corona virus lockdown china: ਕੋਰੋਨਾ ਸੰਕਟ ਅਤੇ ਤਾਲਾਬੰਦੀ ਕਾਰਨ ਵਿਦੇਸ਼ਾਂ ਵਿੱਚ ਫਸੇ ਲੋਕਾਂ ਨੂੰ ਲਿਆਉਣ ਦੀ ਕੋਸ਼ਿਸ਼ ਵਿੱਚ ਪਿਛਲੇ 20 ਦਿਨਾਂ ਤੋਂ ਭਾਰਤ ਜੁਟਿਆ ਹੋਇਆ ਹੈ। ਇਸ ਦੌਰਾਨ ਚੀਨ ਨੇ ਇਹ ਵੀ ਐਲਾਨ ਕੀਤਾ ਹੈ ਕਿ ਭਾਰਤ ‘ਚ ਫਸੇ ਚੀਨੀ ਲੋਕ ਜੋ ਆਪਣੇ ਦੇਸ਼ ਪਰਤਣਾ ਚਾਹੁੰਦੇ ਹਨ, ਉਨ੍ਹਾਂ ਨੂੰ ਵਾਪਸ ਲਿਆਉਣਗੇ। ਚੀਨੀ ਦੂਤਾਵਾਸ ਦੀ ਵੈਬਸਾਈਟ ‘ਤੇ ਚੀਨੀ ਮੈਂਡਰਿਨ ਭਾਸ਼ਾ ‘ਚ ਪ੍ਰਕਾਸ਼ਤ ਕੀਤੇ ਗਏ ਨੋਟਿਸ ‘ਚ ਕਿਹਾ ਗਿਆ ਹੈ ਕਿ ਭਾਰਤ ‘ਚ ਫਸੇ ਵਿਦਿਆਰਥੀਆਂ, ਸੈਲਾਨੀਆਂ ਅਤੇ ਕਾਰੋਬਾਰੀਆਂ ਨੂੰ ਵਿਸ਼ੇਸ਼ ਉਡਾਣਾਂ ਰਾਹੀਂ ਚੀਨ ਵਾਪਸ ਪਰਤਣ ਦੀ ਆਗਿਆ ਹੋਵੇਗੀ।
ਬੀਜਿੰਗ ਨੇ ਆਪਣੇ ਨਾਗਰਿਕਾਂ ਨੂੰ ਕਿਹਾ ਹੈ ਜੋ 27 ਮਈ ਦੀ ਸਵੇਰ ਤੱਕ ਚੀਨ ਵਾਪਸ ਪਰਤਣਾ ਚਾਹੁੰਦੇ ਹਨ ਉਹ ਰਜਿਸਟਰੇਸ਼ਨ ਕਰਵਾ ਲੈਣ। ਹਾਲਾਂਕਿ, ਇਸ ਨੋਟਿਸ ‘ਚ ਇਹ ਸਪੱਸ਼ਟ ਨਹੀਂ ਹੋਇਆ ਹੈ ਕਿ ਵਿਸ਼ੇਸ਼ ਉਡਾਣਾਂ ਕਦੋਂ ਅਤੇ ਕਿੱਥੋਂ ਆਉਣਗੀਆਂ। ਚੀਨ ਵਲੋਂ ਨੋਟਿਸ ‘ਚ ਕਿਹਾ ਗਿਆ ਹੈ ਕਿ ਭਾਰਤੀ ਵਿਦੇਸ਼ ਮੰਤਰਾਲੇ ਅਤੇ ਭਾਰਤ ‘ਚ ਚੀਨੀ ਦੂਤਾਵਾਸ ਅਤੇ ਕੌਂਸਲੇਟ ਸਬੰਧਿਤ ਵਿਭਾਗਾਂ ਦੀ ਏਕਤਾਮਈ ਪ੍ਰਬੰਧ ਅਧੀਨ ਭਾਰਤ ‘ਚ ਵਿਦਿਆਰਥੀਆਂ, ਸੈਲਾਨੀਆਂ ਅਤੇ ਅਸਥਾਈ ਕਾਰੋਬਾਰੀਆਂ ਦੀ ਸਹਾਇਤਾ ਕਰਨਗੇ, ਜਿਨ੍ਹਾਂ ਨੂੰ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ਅਤੇ ਜਿਨ੍ਹਾਂ ਨੂੰ ਅਸਥਾਈ ਉਡਾਣਾਂ ਰਾਹੀਂ ਘਰ ਵਾਪਸ ਆਉਣਾ ਜ਼ਰੂਰੀ ਹੈ।
ਨੋਟਿਸ ‘ਚ ਇਹ ਵੀ ਕਿਹਾ ਗਿਆ ਹੈ ਕਿ ਜੇ ਕੋਈ ਯਾਤਰੀ ਜੋ ਆਪਣੀ ਬਿਮਾਰੀ ਨੂੰ ਲੁਕਾਉਂਦਾ ਹੈ ਜਾਂ ਕੁਆਰੰਟੀਨ ਜਾਂਚ ਦੌਰਾਨ ਇਹ ਜਾਣਕਾਰੀ ਪ੍ਰਾਪਤ ਕਰਦਾ ਹੈ ਕਿ ਉਸਨੇ ਐਂਟੀਪਾਇਰੇਟਿਕਸ ਅਤੇ ਹੋਰ ਰੋਕਥਾਮ ਵਾਲੀਆਂ ਦਵਾਈਆਂ ਲਈਆਂ ਹਨ, ਤਾਂ ਉਸ ਨੂੰ ਜਨਤਕ ਬਣਾਇਆ ਜਾਵੇਗਾ ਸੁਰੱਖਿਆ ਨੂੰ ਖ਼ਤਰੇ ‘ਚ ਪਾਉਣ ਦੇ ਜੁਰਮ ਲਈ ਜ਼ਿੰਮੇਵਾਰ ਠਹਿਰਾਇਆ ਜਾਵੇਗਾ। ਨੋਟਿਸ ‘ਚ ਉਨ੍ਹਾਂ ਲੋਕਾਂ ਨੂੰ ਸਾਫ ਤੌਰ ‘ਤੇ ਮਨਾਹੀ ਕੀਤੀ ਗਈ ਹੈ ਜਿਨ੍ਹਾਂ ‘ਤੇ ਕੋਰੋਨਾ ਦਾ ਇਲਾਜ ਕੀਤਾ ਗਿਆ ਹੈ ਜਾਂ ਇਸ ਮਾਮਲੇ ਵਿਚ ਸ਼ੱਕ ਹੈ ਜਾਂ ਜਿਨ੍ਹਾਂ ਨੂੰ ਬੁਖਾਰ ਅਤੇ ਖਾਂਸੀ ਦੇ ਲੱਛਣ ਹਨ 14 ਦਿਨਾਂ ਤੋਂ ਉਹ ਹਵਾਈ ਸੇਵਾ ਨਹੀਂ ਕਰ ਸਕਣਗੇ।
