Thai Woman Stumbles: ਕਿਸਮਤ ਕਦੋਂ ਪਲਟ ਜਾਵੇ ਕੋਈ ਨਹੀਂ ਕਹਿ ਸਕਦਾ। ਥਾਈਲੈਂਡ ਵਿੱਚ ਇੱਕ ਮਹਿਲਾ ਰਾਤੋਂ-ਰਾਤ ਕਰੋੜਪਤੀ ਬਣ ਗਈ। ਸਮੁੰਦਰ ਕਿਨਾਰੇ ਟਹਿਲਦੇ ਹੋਏ ਉਸਦੇ ਹੱਥ ‘ਤੈਰਦਾ ਸੋਨਾ’ ਲੱਗਿਆ । ਮਹਿਲਾ ਨੂੰ ਆਪਣੀ ਕਿਸਮਤ ‘ਤੇ ਭਰੋਸਾ ਨਹੀਂ ਹੋ ਰਿਹਾ ਹੈ। ਦਰਅਸਲ, ਬੀਚ ਹਾਊਸ ਨੇੜੇ ਮਹਿਲਾ ਨੂੰ ਵੇਲ੍ਹ ਮੱਛੀ ਦਾ ਉਲਟੀ Ambergris ਮਿਲੀ ਹੈ। ਇਸ ਦੀ ਮਾਰਕੀਟ ਕੀਮਤ ਕਰੋੜਾਂ ਵਿੱਚ ਹੈ। ਇਸ ਕਾਰਨ ਇਸ ਨੂੰ ‘ਤੈਰਦਾ ਸੋਨਾ’ ਵੀ ਕਿਹਾ ਜਾਂਦਾ ਹੈ। ਮਹਿਲਾ ਨੂੰ ਜਿਹੜੀ ਉਲਟੀ ਮਿਲੀ ਹੈ, ਉਸ ਦੀ ਕੀਮਤ ਲਗਭਗ 1.93 ਕਰੋੜ ਰੁਪਏ (£1,90,000) ਹੈ।
ਦਰਅਸਲ, ਪਿਛਲੇ ਮਹੀਨੇ 23 ਫਰਵਰੀ ਨੂੰ ਸਿਰੀਪੋਰਨ ਨਿਆਮਰਿਨ ਨਾਮ ਦੀ ਮਹਿਲਾ ਬਾਰਿਸ਼-ਤੂਫਾਨ ਦੇ ਰੁਕਣ ਤੋਂ ਬਾਅਦ ਬੀਚ ‘ਤੇ ਟਹਿਲ ਰਹੀ ਸੀ। ਉਦੋਂ ਉਨ੍ਹਾਂ ਨੇ ਵੇਖਿਆ ਕਿ ਸਮੁੰਦਰ ਦਾ ਇੱਕ ਵੱਡਾ ਟੁਕੜਾ ਤੱਟ ‘ਤੇ ਡਿੱਗਿਆ ਪਿਆ ਸੀ। ਨੇੜੇ ਜਾ ਕੇ ਜਾਂਚ ਕਰਨ ‘ਤੇ ਉਸ ਵਿੱਚੋਂ ਮੱਛੀ ਦੀ ਬਦਬੂ ਆਈ। ਇਸ ਤੋਂ ਬਾਅਦ ਮਹਿਲਾ ਇਸ ਨੂੰ ਕਿਨਾਰੇ ਤੋਂ ਲੈ ਗਈ । ਉਨ੍ਹਾਂ ਨੂੰ ਉਮੀਦ ਸੀ ਕਿ ਇਸ ਤੋਂ ਕੁਝ ਪੈਸਾ ਮਿਲੇਗਾ। ਪਰ ਇਹ ਚੀਜ਼ ਕਰੋੜਾਂ ਰੁਪਏ ਦੀ ਹੋਵੇਗੀ, ਉਸਨੇ ਆਪਣੇ ਸੁਪਨੇ ਵਿਚ ਸੋਚਿਆ ਵੀ ਨਹੀਂ ਸੀ।
ਗੁਆਂਢੀ ਨੇ ਦਿੱਤੀ ਜਾਣਕਾਰੀ
ਮਹਿਲਾ ਆਪਣੇ ਗੁਆਂਢੀ ਕੋਲੋਂ ਇਸ ਚੀਜ਼ ਬਾਰੇ ਜਾਣਨਾ ਚਾਹੁੰਦੀ ਸੀ ਅਤੇ ਜਦੋਂ ਗੁਆਂਢੀ ਨੇ ਦੱਸਿਆ ਕਿ ਇਹ ਇੱਕ ਵੇਲ੍ਹ ਦੀ ਉਲਟੀ ambergris ਹੈ, ਤਾਂ ਉਹ ਹੈਰਾਨ ਰਹਿ ਗਈ। 12 ਇੰਚ ਚੌੜੇ ਅਤੇ 24 ਇੰਚ ਲੰਬੇ ਇਸ ਟੁੱਕੜੇ ਦਾ ਭਰ ਲਗਭਗ 6.8 ਕਿਲੋ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਇਸ ਦੀ ਕੀਮਤ ਲਗਭਗ 2 ਕਰੋੜ ਰੁਪਏ ਦੇ ਲਗਭਗ ਹੈ। ਇਸ ਦੀ ਜਾਂਚ ਕਰਨ ਲਈ ਮਹਿਲਾ ਅਤੇ ਗੁਆਂਢੀ ਨੇ ਇਸ ਉਲਟੀ ਨੂੰ ਅੱਗ ਦੇ ਸੰਪਰਕ ਵਿੱਚ ਲਿਆਂਦਾ, ਜਿਸ ਤੋਂ ਬਾਅਦ ਇਹ ਪਿਘਲਣਾ ਸ਼ੁਰੂ ਹੋ ਗਿਆ। ਠੰਡਾ ਹੋਣ ਤੋਂ ਬਾਅਦ ਇਹ ਫਿਰ ਜਮ ਗਿਆ।
ਪਰਫਿਊਮ ਉਦਯੋਗ ‘ਚ ਹੁੰਦੀ ਹੈ ਵਰਤੋਂ
ਵੇਲ੍ਹ ਦੀ ਉਲਟੀ ਕਾਫ਼ੀ ਦੁਰਲਭ ਹੈ ਅਤੇ ਪਰਫਿਊਮ ਉਦਯੋਗ ਵਿੱਚ ਇਸਦੀ ਵਰਤੋਂ ਹੁੰਦੀ ਹੈ। ਨਿਆਮਰਿਨ ਨੇ ਹੁਣ ਮਾਹਿਰਾਂ ਦੀ ਉਡੀਕ ਕਰ ਰਿਹਾ ਹੈ, ਜੋ ਇਸਦੀ ਜਾਂਚ ਕਰ ਕੇ ਪੁਸ਼ਟੀ ਕਰਨਗੇ ਕਿ ਇਹ ਵੇਲ੍ਹ ਦੀ ਉਲਟੀ ਹੀ ਹੈ। ਉਨ੍ਹਾਂ ਦਾ ਕਹਿਣਾ ਕਿ ਜੇ ਇਹ ਵ੍ਹੇਲ ਦੀ ਉਲਟੀ ਹੈ, ਤਾਂ ਉਹ ਇਸ ਤੋਂ ਮਿਲਣ ਵਾਲੇ ਪੈਸੇ ਨਾਲ ਉਨ੍ਹਾਂ ਦੇ ਭਾਈਚਾਰੇ ਦੀ ਸਹਾਇਤਾ ਕਰਨਗੇ। ਉਨ੍ਹਾਂ ਕਿਹਾ, ‘ਮੈਂ ਬਹੁਤ ਖੁਸ਼ਕਿਸਮਤ ਹਾਂ ਕਿ ਮੈਨੂੰ ਜੋ ਚੀਜ਼ ਮਿਲੀ. ਉਮੀਦ ਹੈ ਕਿ ਮੈਨੂੰ ਇਸ ਤੋਂ ਪੈਸਾ ਮਿਲੇਗਾ।’
ਕੀ ਹੈ Embergris?
ਇਹ ਇੱਕ ਜੰਮਿਆ ਹੋਇਆ ਮੋਮ ਵਰਗਾ ਪਦਾਰਥ ਹੈ, ਜੋ ਕਿ ਜਲਣਸ਼ੀਲ ਹੁੰਦਾ ਹੈ। ਵੇਲ੍ਹ ਸਮੁੰਦਰ ਵਿੱਚ ਤਿੱਖੀਆਂ ਚੀਜ਼ਾਂ ਖਾ ਲੈਂਦੀਆਂ ਹਨ। ਅਜਿਹੀ ਸਥਿਤੀ ਵਿੱਚ ਆਂਦਰਾਂ ਨੂੰ ਹੋਣ ਵਾਲੇ ਨੁਕਸਾਨ ਨੂੰ ਰੋਕਣ ਲਈ ਉਲਟੀਆਂ ਜ਼ਰੂਰੀ ਹੁੰਦੀਆਂ ਹਨ। ਪਰਫਿਊਮ ਉਦਯੋਗ ਵਿੱਚ ਮਹਿੰਗੇ ਬ੍ਰਾਂਡਾਂ ਲਈ ਇਸਦੀ ਵਰਤੋਂ ਹੁੰਦੀ ਹੈ ਕਿਉਂਕਿ ਇਸ ਦੀ ਮਹਿਕ ਲੰਬੇ ਸਮੇਂ ਤੱਕ ਬਣੀ ਰਹਿੰਦੀ ਹੈ। ਵਿਗਿਆਨੀ ਇਸ ਨੂੰ ਤੈਰਦਾ ਸੋਨਾ ਵੀ ਕਹਿੰਦੇ ਹਨ।
ਇਹ ਵੀ ਦੇਖੋ: Singhu Border ‘ਤੇ ਗੁਰੂ ਦੀਆਂ ਲਾਡਲੀਆਂ ਫੌਜਾਂ ਤੈਨਾਤ, ਬੁੱਢਾ ਦਲ ਦੇ ਨਿਡਰ ਘੋੜੇ ਬਣੇ ਖਿੱਚ ਦਾ ਕੇਂਦਰ
