ਵੱਡੀ ਲਾਪਰਵਾਹੀ! ਅੱਧੇ ਰਸਤੇ ਐਂਬੂਲੈਂਸ ਦਾ ਡੀਜ਼ਲ ਖ਼ਤਮ, ਮਰੀਜ਼ ਦੀ ਮੌਤ

ਜ਼ਿੰਦਗੀ ਦੇਣ ਵਾਲੀ 108 ਐਂਬੂਲੈਂਸ ਨੇ ਨੌਜਵਾਨ ਦੀ ਜਾਨ ਲੈ ਲਈ। ਗੰਭੀਰ ਮਰੀਜ਼ ਨੂੰ ਜ਼ਿਲ੍ਹਾ ਹਸਪਤਾਲ ਲੈ ਕੇ ਜਾਣ ਵਾਲੀ ਐਂਬੂਲੈਂਸ ਦਾ ਡੀਜ਼ਲ ਅੱਧ ਵਿਚਕਾਰ ਹੀ ਖਤਮ ਹੋ ਗਿਆ। ਰਿਸ਼ਤੇਦਾਰ ਬਾਈਕ ‘ਤੇ ਡੀਜ਼ਲ ਲੈ ਕੇ ਪਹੁੰਚੇ ਪਰ ਐਂਬੂਲੈਂਸ ਸਟਾਰਟ ਨਹੀਂ ਹੋਈ। ਪਰਿਵਾਰ ਨੇ ਐਂਬੂਲੈਂਸ ਚਾਲੂ ਕਰਨ ਲਈ ਕਰੀਬ ਇੱਕ ਕਿਲੋਮੀਟਰ ਤੱਕ ਧੱਕਾ ਵੀ ਮਾਰਿਆ। ਅੱਕ ਕੇ ਪਰਿਵਾਰ ਨੇ ਐਂਬੂਲੈਂਸ ਅੱਗੇ ਹੱਥ ਫੈਲਾ ਕੇ ਦੂਜੀ ਐਂਬੂਲੈਂਸ ਮੰਗਵਾਉਣ ਲਈ ਕਿਹਾ। ਫਿਰ 40 ਮਿੰਟਾਂ ਦੇ ਵਕਫ਼ੇ ਵਿੱਚ ਇੱਕ ਹੋਰ ਐਂਬੂਲੈਂਸ ਮੌਕੇ ‘ਤੇ ਪਹੁੰਚ ਗਈ। ਇਸ ਤੋਂ ਬਾਅਦ ਜੋ ਹੋਇਆ ਉਸ ਬਾਰੇ ਪਰਿਵਾਰ ਸੋਚ ਵੀ ਨਹੀਂ ਸਕਦਾ ਸੀ। ਜ਼ਿਲ੍ਹਾ ਹਸਪਤਾਲ ਵਿੱਚ ਡਾਕਟਰ ਨੇ ਮਰੀਜ਼ ਨੂੰ ਮ੍ਰਿਤਕ ਐਲਾਨ ਦਿੱਤਾ, ਜਦੋਂਕਿ ਦੂਜੀ ਐਂਬੂਲੈਂਸ ਆਉਣ ਤੱਕ ਮਰੀਜ਼ ਸਾਹ ਲੈ ਰਿਹਾ ਸੀ।

ਮਾਮਲਾ ਦੋ ਦਿਨ ਪੁਰਾਣਾ ਹੈ ਪਰ ਹੁਣ ਇਸ ਦੀਆਂ ਵੀਡੀਓਜ਼ ਸਾਹਮਣੇ ਆ ਗਈਆਂ ਹਨ। ਮ੍ਰਿਤਕ ਕਿਸਾਨ ਸੀ। ਮਾਮਲਾ ਬਾਂਸਵਾੜਾ ਜ਼ਿਲ੍ਹੇ ਦੇ ਦਾਨਪੁਰ ਥਾਣੇ ਦਾ ਹੈ। ਦਰਅਸਲ ਸੂਰਜਪੁਰਾ (ਸਮਾਲੀਆ) ਜ਼ਿਲ੍ਹਾ ਪ੍ਰਤਾਪਗੜ੍ਹ ਦਾ ਰਹਿਣ ਵਾਲਾ ਤੇਜੀਆ ਗਨਵਾ (40) ਆਪਣੀ ਧੀ ਦੇ ਸਹੁਰੇ ਭਾਨੂਪੁਰਾ (ਘੋਡੀ ਤੇਜ਼ਪੁਰ) ਆਇਆ ਹੋਇਆ ਸੀ। ਉਹ ਇੱਥੇ ਕਰੀਬ ਤਿੰਨ ਦਿਨ ਆਪਣੀ ਧੀ ਅਤੇ ਦੋਤਰੇ ਨਾਲ ਰਿਹਾ। ਫਿਰ 23 ਨਵੰਬਰ ਨੂੰ ਤੇਜਪਾਲ ਖੇਤ ਵਿੱਚ ਖੜ੍ਹਾ-ਖੜ੍ਹਾ ਡਿੱਗ ਪਿਆ। ਤੇਜੀਆ ਦੀ ਧੀ ਨੇ ਇਸ ਦੀ ਬਾਰੇ ਆਪਣੇ ਪਤੀ ਮੁਕੇਸ਼ ਮੈਦਾ ਨੂੰ ਦੱਸਿਆ।

ਮੁਕੇਸ਼ ਬਾਂਸਵਾੜਾ ਵਿੱਚ ਕਿਰਾਏ ਦਾ ਕਮਰਾ ਲੈ ਕੇ REET ਦੀ ਤਿਆਰੀ ਕਰ ਰਿਹਾ ਸੀ, ਉਸਨੇ ਐਂਬੂਲੈਂਸ 108 ਨੂੰ ਪਹਿਲੀ ਕਾਲ ਕੀਤੀ। ਉਹ ਆਪ ਹੀ ਬਾਈਕ ਲੈ ਕੇ ਆਪਣੇ ਘਰ ਲਈ ਰਵਾਨਾ ਹੋ ਗਿਆ। 11 ਵਜੇ ਵਾਪਰੀ ਘਟਨਾ ਦੀ ਸੂਚਨਾ ਮਿਲੀ ਤੇ ਮੁਕੇਸ਼ 12 ਵਜੇ ਆਪਣੇ ਪਿੰਡ ਪਹੁੰਚਿਆ ਪਰ ਐਂਬੂਲੈਂਸ ਪੌਣੇ ਘੰਟੇ ਬਾਅਦ ਪੁੱਜੀ। ਐਂਬੂਲੈਂਸ ਪਹਿਲਾਂ ਘੋੜੀ ਤੇਜ਼ਪੁਰ ਪਹੁੰਚੀ, ਉਥੇ . ਸਟਾਫ ਨੇ ਈਸੀਜੀ ਮਸ਼ੀਨ ਨਾ ਹੋਣ ਦਾ ਹਵਾਲਾ ਦਿੰਦੇ ਹੋਏ ਮਰੀਜ਼ ਨੂੰ ਛੋਟੀ ਸਰਾਵਾਂ ਸੀਐਚਸੀ ਭੇਜ ਦਿੱਤਾ, ਪਰ ਪਰਿਵਾਰ ਨੇ ਮਰੀਜ਼ ਨੂੰ ਸਿੱਧਾ ਜ਼ਿਲ੍ਹਾ ਹਸਪਤਾਲ ਲਿਜਾਣ ਦਾ ਫੈਸਲਾ ਕੀਤਾ।

ਐਂਬੂਲੈਂਸ ਮਰੀਜ਼ ਨੂੰ ਲੈ ਕੇ ਰਤਲਾਮ ਰੋਡ ‘ਤੇ ਟੋਲ ਦੇ ਸਾਹਮਣੇ ਪਹੁੰਚੀ ਅਤੇ ਰੁਕ ਗਈ। ਪਤਾ ਲੱਗਦਾ ਹੈ ਕਿ ਡੀਜ਼ਲ ਖਤਮ ਹੋ ਗਿਆ ਹੈ। ਐਂਬੂਲੈਂਸ ਦੇ ਪਾਇਲੇਟ ਨੇ ਮਰੀਜ਼ ਦੇ ਰਿਸ਼ਤੇਦਾਰ ਨੂੰ ਪੰਜ ਸੌ ਰੁਪਏ ਦੇ ਕੇ ਬਾਈਕ ਤੋਂ ਡੀਜ਼ਲ ਲਿਆਉਣ ਲਈ ਭੇਜ ਦਿੱਤਾ। ਡੀਜ਼ਲ ਲਿਆਉਣ ਵਿੱਚ ਸਮਾਂ ਲੱਗ ਗਿਆ। ਪਰ ਡੀਜ਼ਲ ਪਾ ਕੇ ਵੀ ਐਂਬੂਲੈਂਸ ਚਾਲੂ ਨਹੀਂ ਹੋਈ। ਪਰਿਵਾਰ ਨੇ ਇਸ ਨੂੰ ਕਰੀਬ ਇੱਕ ਕਿਲੋਮੀਟਰ ਤੱਕ ਧੱਕਾ ਦੇ ਕੇ ਸ਼ੁਰੂ ਕਰਨ ਦੀ ਕੋਸ਼ਿਸ਼ ਵੀ ਕੀਤੀ। ਇਸ ਤੋਂ ਬਾਅਦ ਪਰਿਵਾਰ ਦੇ ਕਹਿਣ ‘ਤੇ ਐਂਬੂਲੈਂਸ ਡਰਾਈਵਰ ਨੇ ਦੂਜੇ ਡਰਾਈਵਰ ਨੂੰ ਫੋਨ ਕਰਕੇ ਐਂਬੂਲੈਂਸ ਬੁਲਾਈ।

ਪੀੜਤ ਮੁਕੇਸ਼ ਨੇ ਦੱਸਿਆ ਕਿ ਰਾਤ ਕਰੀਬ 11 ਵਜੇ ਉਸ ਦੇ ਸਹੁਰੇ ਦੀ ਤਬੀਅਤ ਵਿਗੜ ਗਈ। 12.15 ਵਜੇ ਐਂਬੂਲੈਂਸ ਆਈ। ਇਸ ਤੋਂ ਬਾਅਦ ਕਰੀਬ 3 ਵਜੇ ਯਾਨੀ ਚਾਰ ਘੰਟੇ ਬਾਅਦ ਮਰੀਜ਼ ਜ਼ਿਲ੍ਹਾ ਹਸਪਤਾਲ ਪਹੁੰਚਿਆ, ਜਿਥੇ ਡਾਕਟਰ ਨੇ ਮਰੀਜ਼ ਨੂੰ ਦੇਖਦਿਆਂ ਹੀ ਮ੍ਰਿਤਕ ਐਲਾਨ ਦਿੱਤਾ। ਮੁਕੇਸ਼ ਦਾ ਕਹਿਣਾ ਹੈ ਕਿ ਦੂਜੀ ਐਂਬੂਲੈਂਸ ਦੇ ਆਉਣ ਤੱਕ ਉਸ ਦੇ ਸਹੁਰੇ ਦੇ ਦਿਲ ਦੀ ਧੜਕਣ ਚੱਲ ਰਹੀ। ਜੇ ਉਸ ਦਾ ਸਮੇਂ ਸਿਰ ਇਲਾਜ ਹੋ ਜਾਂਦਾ ਤਾਂ ਇਹ ਦਿਨ ਨਾ ਦੇਖਣਾ ਪੈਂਦਾ।

ਇਹ ਵੀ ਪੜ੍ਹੋ : ਬਾਡੀ ਮੋਡੀਫਿਰਕੇਸ਼ਨ ਲਈ ਇਸ ਕੱਪਲ ਨੂੰ ਮਿਲਿਆ ਗਿਨੀਜ਼ ਵਰਲਡ ਰਿਕਾਰਡ ਦਾ ਖਿਤਾਬ, ਸਰੀਰ ‘ਤੇ ਗੁੰਦਵਾਏ ਇੰਨੇ ਟੈਟੂ

ਮਾਮਲੇ ਵਿੱਚ ਸੀਐਮਐਚਓ ਡਾ: ਐਚ.ਐਲ. ਤਬਿਆਰ ਨੇ ਦੱਸਿਆ ਕਿ ਐਮਰਜੈਂਸੀ ਸੇਵਾ ਵਿੱਚ 108 ਐਂਬੂਲੈਂਸ ਸ਼ਾਮਲ ਹਨ। ਇਸ ਦੇ ਬਾਵਜੂਦ ਡੀਜ਼ਲ ਪ੍ਰਤੀ ਲਾਪਰਵਾਹੀ ਵਰਤੀ ਗਈ। ਫਿਲਹਾਲ ਇਹ ਮਾਮਲਾ ਮੇਰੇ ਸਾਹਮਣੇ ਨਹੀਂ ਆਇਆ ਹੈ। ਜੇਕਰ ਅਜਿਹਾ ਕੁਝ ਹੋਇਆ ਹੈ, ਤਾਂ ਅਸੀਂ ਕੰਮ ਕਰਨ ਵਾਲੀ ਠੇਕੇਦਾਰੀ ਏਜੰਸੀ ਨੂੰ ਨੋਟਿਸ ਦੇਵਾਂਗੇ ਅਤੇ ਜਵਾਬ ਮੰਗਾਂਗੇ। ਅੱਜ ਕਿਸੇ ਦੀ ਅਣਗਹਿਲੀ ਕਾਰਨ ਮੌਤ ਹੋ ਗਈ ਹੈ। ਕੱਲ੍ਹ ਕਿਤੇ ਹੋਰ ਹੋਵੇਗਾ। ਇਹ ਵਿਸ਼ਾ ਮੁਆਫ ਕਰਨ ਯੋਗ ਨਹੀਂ ਹੈ।

ਵੀਡੀਓ ਲਈ ਕਲਿੱਕ ਕਰੋ -:

“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “