ਟਿਕਰੀ ਬਾਰਡਰ ‘ਤੇ ਇਸ ਸ਼ਰਤ ਨਾਲ ਰਾਹ ਖੋਲ੍ਹਣ ਲਈ ਮੰਨੇ ਕਿਸਾਨ

ਟਿਕਰੀ ਬਾਰਡਰ ‘ਤੇ ਕਿਸਾਨ ਰਾਹ ਖੋਲ੍ਹਣ ਲਈ ਰਾਜ਼ੀ ਹੋ ਗਏ ਹਨ। ਉਨ੍ਹਾਂ ਫਿਲਹਾਲ ਇੱਥੋਂ ਦੋ ਪਹੀਆ ਵਾਹਨਾਂ ਤੇ ਐਂਬੂਲੈਂਸਾਂ ਨੂੰ ਨਿਕਲਣ ਦੀ ਸਹਿਮਤੀ ਦੇ ਦਿੱਤੀ ਹੈ। ਹਾਲਾਂਕਿ ਕਿਸਾਨਾਂ ਨੇ ਇਹ ਸ਼ਰਤ ਰੱਖੀ ਹੈ ਕਿ ਸੜਕ ਰਾਤ ਨੂੰ ਬੰਦ ਰੱਖੀ ਜਾਵੇਗੀ ਤੇ ਸਵੇਰ ਨੂੰ ਖੋਲ੍ਹ ਦਿੱਤੀ ਜਾਵੇਗੀ।

ਦੱਸਣਯੋਗ ਹੈ ਕਿ ਦਿੱਲੀ ਪੁਲਿਸ ਨੇ ਕਿਸਾਨਾਂ ਨਾਲ ਰਾਹ ਖੋਲ੍ਹਣ ਨੂੰ ਲੈ ਕੇ ਮੀਟਿੰਗ ਵੀ ਕੀਤੀ ਪਰ ਕਿਸਾਨ ਇਸ ਲਈ ਨਹੀਂ ਮੰਨੇ। ਇਸ ਕਰਕੇ ਟਿਕਰੀ ਬਾਰਡਰ ‘ਤੇ ਤਣਾਅ ਵਾਲੀ ਸਥਿਤੀ ਬਣੀ ਹੋਈ ਸੀ। ਇਸ ਤੋਂ ਬਾਅਦ ਸੰਯੁਕਤ ਕਿਸਾਨ ਮੋਰਚਾ ਦੀ ਟਿਕਰੀ ਬਾਰਡਰ ਕਮੇਟੀ ਦੀ ਮੀਟਿੰਗ ਵਿਚ ਉੱਦਮੀਆਂ ਨੇ ਆਪਣਾ ਪੱਖ ਰੱਖਿਆ।

ਵੀਡੀਓ ਲਈ ਕਲਿੱਕ ਕਰੋ -:

Atta Burfi Recipe | ਦੁੱਧ ਅਤੇ ਖੋਏ ਤੋਂ ਬਿਨਾਂ ਆਟਾ ਬਰਫੀ | Wheat Flour Burfi | Diwali Special Desserts

ਇਸ ਪਿੱਛੋਂ ਦਿੱਲੀ ਪੁਲਿਸ ਨਾਲ ਗੱਲਬਾਤ ਕਰਨ ਤੋਂ ਬਾਅਦ ਕਿਸਾਨਾਂ ਨੇ ਬਾਰਡਰ ‘ਤੇ ਸਵੇਰ ਤੋਂ ਰਾਤ ਤੱਕ ਦੋਪਹੀਆ ਗੱਡੀਆਂ ਤੇ ਐਂਬੂਲੈਂਸਾਂ ਨੂੰ ਰਾਹ ਦੇਣ ਲਈ ਸਹਿਮਤ ਹੋ ਗਏ।

ਇਹ ਵੀ ਪੜ੍ਹੋ : CM ਪੰਜਾਬੀਆਂ ਨੂੰ ਦੱਸਣ ਕਿ ਟਾਈਟਲਰ ਦੀ ਨਿਯੁਕਤੀ ‘ਤੇ ਸਹਿਮਤੀ ਕਿਉਂ ਦਿੱਤੀ : ਚੀਮਾ

ਇਸ ਦੇ ਨਾਲ ਹੀ ਕਿਸਾਨਾਂ ਨੇ ਟਿਕਰੀ ਬਾਰਡਰ ਨੇ ਪੰਜ ਫੁੱਟ ਹੀ ਰਸਤਾ ਖੋਲ੍ਹਣ ਦਿੱਤਾ ਹੈ। ਅੰਦੋਲਨਕਾਰੀ ਕਿਸਾਨਾਂ ਦਾ ਕਹਿਣਾ ਹੈ ਕਿ ਉਹ ਵੱਡੇ ਵਾਹਨਾਂ ਨੂੰ ਇਥੋਂ ਨਹੀਂ ਲੰਘਣ ਦੇਣਗੇ। ਦੂਜੇ ਪਾਸੇ ਦਿੱਲੀ ਟਿੱਕਰੀ ਬਾਰਡਰ ਤੋਂ ਸਿਰਫ਼ ਦਿੱਲੀ ਤੋਂ ਆਉਣ ਵਾਲੀ ਟਰੈਫ਼ਿਕ ਸ਼ੁਰੂ ਕਰਨ ਲਈ ਤਾਂ ਤਿਆਰ ਹੈ। ਉਹ ਦੂਜੇ ਪਾਸਿਓਂ ਦਿੱਲੀ ਵਿੱਚ ਐਂਟਰੀ ਦੇਣ ਲਈ ਰਾਜ਼ੀ ਨਹੀਂ ਹੈ।