ਨਸ਼ਿਆਂ ਖਿਲਾਫ ਮਾਨ ਸਰਕਾਰ ਨੇ ਇਕ ਹੋਰ ਵੱਡਾ ਕਦਮ ਚੁੱਕਿਆ ਹੈ। ਸੂਬੇ ਵਿਚ ਨਸ਼ਾ ਮੁਕਤੀ ਕੇਂਦਰਾਂ ਤੋਂ ਨਸ਼ੀਲੀ ਦਵਾਈਆਂ ਦੀ ਚੋਰੀ ਤੇ ਗਲਤ ਇਸਤੇਮਾਲ ‘ਤੇ ਰੋਕ ਲਗਾਉਣ ਲਈ ਬਾਇਓਮੈਟ੍ਰਿਕ ਪ੍ਰਣਾਲੀ ਲਾਗੂ ਕਰਨ ਦਾ ਫੈਸਲਾ ਲਿਆ ਹੈ। ਇਸ ਨਵੀਂ ਵਿਵਸਥਾ ਤਹਿਤ ਮਰੀਜ਼ਾਂ ਦੀ ਪਛਾਣ ਫਿੰਗਰ ਪ੍ਰਿੰਟ ਸਕੈਨਿੰਗ ਰਾਹੀਂ ਕੀਤੀ ਜਾਵੇਗੀ ਜਿਸ ਨਾਲ ਨਸ਼ੀਲੀ ਦਵਾਈਆਂ ਦੀ ਕਾਲਾਬਾਜ਼ਾਰੀ ‘ਤੇ ਰੋਕ ਲਗਾਈ ਜਾ ਸਕੇਗੀ।
ਇਹ ਦੋ-ਪੱਧਰੀ ਬਾਇਓਮੈਟ੍ਰਿਕ ਪ੍ਰਣਾਲੀ ਪੰਜਾਬ ਦੇ 706 ਆਊਟ ਪੇਸ਼ੇਂਡ ਓਪੀਆਇਟ ਅਸਿਸਟੇਡ ਟ੍ਰੀਟਮੈਂਟ ਕਲੀਨਿਕਾਂ ਵਿਚ ਲਾਗੂ ਕਰ ਰਹੀ ਹੈ। ਇਹ ਕਲੀਨਿਕ ਉਨ੍ਹਾਂ ਮਰੀਜ਼ਾਂ ਨੂੰ ਨਸ਼ਾ ਮੁਕਤ ਕਰਨ ਲਈ ਸਰਕਾਰ ਵੱਲੋਂ ਸੰਚਾਲਿਤ ਕੀਤੇ ਜਾਂਦੇ ਹਨ ਜੋ ਬੁਪ੍ਰੇਨੋਰਫਾਇਨ ਵਰਗੀਆਂ ਦਵਾਈਆਂ ਦੀ ਮਦਦ ਨਾਲ ਹੌਲੀ-ਹੌਲੀ ਨਸ਼ੇ ਦੀ ਆਦਤ ਤੋਂ ਬਾਹਰ ਆ ਰਹੇ ਹਨ।
- ਇੰਝ ਚੱਲੇਗਾ ਬਾਇਓਮੈਟ੍ਰਿਕ ਸਿਸਟਮ
ਜਦੋਂ ਕੋਈ ਮਰੀਜ਼ ਕਲੀਨਿਕ ‘ਤੇ ਆਏਗਾ ਤਾਂ ਉਸ ਦੀਆਂ ਉਂਗਲੀਆਂ ਦੇ ਨਿਸ਼ਾਨ ਲਏ ਜਾਣਗੇ ਤਾਂ ਕਿ ਉਸ ਦੀ ਪਛਾਣ ਨਿਸ਼ਚਿਤ ਹੋ ਸਕੇ ਤੇ ਉਸ ਦੀ ਐਂਟਰੀ ਦਰਜ ਹੋਵੇ। - ਦੂਜੀ ਵਾਰ ਜਦੋਂ ਬਾਇਓਮੈਟ੍ਰਿਕ ਹੋਵੇਗੀ ਉਦੋਂ ਡਾਕਟਰ ਜਾਂ ਫਾਰਮਾਸਿਸਟ ਮਰੀਜ਼ ਨੂੰ ਦਵਾਈ ਦੇਵੇਗਾ।
- ਆਧਾਰ ਕਾਰਡ ਦੀ ਮਦਦ ਨਾਲ ਬਾਇਓਮੈਟ੍ਰਿਕ ਰਜਿਸਟ੍ਰੇਸ਼ਨ ਕੀਤਾ ਜਾਵੇਗਾ ਜਿਸ ਨਾਲ ਫਰਜ਼ੀ ਮਰੀਜ਼ਾਂ ਦੀ ਐਂਟਰੀ ਰੋਕੀ ਜਾ ਸਕੇਗੀ।
- ਸਰਕਾਰੀ ਅੰਕੜਿਆਂ ਮੁਤਾਬਕ ਪੰਜਾਬ ਵਿਚ ਲਗਭਗ 10 ਲੱਖ ਮਰੀਜ਼ ਬੁਪ੍ਰੇਨੋਰਫਾਇਨ ਦਵਾਈਆਂ ਦਾ ਸੇਵਨ ਕਰ ਰਹੇ ਹਨ। ਇਹ ਦਵਾਈਆਂ ਸਿਰਫ ਸਰਕਾਰੀ ਤੇ ਰਜਿਸਟਰਡ ਨਿੱਜੀ ਕਲੀਨਿਕਾਂ ਦੇ ਮਾਧਿਅਮ ਤੋਂ ਦਿੱਤੀ ਜਾਂਦੀ ਹੈ ਪਰ ਪਿਛਲੇ ਕੁਝ ਸਾਲਾਂ ਵਿਚ ਇਨ੍ਹਾਂ ਦਵਾਈਆਂ ਦੀ ਚੋਰੀ ਤੇ ਗੈਰ-ਕਾਨੂੰਨੀ ਵਿਕਰੀ ਦੀਆਂ ਘਟਨਾਵਾਂ ਸਾਹਮਣੇ ਆਈਆਂ ਹਨ।
ਪੰਜਾਬ ਸਰਕਾਰ ਵੱਲੋਂ ਲਾਗੂ ਕੀਤਾ ਗਿਆ ਇਹ ਬਾਇਓਮੈਟ੍ਰਿਕ ਸਿਸਟਮ ਪੂਰੀ ਪ੍ਰਕਿਰਿਆ ਨੂੰ ਪਾਰਦਰਸ਼ੀ ਬਣਾਏਗਾ ਤੇ ਸਿਰਫ ਅਸਲੀ ਮਰੀਜ਼ਾਂ ਨੂੰ ਹੀ ਦਵਾਈ ਦੇਣ ਦੀ ਇਜਾਜ਼ਤ ਦੇਵੇਗਾ। ਸਰਕਾਰ ਮੁਤਾਬਕ ਇਹ ਪ੍ਰਣਾਲੀ ਮਰੀਜ਼ਾਂ ਦੇ ਡਿਜੀਟਲ ਰਿਕਾਰਡ ਨੂੰ ਬਣਾਏ ੱਖਣ ਦਾ ਚੰਗਾ ਤਰੀਕਾ ਹੈ ਤਾਂ ਕਿ ਸਿਰਫ ਅਸਲੀ ਮਰੀਜ਼ਾਂ ਨੂੰ ਹੀ ਦਵਾਈ ਮਿਲੇ। ਇਸ ਬਾਇਓਮੈਟ੍ਰਿਕ ਸਿਸਟਮ ਦਾ ਟ੍ਰਾਇਲ ਜਾਰੀ ਹੈ ਤੇ ਜਲਦ ਹੀ ਇਸ ਨੂੰ ਪੂਰੇ ਸੂਬੇ ਵਿਚ ਲਾਗੂ ਕੀਤਾ ਜਾਵੇਗਾ।
ਵੀਡੀਓ ਲਈ ਕਲਿੱਕ ਕਰੋ -:
