ਅਫਗਾਨਿਸਤਾਨ ਦੇ ਵਿਗੜਦੇ ਹਾਲਾਤਾਂ ਦੇ ਵਿਚਕਾਰ ਰਾਸ਼ਟਰਪਤੀ ਅਸ਼ਰਫ ਗਨੀ ਨੇ ਸ਼ਨੀਵਾਰ ਨੂੰ ਰਾਸ਼ਟਰ ਨੂੰ ਸੰਬੋਧਨ ਕੀਤਾ ਹੈ। ਅਸ਼ਰਫ ਗਨੀ ਨੇ ਆਪਣੇ ਸੰਬੋਧਨ ਵਿੱਚ ਕਿਹਾ, “ਮੌਜੂਦਾ ਸਥਿਤੀ ਵਿੱਚ, ਅਫਗਾਨ ਸੁਰੱਖਿਆ ਅਤੇ ਰੱਖਿਆ ਬਲਾਂ ਦਾ ਪੁਨਰਗਠਨ ਸਾਡੀ ਪ੍ਰਮੁੱਖ ਤਰਜੀਹ ਹੈ।”
ਦੇਸ਼ ਦੀ ਤਾਜ਼ਾ ਸਥਿਤੀ ਬਾਰੇ ਰਾਸ਼ਟਰਪਤੀ ਨੇ ਕਿਹਾ ਕਿ ਅਫਗਾਨਿਸਤਾਨ ਅਸਥਿਰਤਾ ਦੇ ਗੰਭੀਰ ਖਤਰੇ ਵਿੱਚ ਹੈ। ਇਸ ਤੋਂ ਪਹਿਲਾਂ ਅਫਗਾਨ ਮੀਡੀਆ ਵਿੱਚ ਅਜਿਹੀ ਚਰਚਾ ਸੀ ਕਿ ਰਾਸ਼ਟਰਪਤੀ ਆਪਣੇ ਸੰਬੋਧਨ ਦੇ ਵਿਚਕਾਰ ਹੀ ਆਪਣੇ ਅਸਤੀਫੇ ਦਾ ਐਲਾਨ ਕਰ ਸਕਦੇ ਹਨ। ਗਨੀ ਨੇ ਕਿਹਾ ਕਿ ਉਹ ਅਫਗਾਨਿਸਤਾਨ ਦੀ ਮੌਜੂਦਾ ਸਥਿਤੀ ਤੋਂ ਜਾਣੂ ਹਨ ਅਤੇ ਹੋਰ ਅਸਥਿਰਤਾ ਨੂੰ ਰੋਕਣ ਦੀ ਕੋਸ਼ਿਸ਼ ਕਰ ਰਹੇ ਹਨ। ਉਨ੍ਹਾਂ ਨੇ ਕਿਹਾ, ‘ਇੱਕ ਇਤਿਹਾਸਕ ਮਿਸ਼ਨ ਦੇ ਰੂਪ ਵਿੱਚ, ਮੈਂ ਇਹ ਸੁਨਿਸ਼ਚਿਤ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਹਾਂ ਕਿ ਥੋਪੀ ਗਈ ਲੜਾਈ ਅਫਗਾਨਿਸਤਾਨ ਦੇ ਹੋਰ ਲੋਕਾਂ ਨੂੰ ਨਾ ਮਾਰੇ ਅਤੇ ਤੁਹਾਡੀ ਪਿਛਲੇ ਪੰਜ ਸਾਲਾਂ ਦੀਆਂ ਪ੍ਰਾਪਤੀਆਂ ਨੂੰ ਨਸ਼ਟ ਨਾ ਕਰੇ।’ ਰਾਸ਼ਟਰਪਤੀ ਨੇ ਕਿਹਾ ਕਿ ਮੌਜੂਦਾ ਸਥਿਤੀ ਵਿੱਚ ਦੁਬਾਰਾ ਦੇਸ਼ ਦੀਆਂ ਰੱਖਿਆ ਬਲਾਂ ਦਾ ਏਕੀਕਰਨ ਸਰਕਾਰ ਦੀ ਤਰਜੀਹ ਹੈ ਅਤੇ ਇਸ ਸਬੰਧ ਵਿੱਚ ਗੰਭੀਰ ਕਦਮ ਚੁੱਕੇ ਜਾ ਰਹੇ ਹਨ।
ਗਨੀ ਦੇ ਅਨੁਸਾਰ, ਉਹ ਅਫਗਾਨਾਂ ਉੱਤੇ “ਥੋਪੀ ਗਈ ਜੰਗ” ਨੂੰ ਹੋਰ ਹੱਤਿਆਵਾਂ, ਪਿਛਲੇ 20 ਸਾਲਾਂ ਦੀਆਂ ਪ੍ਰਾਪਤੀਆਂ ਨੂੰ ਨੁਕਸਾਨ ਪਹੁੰਚਾਉਣ, ਜਨਤਕ ਸੰਪਤੀ ਨੂੰ ਤਬਾਹ ਕਰਨ ਅਤੇ ਨਿਰੰਤਰ ਅਸਥਿਰਤਾ ਲਿਆਉਣ ਦੀ ਆਗਿਆ ਨਹੀਂ ਦੇਣਗੇ। ਉਨ੍ਹਾਂ ਕਿਹਾ ਕਿ ਉਹ ਜਾਣਦੇ ਹਨ ਕਿ ਲੋਕ ਆਪਣੇ ਭਵਿੱਖ ਨੂੰ ਲੈ ਕੇ ਚਿੰਤਤ ਹਨ। ਗਨੀ ਨੇ ਕਿਹਾ, “ਮੈਂ ਤੁਹਾਨੂੰ ਸਭ ਨੂੰ ਭਰੋਸਾ ਦਿਵਾਉਂਦਾ ਹਾਂ ਕਿ ਤੁਹਾਡੇ ਰਾਸ਼ਟਰਪਤੀ ਦੇ ਰੂਪ ਵਿੱਚ, ਮੇਰਾ ਧਿਆਨ ਅਸਥਿਰਤਾ, ਹਿੰਸਾ ਅਤੇ ਲੋਕਾਂ ਦੇ ਉਜਾੜੇ ਨੂੰ ਰੋਕਣ ‘ਤੇ ਹੈ।” ਅਸੀਂ ਦੇਸ਼-ਵਿਦੇਸ਼ ਵਿੱਚ ਵੱਡੇ ਪੱਧਰ ‘ਤੇ ਵਿਚਾਰ -ਵਟਾਂਦਰਾ ਕਰਨਾ ਸ਼ੁਰੂ ਕਰ ਦਿੱਤਾ ਹੈ ਅਤੇ ਜਲਦੀ ਹੀ ਨਤੀਜਾ ਜਨਤਾ ਨਾਲ ਸਾਂਝਾ ਕਰਾਂਗੇ।
ਇਹ ਵੀ ਪੜ੍ਹੋ : ਰਾਜ ਸਭਾ ਹਿੰਸਾ ‘ਤੇ ਬੋਲਦਿਆਂ TMC ਸੰਸਦ ਮੈਂਬਰ ਡੇਰੇਕ ਨੇ ਕਿਹਾ,’ਕਿਸੇ ਵੀ ਰਿਪੋਰਟ ‘ਤੇ ਭਰੋਸਾ ਨਹੀਂ, ਸਭ ED-CBI ਲਈ ਬਣਦੀਆਂ ਨੇ’
ਸਥਾਨਕ ਮੀਡੀਆ ਰਿਪੋਰਟਾਂ ਅਨੁਸਾਰ ਉਪ ਰਾਸ਼ਟਰਪਤੀ ਦੇ ਬੁਲਾਰੇ ਮੁਹੰਮਦ ਅਮੀਰੀ ਨੇ ਕਿਹਾ ਕਿ ਰਾਸ਼ਟਰਪਤੀ ਗਨੀ ਦਾ ਵੀਡੀਓ ਸੰਦੇਸ਼ ਵੀ ਛੇਤੀ ਹੀ ਜਾਰੀ ਕੀਤਾ ਜਾਵੇਗਾ। ਰਾਸ਼ਟਰਪਤੀ ਦਾ ਅਹੁਦਾ ਛੱਡਣ ਤੋਂ ਬਾਅਦ ਉਹ ਕੀ ਕਰਨਗੇ, ਇਸ ਬਾਰੇ ਕੁੱਝ ਨਹੀਂ ਕਿਹਾ ਜਾ ਸਕਦਾ। ਹਾਲਾਂਕਿ ਅਜੇ ਤੱਕ ਇਸ ਮਾਮਲੇ ‘ਚ ਅਧਿਕਾਰਤ ਤੌਰ ‘ਤੇ ਕੁੱਝ ਨਹੀਂ ਕਿਹਾ ਗਿਆ ਹੈ। ਅਫਗਾਨਿਸਤਾਨ ਦੇ ਰਾਸ਼ਟਰਪਤੀ ਨੇ ਟੈਲੀਵਿਜ਼ਨ ਰਾਹੀਂ ਲੋਕਾਂ ਨੂੰ ਸੰਬੋਧਿਤ ਕੀਤਾ ਹੈ, ਤਾਲਿਬਾਨ ਦੇ ਮੁੱਖ ਖੇਤਰਾਂ ‘ਤੇ ਕਬਜ਼ਾ ਕਰਨ ਤੋਂ ਬਾਅਦ ਉਨ੍ਹਾਂ ਦੀ ਇਹ ਪਹਿਲੀ ਜਨਤਕ ਟਿੱਪਣੀ ਹੈ।
ਇਹ ਵੀ ਦੇਖੋ : ਚਲਦੀ ਗੱਡੀ ‘ਚ ਬੱਚੇ ਬਿਠਾ ਕੇ ਜਾਣ ਵਾਲੇ ਮਾਪੇ ਦੇਖਣ ਇਹ ਵੀਡੀਓ! ਲੁਟੇਰੇ ਕੀਤਾ ਬੱਚਾ ਨਾਲ ਇਹ ਕਾਰਾ!
