Contractor suicide case in Faridkot : ਪੰਜਾਬ ਦੇ ਫਰੀਦਕੋਟ ਦੇ ਨਰਾਇਣ ਨਗਰ ਵਿੱਚ ਇੱਕ ਨੌਜਵਾਨ ਠੇਕੇਦਾਰ ਕਰਨ ਕਟਾਰੀਆ ਨੇ ਆਪਣੀ ਪਤਨੀ ਅਤੇ ਦੋ ਬੱਚਿਆਂ ਨੂੰ ਗੋਲੀ ਮਾਰ ਕੇ ਖੁਦਕੁਸ਼ੀ ਕਰ ਲਈ। ਹੁਣ ਇਸ ਮਾਮਲੇ ਵਿੱਚ ਥਾਣਾ ਸਦਰ ਦੀ ਪੁਲਿਸ ਨੇ ਧਾਰਾ 306 ਆਈਪੀਸੀ ਦੇ ਤਹਿਤ ਇੱਕ ਕਾਂਗਰਸੀ ਵਿਧਾਇਕ ਦੇ ਸਾਲੇ ਤੇ ਮੁਕਤਸਰ ਡਿੰਪੀ ਵਿਨਾਇਕ ਖਿਲਾਫ ਖੁਦਕੁਸ਼ੀ ਕਰਨ ਲਈ ਮਜਬੂਰ ਦਾ ਮਾਮਲਾ ਦਰਜ ਕੀਤਾ ਹੈ ਅਤੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
ਪੁਲਿਸ ਨੇ ਮ੍ਰਿਤਕ ਠੇਕੇਦਾਰ ਕਰਨ ਕਟਾਰੀਆ ਦੇ ਸੁਸਾਈਡ ਨੋਟ ਅਤੇ ਉਸਦੇ ਭਰਾ ਅੰਕਿਤ ਕਟਾਰੀਆ ਦੇ ਬਿਆਨ ਦੇ ਅਧਾਰ ‘ਤੇ ਕੇਸ ਦਰਜ ਕੀਤਾ ਹੈ। ਦੱਸ ਦੇਈਏ ਕਿ ਕਰਨ ਕਟਾਰੀਆ ਅਤੇ ਉਸ ਦੇ ਦੋ ਬੱਚਿਆਂ ਦੀ ਮੌਤ ਹੋ ਗਈ ਹੈ, ਜਦਕਿ ਉਸ ਦੀ ਪਤਨੀ ਸ਼ੀਨਮ ਕਟਾਰੀਆ ਨੂੰ ਲੁਧਿਆਣਾ ਦੇ ਇੱਕ ਨਿੱਜੀ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਹੈ। ਜਿੱਥੇ ਉਸ ਦੀ ਹਾਲਤ ਨਾਜ਼ੁਕ ਬਣੀ ਹੋਈ ਹੈ।
ਕਰਨ ਕਟਾਰੀਆ ਦੇ ਛੋਟੇ ਭਰਾ ਅੰਕਿਤ ਕਟਾਰੀਆ ਨੇ ਪੁਲਿਸ ਨੂੰ ਦੱਸਿਆ ਕਿ ਉਸ ਕੋਲ ਟਰੱਕ ਯੂਨੀਅਨ ਗਿੱਦੜਬਾਹਾ ਦੇ ਫਸਲ ਦੀ ਲਿਫਟਿੰਗ ਦੇ ਠੇਕੇ ਸਨ। ਮੁਕਤਸਰ ਨਿਵਾਸੀ ਡਿੰਪੀ ਵਿਨਾਇਕ ਦਾ ਉਨ੍ਹਾਂ ਦੇ ਸਾਰੇ ਕੰਮਾਂ ਵਿੱਚ ਦਖਲ ਸੀ ਅਤੇ ਉਹ ਉਨ੍ਹਾਂ ਤੋਂ ਉਗਾਹੀ ਕਰਦਾ ਸੀ। ਪਿਛਲੇ ਅਤੇ ਇਸ ਸੀਜ਼ਨ ਦੌਰਾਨ ਉਸਨੇ ਉਸ ਕੋਲੋਂ ਇਕ ਕਰੋੜ 22 ਲੱਖ ਰੁਪਏ ਲਏ ਸਨ। ਇਸੇ ਤਰ੍ਹਾਂ ਉਹ ਬਿਜਲੀ ਦੇ ਕੰਮ ਵਿੱਚ ਉਨ੍ਹਾਂ ਤੋਂ ਜ਼ਬਰਦਸਤੀ ਪੈਸੇ ਵਸੂਲ ਰਿਹਾ ਸੀ ਅਤੇ ਦਾਅਵਾ ਕਰਦਾ ਸੀ ਕਿ ਇਸ ਪੈਸੇ ਵਿੱਚ ਵਿਧਾਇਕ ਦਾ ਵੀ ਹਿੱਸਾ ਹੈ।
ਅੰਕਿਤ ਦੇ ਅਨੁਸਾਰ ਜਦੋਂ ਵੀ ਉਸਨੇ ਡਿੰਪੀ ਤੋਂ ਪੈਸੇ ਦੀ ਮੰਗ ਕੀਤੀ, ਉਸਨੇ ਰਾਜਨੀਤਿਕ ਜ਼ੋਰ ਕਾਰਨ ਪੈਸੇ ਦੇਣ ਤੋਂ ਇਨਕਾਰ ਕਰ ਦਿੱਤਾ, ਜਿਸ ਕਾਰਨ ਉਸਦਾ ਭਰਾ ਪਰੇਸ਼ਾਨ ਰਹਿਣ ਲੱਗਾ। ਦੋ ਦਿਨ ਪਹਿਲਾਂ ਡਿੰਪੀ ਨੇ ਆਪਣੇ ਭਰਾ ਨੂੰ ਕਿਹਾ ਸੀ ਕਿ ਉਸ ਦੇ ਭਰਾ ਨੂੰ ਕਿਹਾ ਸੀ ਕਿ ਪੈਸੇ ਤਾਂ ਵਾਪਿਸ ਨਹੀਂ ਮਿਲਣਗੇ, ਤੂੰ ਖੁਦਕੁਸ਼ੀ ਕਰ ਲੈ।
ਘਟਨਾ ਵਾਲੇ ਦਿਨ ਰਾਤ ਵੇਲੇ ਡਿੰਪੀ ਨੇ ਫੋਨ ਕਰਕੇ ਤੰਗ ਪ੍ਰੇਸ਼ਾਨ ਕੀਤਾ, ਜਿਸ ਕਾਰਨ ਉਸਨੇ ਇਹ ਕਦਮ ਚੁੱਕਿਆ। ਸੁਸਾਈਡ ਨੋਟ ਦੇ ਨਾਲ ਕਰਨ ਕਟਾਰੀਆ ਨੇ ਆਪਣੇ ਛੋਟੇ ਭਰਾ ਅੰਕਿਤ ਨੂੰ ਆਪਣੀ ਅਚੱਲ ਸੰਪਤੀ ਦਾ ਮਾਲਕ ਐਲਾਨ ਕਰ ਦਿੱਤਾ ਹੈ। ਨਾਲ ਹੀ ਲੈਣ-ਦੇਣ ਦਾ ਵੇਰਵਾ ਵੀ ਦਿੱਤਾ ਗਿਆ ਹੈ। ਉਧਰ ਥਾਣਾ ਸਦਰ ਦੀ ਪੁਲਿਸ ਨੇ ਖੁਦਕੁਸ਼ੀ ਕਰਨ ਵਾਲੇ ਕਰਨ ਕਟਾਰੀਆ (ਮ੍ਰਿਤਕ) ਦੇ ਖਿਲਾਫ ਪਤਨੀ ਅਤੇ ਦੋਵਾਂ ਬੱਚਿਆਂ ਖਿਲਾਫ ਕਤਲ ਅਤੇ ਇਰਾਦੇ ਦੀਆਂ ਧਾਰਾਵਾਂ ਤਹਿਤ ਵੱਖਰਾ ਮਾਮਲਾ ਦਰਜ ਕੀਤਾ ਹੈ।
