Corona Warrior SMO wife : ਅੰਮ੍ਰਿਤਸਰ : ਕੋਰੋਨਾ ਵਾਰੀਅਰ ਅੰਮ੍ਰਿਤਸਰ ਸਿਵਲ ਹਸਪਤਾਲ ਦੇ ਸਾਬਕਾ ਐਸਐਮਓ ਡਾ. ਅਰੁਣ ਸ਼ਰਮਾ ਦੀ ਪਤਨੀ ਡਾ. ਸੋਨੀਆ ਸ਼ਰਮਾ ਨੇ ਸੋਮਵਾਰ ਨੂੰ ਜ਼ਹਿਰੀਲੀ ਚੀਜ਼ ਖਾ ਕੇ ਖੁਦਕੁਸ਼ੀ ਕਰ ਲਈ। ਗੰਭੀਰ ਹਾਲਤ ਵਿੱਚ ਉਸ ਨੂੰ ਮਜੀਠਾ ਰੋਡ ਸਥਿਤ ਕੇਡੀ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ। ਸਿਵਲ ਸਰਜਨ ਡਾ: ਆਰ ਐਸ ਸੇਠੀ ਅਤੇ ਸਿਹਤ ਵਿਭਾਗ ਦੇ ਉੱਚ ਅਧਿਕਾਰੀ ਕੇਡੀ ਹਸਪਤਾਲ ਪਹੁੰਚੇ। ਦੇਰ ਸ਼ਾਮ ਇਲਾਜ ਦੌਰਾਨ ਉਨ੍ਹਾਂ ਦੀ ਮੌਤ ਹੋ ਗਈ।
ਮਿਲੀ ਜਾਣਕਾਰੀ ਮੁਤਾਬਕ ਮੈਡੀਕਲ ਅਧਿਕਾਰੀ ਸੋਨੀਆ ਸ਼ਰਮਾ ਦੁਪਹਿਰ 2.30 ਵਜੇ ਘਰ ਦੇ ਕਮਰੇ ਵਿਚ ਹੀ ਸਲਫਾਸ ਦੀਆਂ ਗੋਲੀਆਂ ਨਿਗਲ ਲਈਆਂ। ਘਰ ਵਿਚ ਕੰਮ ਕਰ ਰਹੀ ਲੇਡੀ ਮੇਡ ਆਪਣੇ ਕੰਮਾਂ ਵਿੱਚ ਬਿਜ਼ੀ ਸੀ। ਜਦੋਂ ਉਹ ਅਚਾਨਕ ਉਸ ਦੇ ਕਮਰੇ ਵਿਚ ਗਈ ਤਾਂ ਉਸ ਨੂੰ ਇਸ ਘਟਨਾ ਬਾਰੇ ਪਤਾ ਲੱਗਿਆ ਅਤੇ ਪਰਿਵਾਰਕ ਰਿਸ਼ਤੇਦਾਰਾਂ ਨੂੰ ਦੱਸਿਆ ਗਿਆ। 52 ਸਾਲਾ ਡਾ. ਸੋਨੀਆ ਨਗਰ ਨਿਗਮ ਵਿੱਚ ਮੈਡੀਕਲ ਅਫਸਰ ਵਜੋਂ ਕੰਮ ਕਰ ਰਹੀ ਸੀ। 30 ਅਗਸਤ ਨੂੰ ਉਸ ਦੇ ਪਤੀ ਡਾ. ਅਰੁਣ ਸ਼ਰਮਾ ਦੀ ਕੋਰੋਨਾ ਕਰਕੇ ਮੌਤ ਹੋ ਗਈ ਸੀ। ਉਨ੍ਹਾਂ ਦੇ ਅੰਤਿਮ ਸੰਸਕਾਰ ਮੌਕੇ ਪੰਜਾਬ ਦੇ ਸਿਹਤ ਮੰਤਰੀ ਬਲਬੀਰ ਸਿੰਘ ਸਿੱਧੂ ਪਹੁੰਚੇ ਸਨ। ਪਰਿਵਾਰ ਨੂੰ ਹਰ ਸੰਭਵ ਮਦਦ ਦਾ ਭਰੋਸਾ ਦਿੱਤਾ ਗਿਆ ਸੀ। ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਵੀ ਪਰਿਵਾਰ ਨਾਲ ਡੂੰਘੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਸੀ। ਉਸ ਦੀ ਮੌਤ ਨੂੰ ਤਕਰੀਬਨ ਚਾਰ ਮਹੀਨੇ ਬੀਤ ਗਏ, ਪਰ ਨਾ ਤਾਂ ਪਰਿਵਾਰ ਅਤੇ ਨਾ ਹੀ ਮੈਂਬਰ ਨੂੰ ਕੋਈ ਵਿੱਤੀ ਸਹਾਇਤਾ ਮਿਲੀ।
ਸ਼ਰਮਾ ਪਰਿਵਾਰ ਦੇ ਨੇੜਲੇ ਅਤੇ ਸਿਵਲ ਹਸਪਤਾਲ ਦੇ ਆਪਥੇਲੇਮਿਕ ਅਫਸਰ ਰਾਕੇਸ਼ ਸ਼ਰਮਾ ਨੇ ਦੱਸਿਆ ਕਿ ਡਾਕਟਰ ਸੋਨੀਆ ਆਪਣੇ ਪਤੀ ਦੀ ਮੌਤ ਤੋਂ ਬਾਅਦ ਤਣਾਅ ਵਿਚ ਸੀ। ਉਨ੍ਹਾਂ ਨੂੰ ਲੀਨ ਇਨ ਕੈਸ਼ਮੇਂਟ ਤੱਕ ਨਹੀਂ ਮਿਲੀ। ਉਹ ਮੇਰੇ ਕੋਲੋਂ ਪੁੱਛਦੀ ਸੀ ਕਿ ਸਾਰੇ ਬਿੱਲ ਕਦੋਂ ਕਲੀਅਰ ਹੋਣਗੇ? ਪੁੱਤਰ ਨੂੰ ਕਿੰਨੀ ਦੇਰ ਨੌਕਰੀ ਮਿਲੇਗੀ. ਪੈਨਸ਼ਨ ਕਦੋਂ ਸ਼ੁਰੂ ਹੋਵੇਗੀ? ਪੀਐਫ ਕਦੋਂ ਜਾਰੀ ਕੀਤਾ ਜਾਏਗਾ? ਬਹੁਤ ਮੁਸ਼ਕਲ ਨਾਲ ਬੀਮਾ ਕੰਪਨੀ ਤੋਂ ਬੀਮਾ ਕਲੇਮ ਲਿਆ। ਸਿਹਤ ਵਿਭਾਗ ਨੇ ਪੇਪਰ ਦੇ ਕੰਮ ਵਿਚ ਉਲਝਾਇਆ ਹੋਇਆ ਸੀ, ਸ਼ਰਮਾ ਪਰਿਵਾਰ ਨੂੰ ਦਿੱਤਾ ਕੁਝ ਨਹੀਂ। ਡਾ ਸੋਨੀਆ ਵਿਭਾਗਾਂ ਦੇ ਚੱਕਰ ਕੱਟਣ ਤੋਂ ਥੱਕ ਗਈਆਂ ਅਤੇ ਅੱਜ ਇਹ ਕਦਮ ਚੁੱਕਿਆ।
