Super expensive crash: ਦੁਨੀਆ ਭਰ ਵਿੱਚ ਹਰ ਦਿਨ ਹਜ਼ਾਰਾਂ ਸੜਕ ਹਾਦਸੇ ਹੁੰਦੇ ਹਨ ਜਿਨ੍ਹਾਂ ਵਿੱਚ ਕਈ ਲੋਕ ਆਪਣੇ ਜਾਨ ਗੁਆ ਦਿੰਦੇ ਹਨ । ਹਾਲ ਹੀ ਵਿੱਚ ਹਿਊਸਟਨ ਵਿੱਚ ਇੱਕ ਹਾਦਸੇ ਦਾ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ, ਜਿਸ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ। ਸੋਸ਼ਲ ਮੀਡੀਆ ‘ਤੇ ਇਸ ਹਾਦਸੇ ਨੂੰ ਦੁਨੀਆ ਦੀ ਸਭ ਤੋਂ ਮਹਿੰਗੀ ਟੱਕਰ ਦੱਸਿਆ ਜਾ ਰਿਹਾ ਹੈ । ਦਰਅਸਲ ਫੇਰਾਰੀ ਸਣੇ ਕਈ ਹੋਰ ਲਗਜ਼ਰੀ ਕਾਰਾਂ ਲਿਜਾ ਰਹੇ ਇੱਕ ਟਰੱਕ ਦੀ ਟ੍ਰੇਨ ਨਾਲ ਭਿਆਨਕ ਟੱਕਰ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਸ ਘਟਨਾ ਵਿੱਚ ਕਈ ਵਿਦੇਸ਼ੀ ਸੁਪਰ ਕਾਰਾਂ ਦੇ ਕਥਿਤ ਰੂਪ ਨਾਲ ਨੁਕਸਾਨੇ ਜਾਣ ਦੀ ਖਬਰ ਹੈ।
ਦਰਅਸਲ, ਸੁਪਰ ਫਾਸਟ ਅਤੇ ਲਗਜ਼ਰੀ ਕਾਰਾਂ ਚਲਾਉਣਾ ਲਗਭਗ ਸਾਰੇ ਕਾਰ ਪ੍ਰੇਮੀਆਂ ਦਾ ਸੁਪਨਾ ਹੁੰਦਾ ਹੈ । ਅਜਿਹੇ ਵਿੱਚ ਜਦੋਂ ਖਬਰ ਆਉਂਦੀ ਹੈ ਕਿ ਕੋਈ ਫੇਰਾਰੀ ਹਾਦਸੇ ਦਾ ਸ਼ਿਕਾਰ ਹੋ ਗਈ ਤਾਂ ਉਸ ਦਾ ਦੁੱਖ ਕਾਰ ਪ੍ਰੇਮੀਆਂ ਨੂੰ ਵੀ ਹੁੰਦਾ ਹੈ । ਇਥੇ ਤਾਂ ਲਗਜ਼ਰੀ ਕਾਰਾਂ ਨਾਲ ਭਰਿਆ ਪੂਰਾ ਟਰੱਕ ਹੀ ਟ੍ਰੇਨ ਨਾਲ ਟਕਰਾ ਗਿਆ । ਇਸ ਘਟਨਾ ਦੀ ਇੱਕ ਡ੍ਰੋਨ ਵੀਡੀਓ ਵੀ ਸਾਹਮਣੇ ਆਈ ਹੈ ਜਿਸ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਟਰੱਕ ਅਤੇ ਟਰੇਨ ਦੀ ਟੱਕਰ ਕਿਵੇਂ ਹੋਈ ਹੋਵੇਗੀ । ਦੱਸਿਆ ਜਾ ਰਿਹਾ ਹੈ ਕਿ ਟਰੱਕ ਵਿੱਚ ਫੇਰਾਰੀ 488 ਸਪਾਈਡਰ ਅਤੇ ਫੇਰਾਰੀ SF90 ਜਿਹੀਆਂ ਕਾਰਾਂ ਲੋਡ ਕੀਤੀਆਂ ਗਈਆਂ ਸਨ ।
ਸਥਾਨਕ ਮੀਡੀਆ ਰਿਪੋਰਟ ਮੁਤਾਬਕ ਇਹ ਘਟਨਾ ਵੀਰਵਾਰ ਹਿਊਸਟਨ ਵਿਚ ਹੋਈ। ਮਹਿੰਗੀਆਂ ਗੱਡੀਆਂ ਨਾਲ ਲੋਡ ਟਰੱਕ ਰੇਲਵੇ ਫਾਟਕ ਨੂੰ ਪਾਰ ਕਰਦੇ ਵੇਲੇ ਫਸ ਜਾਂਦਾ ਹੈ। ਇਸ ਵਿਚਾਲੇ ਟ੍ਰੈਕ ਤੇ ਆ ਰਹੀ ਟਰੇਨ ਨੂੰ ਪਹਿਲਾਂ ਹੀ ਜਾਣਕਾਰੀ ਦੇ ਦਿੱਤੀ ਜਾਂਦੀ ਹੈ ਪਰ ਡਰਾਈਵਰ ਸਮੇਂ ਤੇ ਬ੍ਰੇਕ ਲਗਾਉਣ ਵਿਚ ਅਸਮਰੱਥ ਸੀ। ਹਾਲਾਂਕਿ ਟਰੇਨ ਅਤੇ ਟਰੱਕ ਵਿਚਾਲੇ ਹੋਈ ਟੱਕਰ ਇੰਨੀ ਜ਼ੋਰਦਾਰ ਨਹੀਂ ਸੀ ਕਿ ਜਿਸ ਕਾਰਣ ਵੱਡਾ ਨੁਕਸਾਨ ਹੋਣ ਤੋਂ ਬਚ ਗਿਆ ਪਰ ਇਹ ਟੱਕਰ ਨਾ ਸਿਰਫ ਟਰੱਕ ਬਲਕਿ ਅੰਦਰ ਖੜ੍ਹੀਆਂ ਕਾਰਾਂ ਨੂੰ ਨੁਕਸਾਨ ਪਹੁੰਚਾਉਣ ਲਈ ਲੋੜੀਂਦੀ ਸੀ।
ਸਥਾਨਕ ਮੀਡੀਆ ਰਿਪੋਰਟ ਅਨੁਸਾਰ ਘਟਨਾ ਸਮੇਂ ਮੌਕੇ ‘ਤੇ ਮੌਜੂਦ ਇੱਕ ਵਿਅਕਤੀ ਨੇ ਦੱਸਿਆ ਕਿ ਟਰੱਕ ਦਾ ਡਰਾਈਵਰ ਉਸ ਇਲਾਕੇ ਵਿੱਚ ਨਵਾਂ ਸੀ ਅਤੇ ਉਹ ਇੱਕ ਤੰਗ ਸੜਕ ‘ਤੇ ਟ੍ਰੈਕ ਪਾਰ ਕਰਨ ਦਾ ਯਤਨ ਕਰ ਰਿਹਾ ਸੀ। ਇਸ ਮਾਮਲੇ ਵਿੱਚ ਇਹ ਵੀ ਦਾਅਵਾ ਕੀਤਾ ਗਿਆ ਕਿ ਟਰੱਕ ਦੇ ਅੰਦਰ ਫੇਰਾਰੀ ਤੋਂ ਇਲਾਵਾ ਪੋਰਸ਼ ਅਤੇ ਬੈਂਟਲੇ ਜਿਹੀਆਂ ਕਾਰਾਂ ਲੋਡ ਕੀਤੀਆਂ ਗਈਆਂ ਸਨ । ਹਾਲਾਂਕਿ ਇਹ ਜਾਣਕਾਰੀ ਨਹੀਂ ਹੈ ਕਿ ਇਨ੍ਹਾਂ ਕਾਰਾਂ ਨੂੰ ਨੁਕਸਾਨ ਵੀ ਪਹੁੰਚਿਆ ਹੈ ਕਿ ਨਹੀਂ ਪਰ ਵੀਡੀਓ ਦੇਖਣ ਤੋਂ ਪਤਾ ਲੱਗਦਾ ਹੈ ਕਿ ਟਰੱਕ ਅੰਦਰ ਦੀ ਸਥਿਤੀ ਕਾਫੀ ਖਰਾਬ ਹੈ।
ਦੱਸ ਦੇਈਏ ਕਿ ਇਸ ਹਾਦਸੇ ਵਿੱਚ ਚੰਗੀ ਗੱਲ ਇਹ ਰਹੀ ਕਿ ਇਸ ਵਿੱਚ ਕੋਈ ਵੀ ਵਿਅਕਤੀ ਜ਼ਖਮੀ ਨਹੀਂ ਹੋਇਆ । ਇਸ ਪੂਰੀ ਘਟਨਾ ਦੀ ਫਿਲਹਾਲ ਜਾਂਚ ਕੀਤੀ ਜਾ ਰਹੀ ਹੈ, ਉਨ੍ਹਾਂ ਸਭ ਪਹਿਲੂਆਂ ‘ਤੇ ਨਜ਼ਰ ਰੱਖੀ ਜਾ ਰਹੀ ਹੈ ਜੋ ਇਸ ਹਾਦਸੇ ਦਾ ਕਾਰਣ ਬਣੇ ।
ਇਹ ਵੀ ਦੇਖੋ: RSS ਤੇ BJP ਨੂੰ ਨਿਹੰਗ ਸਿੰਘਾਂ ਨੇ ਕਰ ਦਿੱਤਾ ਚੈਲੇਂਜ, “ਕਿਤੇ ਵੀ ਟੱਕਰ ਜਾਣ ਦੇਖ ਲਵਾਂਂ ਗੇ”
