Due to lack of money for medicine : ਲੁਧਿਆਣਾ ਵਿੱਚ ਵੀਰਵਾਰ ਨੂੰ ਸਿਵਲ ਹਸਪਤਾਲ ਦੇ ਪਾਰਕ ਵਿੱਚ ਪਤਨੀ ਦੀ ਡਿਲਵਰੀ ਹੋਣ ਅਤੇ ਜੌੜੇ ਬੱਚਿਆਂ ਨੂੰ ਪੀਜੀਆਈ ਰੈਫਰ ਕੀਤੇ ਜਾਣ ਤੋਂ ਬਾਅਦ ਜਿਥੇ ਨਵਜੰਮਿਆਂ ਦੇ ਪਿਤਾ ਸੰਤੋਸ਼ ਕੁਮਾਰ ਵਿਵਸਥਾ ਅੱਗੇ ਬੇਵੱਸ ਨਜ਼ਰ ਆਏ, ਉਥੇ ਹੀ ਇਨਸਾਨੀਅਤ ਵੀ ਸ਼ਰਮਸਾਰ ਹੋ ਗਈ। ਪੀਜੀਆਈ ਵਿੱਚ ਬੱਚਿਆਂ ਦੇ ਇਲਾਜ ਲਈ ਉਸ ਕੋਲ ਪੈਸੇ ਨਹੀਂ ਸਨ, ਇਸ ਲਈ ਉਸ ਨੂੰ ਨਾਜ਼ੁਕ ਹਾਲਤ ਵਿਚ ਦੋਵੇਂ ਨਵਜੰਮੇ ਅਤੇ ਪਤਨੀ ਨੂੰ ਬੱਸ ਰਾਹੀਂ ਲੁਧਿਆਣਾ ਵਾਪਸ ਪਰਤਣਾ ਪਿਆ। ਸਿਵਲ ਹਸਪਤਾਲ, ਲੁਧਿਆਣਾ ਦੇ ਮਦਰ ਅਤੇ ਚਾਈਲਡ ਵਿਭਾਗ ਦੇ ਲੇਬਰ ਰੂਮ ਦੇ ਕਰਮਚਾਰੀਆਂ ਦੀ ਅਣਦੇਖੀ ਨੇ ਪੂਰੇ ਸਿਸਟਮ ਦੇ ਨਾਲ-ਨਾਲ ਇਨਸਾਨੀਅਨਤ ਨੂੰ ਵੀ ਸ਼ਰਮਸਾਰ ਕਰ ਦਿੱਤਾ। ਜਿਉਂ ਹੀ ਸਥਿਤੀ ਦੇ ਹੱਥੋਂ ਮਜਬੂਰ ਪਿਤਾ ਸਿਵਲ ਹਸਪਤਾਲ ਵਾਪਸ ਪਰਤਿਆ ਤਾਂ ਅਧਿਕਾਰੀਆਂ ਨੂੰ ਭਾਜੜਾਂ ਪੈ ਗਈਆਂ। ਹਸਪਤਾਲ ਪ੍ਰਬੰਧਨ ਨੇ ਨਵਜੰਮੇ ਅਤੇ ਉਸ ਦੀ ਮਾਂ ਦੋਵਾਂ ਨੂੰ ਸੀਐਮਸੀ ਹਸਪਤਾਲ ਰੈਫ਼ਰ ਕਰ ਦਿੱਤਾ। ਰੈਫਰ ਦੌਰਾਨ ਦੋਵਾਂ ਨਵਜੰਮੇ ਬੱਚਿਆਂ ਦੀ ਸਥਿਤੀ ਗੰਭੀਰ ਬਣੀ ਹੋਈ ਹੈ। ਚੰਗੀ ਗੱਲ ਇਹ ਰਹੀ ਕਿ ਚਾਰੇ ਪਾਸਿਓਂ ਪ੍ਰੇਸ਼ਾਨ ਹੋਣ ਤੋਂ ਬਾਅਦ ਹਸਪਤਾਲ ਪ੍ਰਬੰਧਨ ਬੱਚਿਆਂ ਅਤੇ ਉਨ੍ਹਾਂ ਦੀ ਮਾਂ ਦਾ ਸਰਕਾਰੀ ਖਰਚੇ ‘ਤੇ ਇਲਾਜ ਕਰਾਉਣ ਲਈ ਰਾਜ਼ੀ ਹੋ ਗਿਆ, ਜਿਸ ਨਾਲ ਉਸ ਨੂੰ ਉਮੀਦ ਬੱਝੀ ਹੈ।
ਮਹੱਤਵਪੂਰਣ ਗੱਲ ਇਹ ਹੈ ਕਿ ਧੂਰੀ ਲਾਈਨ ਨੇੜੇ ਰਹਿਣ ਵਾਲੀ ਗਰਭਵਤੀ ਊਮਾ ਦੇਵੀ ਪਿਛਲੇ ਸਾਢੇ ਛੇ ਮਹੀਨਿਆਂ ਤੋਂ ਗਰਭਵਤੀ ਸੀ, ਜਿਸ ਨੇ ਸਿਵਲ ਹਸਪਤਾਲ ਦੇ ਮਦਰ ਐਂਡ ਚਾਈਲਡ ਵਿਭਾਗ ਦੇ ਬਾਹਰ ਪਾਰਕ ਵਿੱਚ ਵੀਰਵਾਰ ਸ਼ਾਮ ਦੋ ਜੌੜੇ ਬੱਚਿਆਂ ਨੂੰ ਜਨਮ ਦਿੱਤਾ। ਲੇਬਰ ਰੂਮ ਦਾ ਸਟਾਫ ਵਾਰ-ਵਾਰ ਫ਼ੋਨ ਕਰਨ ‘ਤੇ ਵੀ ਉਨ੍ਹਾਂ ਦੀ ਸਹਾਇਤਾ’ ਤੇ ਨਹੀਂ ਆਇਆ। ਪਾਰਕ ਵਿਚ ਬੈਠੀਆਂ ਕੁਝ ਔਰਤਾਂ ਨੇ ਪਰਦਾ ਕਰਕੇ ਔਰਤ ਦੀ ਡਿਲਵਰੀ ਕਰਵਾਈ। ਹਸਪਤਾਲ ਪ੍ਰਬੰਧਨ ਨੇ ਬੱਚਿਆਂ ਦੀ ਮਾਂ ਦੀ ਪ੍ਰੀ-ਜਣੇਪੇ ਕਾਰਨ ਸਿਹਤ ਖਰਾਬ ਹੋਣ ‘ਤੇ ਉਨ੍ਹਾਂ ਨੂੰ ਪੀਜੀਆਈ ਚੰਡੀਗੜ੍ਹ ਰੈਫ਼ਰ ਕਰ ਦਿੱਤਾ। ਉਸ ਨੂੰ ਉਥੇ ਦਾਖਲ ਕਰਵਾਇਆ ਗਿਆ ਸੀ। ਕੁਝ ਦਵਾਈਆਂ ਤਾਂ ਉਸਨੂੰ ਪੀਜੀਆਈ ਤੋਂ ਮਿਲ ਗਈਆਂ ਅਤੇ ਕੁਝ ਪਰਚੀ ’ਤੇ ਲਿਖ ਦਿੱਤੀਆਂ ਗਈਆਂ। ਬੱਚਿਆਂ ਦੇ ਪਿਤਾ ਕੋਲ ਇਹ ਦਵਾਈਆਂ ਖਰੀਦਣ ਲਈ ਪੈਸੇ ਨਹੀਂ ਸਨ।
ਸੰਤੋਸ਼ ਕੁਮਾਰ ਨੇ ਕਿਹਾ ਕਿ ਪੀਜੀਆਈ ਵਿਚ ਬੇਨਤੀ ਕਰਨ ਦੇ ਬਾਵਜੂਦ ਉਸ ਨੂੰ ਦਵਾਈਆਂ ਨਹੀਂ ਮਿਲੀਆਂ। ਉਨ੍ਹਾਂ ਹਸਪਤਾਲ ਦੇ ਸਟਾਫ ਨੂੰ ਅਪੀਲ ਕੀਤੀ ਕਿ ਉਹ ਰਾਤ ਨੂੰ ਉਨ੍ਹਾਂ ਦੇ ਬੱਚਿਆਂ ਦਾ ਇਲਾਜ ਕਰ ਦੇਣ ਪਰ ਸਵੇਰ ਹੋਣ ’ਤੇ ਵੀ ਉਹ ਪੈਸਿਆਂ ਦਾ ਇੰਤਜ਼ਾਮ ਨਾ ਕਰ ਪਾਇਆ। ਮਜਬੂਰ ਹੋ ਕੇ ਉਸ ਨੇ ਮੈਡੀਕਲ ਐਡਵਾਇਜ਼ਰੀ ਦੇ ਖਿਲਾ ਜਾ ਕੇ ਬੱਚਿਆਂ ਨੂੰ ਛੁੱਟੀ ਦਵਾਈ। ਇਸ ਤੋਂ ਬਾਅਦ ਉਹ ਬੱਚਿਆਂ ਨੂੰ ਗੋਦੀ ਵਿੱਚ ਲੈ ਕੇ ਪਤਨੀ ਨਾਲ ਲੁਧਿਆਣਾ ਵਾਪਿਸ ਆਇਆ ਅਤੇ ਫਿਰ ਆਟੋ ਵਿੱਚ ਸਿਵਲ ਹਸਪਤਾਲ ਪਹੁੰਚਿਆ। ਐਮਰਜੈਂਸੀ ’ਚ ਪਹੁੰਚਣ ’ਤੇ ਦੋਵੇਂ ਬੱਚਿਆਂ ਦੀ ਹਾਲਤ ਖਰਾਬ ਸੀ। ਉਨ੍ਹਾਂ ਨੂੰ ਤੁਰੰਤ ਸਪੈਸ਼ਲ ਨਿਊਬਰਨ ਕੇਅਰ ਯੂਨਿਟ ਵਿਚ ਰੱਖਿਆ ਗਿਆ। ਜਦੋਂ ਦੋਵਾਂ ਦੀ ਹਾਲਤ ਵਿੱਚ ਕੋਈ ਸੁਧਾਰ ਨਹੀਂ ਹੋਇਆ ਤਾਂ ਹਸਪਤਾਲ ਪ੍ਰਬੰਧਕਾਂ ਨੇ ਉਨ੍ਹਾਂ ਨੂੰ ਸੀਐਮਸੀ ਰੈਫ਼ਰ ਕਰ ਦਿੱਤਾ। ਉਥੇ ਹੀ ਸ਼ੁੱਕਰਵਾਰ ਨੂੰ ਹਸਪਤਾਲ ਪ੍ਰਬੰਧਨ ਨੇ ਹਸਪਤਾਲ ਦੇ ਵਿਹੜੇ ਵਿਚ ਬਣੇ ਪਾਰਕ ਵਿਚ ਔਰਤ ਦੀ ਜਣੇਪੇ ਦੀ ਜਾਂਚ ਲਈ ਦੋ ਮੈਂਬਰੀ ਜਾਂਚ ਕਮੇਟੀ ਦਾ ਗਠਨ ਕੀਤਾ ਗਿਆ ਹੈ। ਸਿਵਲ ਹਸਪਤਾਲ ਦੇ ਦੋ ਡਾਕਟਰਾਂ ਨੂੰ ਕਮੇਟੀ ਦਾ ਹਿੱਸਾ ਬਣਾਇਆ ਹੈ। ਕਮੇਟੀ ਤਿੰਨ ਦਿਨਾਂ ਵਿਚ ਇਸ ਮਾਮਲੇ ਦੀ ਜਾਂਚ ਕਰੇਗੀ ਅਤੇ ਸਿਵਲ ਹਸਪਤਾਲ ਪ੍ਰਬੰਧਨ ਨੂੰ ਆਪਣੀ ਰਿਪੋਰਟ ਦੇਵੇਗੀ।
