸਿੰਘ ਨੇ ਕਿਹਾ, “ਅਸੀਂ ਫਰੰਟ ਲਾਈਨ ਦੇ ਕੋਵਿਡ -19 ਯੋਧੇ ਹਾਂ ਅਤੇ ਅਸੀਂ ਸਾਰੇ ਦੇਸ਼ ਤੋਂ ਇਨਸਾਫ ਲੈਣ ਲਈ ਇੱਥੇ ਆਏ ਹਾਂ। ਅਸੀਂ ਉਸ ਇਨਸਾਫ ਲਈ ਆਏ ਹਾਂ ਜਿਸ ਨੂੰ ਕਈ ਦਹਾਕਿਆਂ ਤੋਂ ਇਨਕਾਰ ਕੀਤਾ ਜਾਂਦਾ ਰਿਹਾ ਹੈ। ਸ਼ਾਂਤਮਈ ਪ੍ਰਦਰਸ਼ਨ ਦੇ ਪ੍ਰਬੰਧਕਾਂ ਦੋ ਭਾਰਤੀ-ਅਮਰੀਕੀ ਡਾਕਟਰਾਂ ਨੇ ਕਿਹਾ ਕਿ , ਸਾਡੇ ਵਿੱਚੋਂ ਬਹੁਤੇ ਭਾਰਤੀ ਹਨ। ਸਾਨੂੰ ਅਮਰੀਕਾ ਵਿੱਚ ਸਿਖਲਾਈ ਦਿੱਤੀ ਗਈ ਹੈ ਅਤੇ ਅਸੀਂ ਪੇਂਡੂ ਅਤੇ ਪਛੜੇ ਖੇਤਰਾਂ ਵਿੱਚ ਸੇਵਾ ਕਰ ਰਹੇ ਹਾਂ। ਪਰ ਗ੍ਰੀਨ ਕਾਰਡ ਐਪਲੀਕੇਸ਼ਨਾਂ ਦੇ ਪੈਂਡਿੰਗ ਹੋਣ ਕਰਕੇ, ਅਸੀਂ ਆਪਣੀਆਂ ਨੌਕਰੀਆਂ ਵੀ ਨਹੀਂ ਬਦਲ ਸਕਦੇ।
