ਦੇਸ਼ ਵਿੱਚ ਸੋਨੇ ਦੀ ਤਸਕਰੀ ਦੇ ਮਾਮਲੇ ਵਿੱਚ ਡਾਇਰੈਕਟੋਰੇਟ ਆਫ ਰੈਵੇਨਿਊ ਇੰਟੈਲੀਜੈਂਸ (DRI) ਨੇ ਵੱਡੀ ਕਾਰਵਾਈ ਕੀਤੀ ਹੈ। DRI ਵੱਲੋਂ ਪਹਿਲਾਂ ਪਟਨਾ, ਫਿਰ ਇੱਥੋਂ ਮਿਲੇ ਇਨਪੁਟਸ ‘ਤੇ ਮਹਾਰਾਸ਼ਟਰ ਦੇ ਦੋ ਸ਼ਹਿਰਾਂ ਪੁਣੇ ਅਤੇ ਮੁੰਬਈ ‘ਚ ਛਾਪੇਮਾਰੀ ਕੀਤੀ ਗਈ। ਇਸ ਕਾਰਵਾਈ ‘ਚ DRI ਨੇ ਕੁੱਲ 101.7 ਕਿਲੋ ਤਸਕਰੀ ਵਾਲਾ ਸੋਨਾ ਬਰਾਮਦ ਕੀਤਾ ਹੈ। ਇਸ ਦੀ ਕੀਮਤ ਲਗਭਗ 51 ਕਰੋੜ ਰੁਪਏ ਦੱਸੀ ਜਾ ਰਹੀ ਹੈ। ਇਸ ਵਿੱਚੋਂ ਪਟਨਾ ਵਿੱਚ 21 ਕਰੋੜ ਰੁਪਏ ਦਾ ਸੋਨਾ ਜ਼ਬਤ ਕੀਤਾ ਗਿਆ ਹੈ।
DRI ਦੇ ਇੱਕ ਅਧਿਕਾਰੀ ਨੇ ਮੰਗਲਵਾਰ ਨੂੰ ਆਪਣੇ ਆਪਰੇਸ਼ਨ ਗੋਲਡਨ ਡਾਨ-ਪੈਨ ਇੰਡੀਆ ਦਾ ਖੁਲਾਸਾ ਕੀਤਾ। ਇਸ ਵਿਸ਼ੇਸ਼ ਮੁਹਿੰਮ ਤਹਿਤ ਤਿੰਨ ਸ਼ਹਿਰਾਂ ਵਿੱਚ DRI ਦੀ ਟੀਮ ਨੇ ਸੋਨੇ ਦੀ ਤਸਕਰੀ ਵਿੱਚ ਸ਼ਾਮਲ 10 ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਇਨ੍ਹਾਂ ਵਿੱਚੋਂ 7 ਨਾਗਰਿਕ ਸੂਡਾਨ ਦੇ ਹਨ ਅਤੇ ਬਾਕੀ ਤਿੰਨ ਮੁਲਜ਼ਮ ਮੁੰਬਈ ਦੇ ਰਹਿਣ ਵਾਲੇ ਹਨ।
ਬਰਾਮਦ ਕੀਤੀ ਗਈ ਸੋਨੇ ਦੀ ਖੇਪ ਦੁਬਈ ਦੀ ਦੱਸੀ ਜਾ ਰਹੀ ਹੈ। ਇਸ ਸੋਨੇ ਦੀ ਨੇਪਾਲ ਰਾਹੀਂ ਤਸਕਰੀ ਕੀਤੀ ਗਈ ਸੀ। ਫਿਰ ਉਸ ਨੂੰ ਪਟਨਾ ਤੋਂ ਟਰੇਨ ਅਤੇ ਫਲਾਈਟ ਰਾਹੀਂ ਮੁੰਬਈ ਲਿਜਾਇਆ ਜਾ ਰਿਹਾ ਸੀ। ਇਨ੍ਹਾਂ ਵਿੱਚੋਂ ਦੋ ਖੇਪ ਮੁੰਬਈ ਭੇਜੇ ਜਾ ਚੁਕੇ ਸਨ ਅਤੇ ਪਟਨਾ ਤੋਂ ਤੀਜੀ ਖੇਪ ਭੇਜਣ ਦੀਆਂ ਤਿਆਰੀ ਚੱਲ ਰਹੀ ਸੀ।DRI ਦੀ ਟੀਮ ਨੇ ਇਸ ਪੂਰੇ ਨੈੱਟਵਰਕ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਇਹ ਵੀ ਪੜ੍ਹੋ : ਅੰਮ੍ਰਿਤਸਰ : ਮੰਦਰ ‘ਚ ਚੋਰੀ ਦੀ ਵਾਰਦਾਤ ਨੂੰ ਅੰਜਾਮ ਦੇਣ ਵਾਲੇ 2 ਦੋਸ਼ੀ ਕਾਬੂ, ਚੋਰੀ ਦੇ ਸਾਮਾਨ ਵੀ ਬਰਾਮਦ
DRI ਟੀਮ ਵੱਲੋਂ ਪਹਿਲੀ ਕਾਰਵਾਈ 19 ਫਰਵਰੀ ਦੀ ਰਾਤ ਨੂੰ ਪਟਨਾ ਵਿੱਚ ਹੋਈ। ਮੁੰਬਈ ਦੇ ਇੱਕ ਹੈਂਡਲਰ ਅਤੇ ਸੂਡਾਨ ਦੇ ਦੋ ਨਾਗਰਿਕਾਂ ਨੂੰ ਪਟਨਾ ਜੰਕਸ਼ਨ ਤੋਂ ਫੜਿਆ ਗਿਆ। ਤਿੰਨੋਂ ਪਟਨਾ ਤੋਂ ਮੁੰਬਈ ਦੇ ਲੋਕਮਾਨਿਆ ਤਿਲਕ ਜਾਣ ਵਾਲੀ ਟਰੇਨ ‘ਚ ਸਵਾਰ ਹੋਏ ਸਨ। ਸੂਡਾਨੀ ਨਾਗਰਿਕਾਂ ਕੋਲੋਂ 40 ਪੈਕੇਟਾਂ ਵਿਚ 37.126 ਕਿਲੋਗ੍ਰਾਮ ਵਜ਼ਨ ਵਾਲੀ ਸੋਨੇ ਦੀ ਪੇਸਟ ਬਰਾਮਦ ਹੋਈ ਸੀ। ਉਸ ਨੇ ਇਸ ਨੂੰ ਸਲੀਵਲੇਸ ਜੈਕੇਟ ਵਿਚ ਵਿਸ਼ੇਸ਼ ਤੌਰ ‘ਤੇ ਬਣੇ ਪੈਕਟ ਵਿਚ ਲੁਕੋ ਕੇ ਰੱਖਿਆ ਸੀ।
ਇਸ ਦੇ ਨਾਲ ਹੀ ਤੀਜਾ ਵਿਅਕਤੀ ਨੇਪਾਲ ਸਰਹੱਦ ਤੋਂ ਭਾਰਤੀ ਸਰਹੱਦ ਤੱਕ ਤਸਕਰੀ ਦੀ ਗਤੀਵਿਧੀ ਦਾ ਤਾਲਮੇਲ ਕਰਦਾ ਸੀ। ਇਸ ਦੇ ਨਾਲ ਹੀ ਉਹ ਸੋਨੇ ਦੀ ਤਸਕਰੀ ਕਰਨ ਵਾਲਿਆਂ ਨੂੰ ਉਨ੍ਹਾਂ ਦੀ ਮੰਜ਼ਿਲ ‘ਤੇ ਪਹੁੰਚਣ ਲਈ ਯਾਤਰਾ ਦਾ ਪ੍ਰਬੰਧ ਕਰਦਾ ਹੈ। ਪਟਨਾ ‘ਚ ਬਰਾਮਦ ਹੋਏ ਸੋਨੇ ਦੀ ਇਸ ਖੇਪ ਦੀ ਕੀਮਤ 21 ਕਰੋੜ ਤੋਂ ਵੱਧ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“ਪੰਜਾਬ ਦੀ ਆਹ ਕੁੜੀ ਨੇ ਬੁਲਟ ‘ਤੇ ਘੁੰਮਿਆ ਸਾਰਾ ‘India’, ਹੁਣ ਬੁਲਟ ‘ਤੇ ਚੱਲੀ ਐ ਇੰਗਲੈਂਡ ! “
ਇਸ ਤੋਂ ਬਾਅਦ DRI ਅਧਿਕਾਰੀਆਂ ਨੇ ਪੁਣੇ ਤੋਂ ਮੁੰਬਈ ਜਾ ਰਹੀ ਇੱਕ ਬੱਸ ਨੂੰ ਰੋਕਿਆ ਗਿਆ। ਇਸ ਵਿੱਚ ਸਫ਼ਰ ਕਰ ਰਹੀਆਂ ਸੂਡਾਨ ਦੀਆਂ ਦੋ ਔਰਤਾਂ ਫੜੀਆਂ ਗਈਆਂ। ਉਸ ਦੇ ਬੈਗ ਵਿੱਚੋਂ 5.615 ਕਿਲੋ ਤਸਕਰੀ ਵਾਲਾ ਸੋਨਾ ਬਰਾਮਦ ਹੋਇਆ। ਮੁੰਬਈ ਦੇ ਰੇਲਵੇ ਸਟੇਸ਼ਨ ‘ਤੇ ਸੂਡਾਨ ਦੇ ਦੋ ਨਾਗਰਿਕ ਫੜੇ ਗਏ। ਦੋਵਾਂ ਕੋਲੋਂ 40 ਪੈਕਟਾਂ ਵਿਚ 38.76 ਕਿਲੋ ਸੋਨਾ ਬਰਾਮਦ ਹੋਇਆ।
DRI ਨੇ ਆਪਣਾ ਅਧਿਕਾਰਤ ਬਿਆਨ ਜਾਰੀ ਕਰਦਿਆਂ ਕਿਹਾ ਕਿ ਤਸਕਰਾਂ ਦੀ ਗ੍ਰਿਫਤਾਰੀ ਤੋਂ ਬਾਅਦ, ਮੁੰਬਈ ਵਿੱਚ ਉਨ੍ਹਾਂ ਦੇ ਕਈ ਟਿਕਾਣਿਆਂ ‘ਤੇ ਛਾਪੇ ਮਾਰੇ ਗਏ। ਮੁਲਜ਼ਮਾਂ ਕੋਲੋਂ 74 ਲੱਖ ਰੁਪਏ ਦੀ ਵਿਦੇਸ਼ੀ ਕਰੰਸੀ ਅਤੇ 63 ਲੱਖ ਰੁਪਏ ਦੀ ਭਾਰਤੀ ਕਰੰਸੀ ਬਰਾਮਦ ਹੋਈ ਹੈ। ਇਸ ਤੋਂ ਇਲਾਵਾ ਉਨ੍ਹਾਂ ਦੇ ਟਿਕਾਣੇ ਤੋਂ 20.2 ਕਿਲੋ ਤਸਕਰੀ ਕੀਤਾ ਗਿਆ ਸੋਨਾ ਵੀ ਬਰਾਮਦ ਕੀਤਾ ਗਿਆ ਹੈ।
